ខណៈដែលកំពុងទទួលបានជោគជ័យ ក្នុងដំណើរការអាជីវកម្មនៅប្រទេសកម្ពុជា អស់រយៈពេល២ ឆ្នាំ ហាងដូមីណូភីហ្សា បានសម្ពោធដាក់ឲ្យប្រើប្រាស់ប្រព័ន្ធកុម្ម៉ង់ភីហ្សា តាមអនឡាញរបស់ដូមីណូភីហ្សា នៅកម្ពុជាជាផ្លូវការ ដើម្បីបង្ហាញនូវភាពឈានមុខគេ ខាងផ្នែកបច្ចេកវិទ្យាឌីជីថល។ ក្នុងឱកាសដ៏ពិសេសនេះ អតិថិជនទាំងអស់នឹងអាចរីករាយ ជាមួយប្រូម៉ូសិនពិសេសៗគឺការបញ្ចុះតម្លៃ ៥០ ភាគរយលើភីហ្សាខ្នាតកណ្តាល និងខ្នាតធំ រាល់ការកុម្ម៉ង់ទិញតាមប្រព័ន្ធអនឡាញ ចាប់ពីថ្ងៃទី ២៣ ខែតុលា រហូតដល់ថ្ងៃទី ៥ ខែវិច្ឆិកា។ មិនត្រឹមតែប៉ុណ្ណោះ រាល់ការកុម្ម៉ង់ទិញតាមអនឡាញទាំងអស់ នឹងទទួលបានការ free ជូនសំបុត្រទៅកំសាន្តនៅ Kid City ចំនួន ២ ផងដែរ។
លោក គួច សុខលី អគ្គនាយកគ្រប់គ្រងក្រុមហ៊ុន យីនកុកហ្វូដខប ដែលជាសម្ព័ន្ធក្រុមហ៊ុនទិញសិទ្ធិ ដូមីណូភីហ្សា មកបើកដំណើរការនៅប្រទេសកម្ពុជា បានថ្លែងឲ្យដឹងថា «នេះជាមោទនភាពថ្មីមួយទៀត របស់ដូមីណូភីហ្សាកម្ពុជា ដែលបានសម្ពោធដំណើរការប្រព័ន្ធកុម្ម៉ង់ តាមអនឡាញដំបូងគេ ក្នុងចំណោមបណ្តាប្រទេសនានា នៅក្នុងអាស៊ីប៉ាស៊ីហ្វិក ដែលមានបើកដំណើរការហាង ដូមីណូភីហ្សា។ ការធ្វើទំនើបកម្មនេះ គឺដើម្បីផ្តល់ជូនភាពងាយស្រួលកាន់តែខ្លាំង ដល់អតិថិជនដូមីណូទាំងអស់ ក្នុងការកុម្ម៉ង់ភីហ្សាអនឡាញ គ្រប់ពេលវេលា គ្រប់ទីកន្លែង បន្ថែមពីលើការកុម្មង់នៅក្នុងហាង និងតាមទូរស័ព្ទជាមួយនឹងសេវាកម្ម ដឹកជញ្ជូនរហ័សទាន់ចិត្តត្រឹមតែ ៣០ នាទីរបស់យើង»។
លោក គួច សុខលី បានបញ្ជាក់បន្ថែមទៀតថា «តាមរយៈប្រព័ន្ធដ៏ទំនើបនេះ អតិថិជនទាំងអស់អាចចាប់ផ្តើមកុម្មង់អនឡាញ ចាប់ពីថ្ងៃនេះ តាមរយៈវែបសាយ និង App របស់ដូមីណូឈ្មោះ “Domino’s Pizza Asia Pacific” ដែលអាចដោនឡូតប្រើប្រាស់បាន ទាំងប្រព័ន្ធប្រតិបត្តិការ Android និង IOS ។ ក្នុងនោះ អតិថិជននឹងអាចរីករាយ ជាមួយនឹងមុខងារពិសេសៗដូចជា Pizza Profile សម្រាប់ឲ្យអតិថិជនងាយស្រួលរក្សាទុកអាស័យដ្ឋានរបស់ខ្លួន ដោយមិនចាំបាច់បំពេញច្រើនដង, Easy Order សម្រាប់អតិថិជនរក្សាទុកប្រភេទ នៃការកុម្មង់ដែលចូលចិត្តសម្រាប់ការកុម្ម៉ង់ លើកក្រោយ, Domino’s Tracker សម្រាប់តាមដានពីការដឹកជញ្ជូននៅតាមផ្លូវ, និង Order Now or Order Later ដើម្បីជ្រើសរើសរវាងការកុម្មង់ភ្លាមៗ ឬក៏កុម្ម៉ង់ទុកជាមុន»។
គួរបញ្ជាក់ថា Domino’s Pizza បានបើកដំណើរការនៅប្រទេសកម្ពុជា ក្នុងខែមករា ឆ្នាំ ២០១៥ ហើយបើគិតមកត្រឹមខែតុលាឆ្នាំ ២០១៧ នេះ ហាងដូមីណូភីហ្សា បានពង្រីកសាខាបានចំនួន ៦ សាខា រួមមានសាខាបឹងកេងកង, ផ្សារទំនើបស៊ីធីម៉ល, IFL, ផ្សារទំនើបអ៊ីអនម៉ល, ភ្នំពេញថ្មី និងផ្សារដើមថ្កូវ។ Domino’s Pizza គឺជាភីហ្សាលេខ១ មកពីសហរដ្ឋអាមេរិក ដែលបានបង្កើតឡើងតាំងពីឆ្នាំ ១៩៦០ និងមានលក់ភីហ្សាឈ្ងុយឆ្ងាញ់ពិសេសគ្រប់រសជាតិ ដូចជារសជាតិគ្រឿងសមុទ្រ, ផេបភើរ៉ូនី (Pepperoni), មីតហ្សា (Meatzza), ហាវ៉ៃ (Hawai), បេកខន (Bacon), និងប៊ីប៊ីឃ្យូ (BBQ) រួមទាំងនំប៉័ងខ្ទឹម ស្លាបមាន់បំពង នំប៉័ង Cinnastix, នំសូកូឡា និងប្រភេទអាហារទាន់ចិត្ត ជាច្រើនមុខទៀត។ បច្ចុប្បន្ន ហាងដូមីណូភីហ្សាមានសាខាជាង ១១,០០០ ហាងទូទាំងពិភពលោក៕
