គូស្វាមីភរិយាស្រីដូចគ្នាបានសប្បាយរីករាយចិត្តជាខ្លាំងដោយពួកគេកូនម្នាក់នៅក្នុងផ្ទៃ មានវ័យ២០អាទិត្យទៅហើយ នៅពេលនេះតួអង្គខាងស្វាមីព្រមទម្លាយមូលហេតុដែលនាំឲ្យតួអង្គភរិយាមានគភ៌នេះ។
គូស្វាមីភរិយា១គូនេះ តួអង្គស្វាមីមានឈ្មោះក្នុងហ្វេសប៊ុក “Bong Ta” ចំណែកតួអង្គភរិយា មានឈ្មោះក្នុងហ្វេសប៊ុក “Nivin Na”។
បើតាមបុរសជាស្វាមី បានបង្ហោះសារថា “ថ្ងៃនេះសុំធ្វើការបកស្រាយចំពោះចម្ងល់របស់បងប្អូន ដែលគាត់បានចោទជាសំនួរដូចខាងក្រោម :
ស្រី និង ស្រី មានកូនតាមណា?
តើគេចាក់មេជីវិតឈ្មោលចូលស្បូនមែនទេ?
តើកូនក្នុងផ្ទៃមានជាប់សាច់ឈាមខ្ញុំទេ?
អ្វីទៅដែលហៅថាបង្ករកំណើតក្នុងកែវ?
តំលៃ?”។
បុរសជាស្ចាមីបានបន្តថា “ខ្ញុំសូមបកស្រាយសាច់រឿងខ្ញុំផ្ទាល់ : ស្រី និង ស្រី ពិតជាអាចមានកូនជាមួយគ្នាមែន តែត្រូវមានការបង្ករជាមួយមេជីវិតឈ្មោល។ វិធីរបស់ខ្ញុំគឺមិនមែនជាការចាក់មេជីវិតឈ្មោលចូលទៅក្នុងស្បូនប្រពន្ធខ្ញុំទេ”។
ប្រភពបន្តទៀតថា “ខ្ញុំធ្វើការបង្កកំណើតក្នុងកែវ (IFV) ដោយតម្រូវអោយខ្ញុំរកទិញមេជីវិតឈ្មោលដើម្បីបង្កកទុកបង្កាត់ រួចគេចាប់ផ្តើមអោយថ្នាំខ្ញុំលេប ពិនិត្យសុខភាពនិងចាក់ថ្នាំដើម្បីភ្ញាស់អោយមេជីវិតញីរបស់ខ្ញុំទុំ (ពងញី) ខ្ញុំផ្ទាល់ធ្វើការចាក់ថ្នាំ ពិនិត្យសុខភាពនិងលេបថ្នាំអស់ប្រហែលជា4-5ខែ ទើបមេជីវិតញីខ្ញុំទុំ បន្ទាប់មកទៀតគេបានប៊ូមមេជីវិតញីរបស់ខ្ញុំចេញមកក្រៅ រួចយកទៅបង្កាត់ជាមួយមេជីវិតឈ្មោលដែលខ្ញុំបានទិញមក ការបង្កាត់បានជោគជ័យ តែត្រូវប្រើរយះពេល12ថ្ងៃទៀតដើម្បីពិនិត្យចំនួនកូនដែលមានសុខភាពល្អ”។
ប្រភពបន្ថែមថា “កូនខ្ញុំដែលបង្កាត់ម្តងមានចំនួន9កូនដែលមានសុខភាពល្អ ដូចនេះខ្ញុំសំរេចចិត្តថាដក2កូនយកមកទុកប្រើដើម្បីបានកូនភ្លោះ នៅសល់7កូនទៀតត្រូវបង្កកទុកប្រើពេលក្រោយនៅពេលដែលចង់បានកូនទៀត។ បន្ទាប់ពីបង្កាត់កូនរួចរាល់ ពេទ្យគាត់ចាប់ផ្តើមអោយថ្នាំប្រពន្ធខ្ញុំលេប និងធ្វើការចាក់ថ្នាំអោយបើកមាត់ស្បូន ចំណាយរយះពេល10ថ្ងៃ ពេលដែលពិនិត្យទៅថាដល់វេលាដែលអាចដាក់កូនចូលស្បូនគាត់បាន ពេទ្យក៏ចាប់យកកោសិកាកូនដែលបង្កាត់រួចចំនួន2 ដើម្បីដាក់ចូលស្បូនប្រពន្ធខ្ញុំអោយពពោះជំនួស”។
បុរសជាស្វាមី បន្ថែមទៀតថា “កូននេះគឺមានហ្សេនរបស់មេជីវិតឈ្មោល40% ហ្សេនរបស់ខ្ញុំ40% (ម្ចាស់មេជីវិតញី) និងហ្សេនប្រពន្ធខ្ញុំមានតែ20%ប៉ុននោះ ព្រោះពេលដែលដាក់កូនចូលពោះគាត់ កូនខ្ញុំមានអាយុ12ថ្ងៃរួចទៅហើយ គ្រាន់តែវាត្រូវការជីវជាតិពីសារពាង្គកាយពីខ្លួនប្រពន្ធខ្ញុំដេីម្បីលូតលាស់។ ចុងក្រោយការពិនិត្យផ្ទៃពោះគឺជោគជ័យ តែសោកស្តាយដោយសារមិនជាប់កូនភ្លោះទេ គឺជាប់បានតែ1 កូនខ្ញុំគឺកូនប្រុស“។
ជាចុងក្រោយ បុរសជាស្វាមីបានបញ្ជាក់ថា “ទោះបីជាកូនក្នុងពោះប្រពន្ធខ្ញុំជាកូនរបស់ខ្ញុំ មិនមែនជាកូនគាត់ តែគាត់ជាអ្នកពពោះជំនួសខ្ញុំរហូតដល់ទៅ9ខែ10ថ្ងៃ វាប្រៀបដូចគាត់ក៏ជាម្តាយក្មេងនេះ។ ខ្ញុំទោះបីជាមិនបានពពោះដោយខ្លួនឯង តែក្មេងនេះកើតមានជីវិតដោយសារមេជីវិតញីរបស់ខ្ញុំប្រៀបដូចជាខ្ញុំជាឪពុកម្នាក់ចឹងដែរ។ ចំណែកឯម្ចាស់មេជីវិតឈ្មោល គឺកូនថៃកាត់ចិន មានតែរូបថតតែមិនដែលជួបគ្នាឡើយ តំលៃសរុបអស់ប្រែហែល23000$ ធ្វើនៅប្រទេថៃ”៕