សេដ្ឋកិច្ចតំបន់អាស៊ាន
ថៃ៖ រដ្ឋមន្ត្រីទេសចរណ៍ បានឲ្យដឹងថា សកម្មភាពទេសចរណ៍ ក្នុងអំឡុងពេល ចូលឆ្នាំថ្មីឆ្នាំ សកល២០១៧ នៅក្នុង ប្រទេសថៃ បានទាញ យកចំណូលថវិកា រដ្ឋបាន ប្រមាណជា ៣០ប៊ីលានបាត កើនឡើង៨,៦% ធៀប នឹងឆ្នាំ២០១៦ ។
រដ្ឋមន្ត្រីកីឡា និងទេសចរណ៍ ថៃលោកស្រី Kobkarn Wattanvrangkul បានបង្ហាញ ថាតួលេខ ចំណូលថវិកា រដ្ឋដែលពាក់ ព័ន្ធនិង សកម្មភាព ក្នុងវិស័យ ទេសចរណ៍ អំឡុងថ្ងៃទី៣១ ខែធ្នូឆ្នាំ២០១៦ ដល់ថ្ងៃទី៣មករា ឆ្នាំ២០១៧សម្រេច បានប្រមាណ ជា៣០ប៊ីលាន បាតកើន ឡើង ៨,៦% ធៀបនឹងឆ្នាំចាស់ ។
ទន្ទឹមនិងនេះ ប្រាក់ចំណូល ដែលទទួល បានពីផ្នែកទេសចរណ៍ ក្នុងអំឡុងពេល ចូលឆ្នាំថ្មីត្រូវ បានពាំនាំ មកតាមរយៈ ការចំណាយ ១៩,៦ប៊ីលាន បាតពីភ្ញៀវទេសចរអន្តរជាតិ ដែលកើនឡើង ៥,៤% ពីឆ្នាំមុន ដែលនេះ ក៏ជាលទ្ធផល មួយដែល សម្រេចបាន ពីការបន្ថែម ជើងហោះហើរ៦៥ មកកាន់ប្រទេសថៃក្នុង អំឡុងថ្ងៃ ឈប់សម្រាក ។ ម្យ៉ាងវិញ ទៀតថៃក៏ជា ទិសដៅមួយ ដ៏មានប្រជាប្រិយភា ពក្នុងចំណោម អ្នកទេសចរ អឺរ៉ុបមក ទស្សនា កម្សាន្តក្នុងអំឡុង រដូវត្រជាក់ ទៀតផង ។
លោកស្រីរដ្ឋមន្ត្រី ថែមទាំងបាន បន្ថែមថាបច្ចុប្បន្ន ថៃត្រូវបានចុះ បញ្ជីជាប្រជាជាតិ មួយក្នុងចំណោម ទិសដៅធំ ជាងគេបំផុត៣ សម្រាប់ ជនជាតិរុស្ស៊ីផងដែរ ស្រប ពេលដែល គេសង្កេត ឃើញថា ភ្ញៀវទេសចរ ជនជាតិរុស្ស៊ីដែល មកទស្សនា ថៃក្នុងខែ ធ្នូកើនឡើង២៤% ។
រីឯការធ្វើដំណើរ កម្សាន្តរបស់ ប្រជាជនក្នុង ស្រុកក៏បាននាំ មកនូវចំណូល ១៥ប៊ីលាន បាតចូលថវិការដ្ឋផង ដែរដែលកើន ឡើង១៥,៣%ធៀប នឹងឆ្នាំទៅ ។ យុទ្ធនាការ របស់ រដ្ឋាភិបាល ដែលលើក ទឹកចិត្តការ ចំណាយដូចជា គោលការណ៍ កាត់បន្ថយ ពន្ធពីការ ចំណាយលើ វិស័យទេសចរណ៍ និងយុទ្ធនាការ កាត់បន្ថយពន្ធលើ ទំនិញបាន ជំរុញឲ្យមាន ការកក់សណ្ឋាគារ និងអាហារនៅ តាមភោជនីយ៍ដ្ឋាន ជាច្រើនក្នុង អំឡុងថ្ងៃឈប់ សម្រាកនេះ ។
ប្រែសម្រួលដោយ៖ អុីវ វិចិត្រា