ភ្នំពេញ ៖ កម្លាំងនគរបាលនៃអធិការដ្ឋានខណ្ឌមានជ័យ ដឹកនាំដោយលោក ម៉េង វិមានតារា អធិការរងទទួលបន្ទុកនគរបាលយុត្តិធម៍ បានសហការជាមួយសមត្ថកិច្ចប៉ុស្តិ៍នគរបាលបឹងទំពន់ បានចុះ ប្រតិបត្តិការឆែកឆេរផ្ទះសំណាក់មួយកន្លែង យីហោ ឌី មនោរម្យ ឃាត់ខ្លួនបានមនុស្សប្រុសស្រី ចំនួន១២នាក់ និងគ្រឿងញៀនចំនួន៤កញ្ចប់តូចធំ ព្រមទាំងឧបករណ៍សម្រាប់ប្រើប្រាស់យកទៅសាកសួរ កាលពីវេលាម៉ោង៧យប់ ថ្ងៃទី១៥ ខែកញ្ញា ឆ្នាំ២០១៧ នៅក្នុងផ្ទះសំណាក់យីហោ ឌី មនោរម្យ ផ្លូវ៣៧១ ភូមិត្នោតជ្រុំ១ សង្កាត់បឹងទំពន់២ ខណ្ឌមានជ័យ។
ជនសង្ស័យប្រុសស្រីទាំងនោះ មានឈ្មោះទី១. ឈ្មោះខៀវ ប្រុសបុត ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួលសង្កាត់បឹងត្របែក ខណ្ឌចំការមន ជាអ្នកទិញយកមកលក់បន្ត ទី២. ឈ្មោះ លី លីណា ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះលេខ៤៣ ភូមិព្រែកថ្មី សង្កាត់ព្រែកប្រា ខណ្ឌច្បារអំពៅ ទី៣. ឈ្មោះ ឡុង លូវិន ភេទទីបី អាយុ២៣ឆ្នាំ មុខរបរមិនពិតប្រាកដ ស្នាក់នៅកន្លែងឃាត់ខ្លួន ទី៤. ឈ្មោះ ឆេង ដាវី ភេទស្រី អាយុ២០ឆ្នាំ មុខរបរខារ៉ាអូខេ ស្នាក់នៅផ្ទះជួល សង្កាត់ផ្សារដើមថ្កូវ ខណ្ឌចំការមន ទី៥.ឈ្មោះ រ៉ន ស្រីពៅ ភេទស្រី អាយុ១៦ឆ្នាំ មុខរបរខារ៉ាអូខេ ស្នាក់នៅផ្ទះជួលសង្កាត់ផ្សារដើមថ្កូវ ខណ្ឌចំការមន ទី៦. ឈ្មោះ គីម រ៉ូសា ភេទស្រី អាយុ១៥ឆ្នាំ មុខរបរខារ៉ាអូខេ ស្នាក់នៅកន្លែងឃាត់ខ្លួន ទី៧. ឈ្មោះ ចាំង យ៉ាំងតុង ភេទទីបី ជនជាតិវៀតណាម អាយុ២៨ឆ្នាំ មុខរបរជាងអ៊ុតសក់ ស្នាក់នៅមិនពិតប្រាកដ ទី៨. ឈ្មោះ គឹម លៀង ភេទស្រី អាយុ១៥ឆ្នាំ មុខរបរនិងស្នាក់នៅមិនពិតប្រាកដ ទី៩.ឈ្មោះ ម៉ៅ បញ្ញា ភេទស្រី អាយុ១៩ឆ្នាំ មុខរបរនិងស្នាក់នៅមិនពិតប្រាកដ ទី១០.ឈ្មោះ ស៊ី ដាកា ភេទប្រុស អាយុ១៧ឆ្នាំ មុខរបរនិងស្នាក់នៅមិនពិតប្រាកដ ទី១១.ឈ្មោះ ឡុង គាថា ភេទប្រុស អាយុ២៦ឆ្នាំ ស្នាក់នៅមិនពិតប្រាកដ និង១២. ឈ្មោះ ឃិន ភារម្យ ភេទប្រុស អាយុ៣១ឆ្នាំ មុខរបរនិងស្នាក់នៅមិនពិតប្រាកដ។
តាមសម្តីលោក ម៉េង វិមានតារា អធិការរងទទួលបន្ទុកនគរបាលយុត្តិធម៍ បានឲ្យដឹងថា មុននិងឈានទៅការបង្ក្រាប់ជាក់ស្តែង ព្រមទាំងឃាត់ខ្លួនជនសង្ស័យទាំងនោះ ដោយរូបលោកផ្ទាល់ បានទទួលដំណឹងពីប្រជាពលរដ្ធថាទីតាំងខាងលើ មានក្រុមក្មេងប្រុសស្រីបានពពាក់ពពួនគ្នាប្រមូលផ្តុំគ្នាចែកចាយ និងប្រើប្រាស់គ្រឿងញៀន ឮដូចនេះ រូបលោកក៍បានធ្វើការសើុបអង្កេត រហូតដល់មានតំរុយច្បាស់លាស់ រួចហើយរូបគាត់ក៍បានដឹកនាំកម្លាំងនគបាលនៃអធិការដ្ឋានខណ្ឌ ព្រមទាំងមានការចូលរួមសហការជាមួយកម្លាំងប៉ុស្តិ៍នគបាលបឹងទំពន់ បានធ្វើការឆ្មក់ចូលផ្ទះសំណាក់ខាងលើ ព្រមទាំងចែកឆែកបន្ទប់ចំនួន៣ ឃាត់ខ្លួនបានមនុស្សប្រុសស្រីចំនួន១២នាក់ (នារីភេទទីបីចំនួន២នាក់) ដកហូតថ្នាំប្រភេទក្រាមពណ៌សថ្លា ចំនួន៤កញ្ចប់តូចធំ រួមនិងឧបករណ៍សម្រាប់ប្រើប្រាស់គ្រឿងញៀនមួយចំនួន និងម៉ូតូម៉ាក TODAY ពណ៌ក្រហមមួយគ្រឿង នាំខ្លួនយកទៅធ្វើការសាកសួរនៅប៉ុស្តិ៍នគបាលបឹងទំពុន ។
នៅចំពោះមុខសមត្ថកិច្ច ជនសង្ស័យទាំងនោះបានសារភាពថា ពួកគេពិតជាបានជួញដូរ និងប្រើប្រាស់នៅគ្រឿងញៀនទាំងនេះពិតប្រាកដមែន ដោយគ្រឿងញៀនទាំងនេះ គឺពួគគេបានទិញនៅម្តុំរោងចក្រគួងហុង ក្នុងសង្កាត់ផ្សារដើមថ្កូវ ខណ្ឌចំការមន។
ក្រោយពេលកើតហេតុ ជនសង្ស័យព្រមទាំងវត្ថុតាំង ត្រូវបានសមត្ថកិច្ចកសាងសំណុំរឿង
បញ្ជួនខ្លួននៅអធិការដ្ធានខណ្ឌមានជ័យ ដើម្បីចាត់ការបន្តតាមនីតិវិធី។ ចំណែកផ្ទះសំណាក់ខាងលើត្រូវបានសមត្ថកិច្ចបិទទ្វារជាបណ្តោះអាសន្នសិន៕