នៅឆ្នាំ២០១៩-២០២០ ទាំងតារាចម្រៀងនិងសម្ដែងគឺបានបាត់បង់ប្រាក់ចំណូលស្ទើតែទាំងស្រុងព្រោះបណ្ដារConcertsនិងរោងភាពយន្ដត្រូវបានបឹទធ្វើឲ្យតារាមួយចំនួនជួបវិបត្តិសេដ្ឋកិច្ច។ ប៉ុន្ដែទន្ទឹមនិងនេះដែរគេឃើញតារាស្រី៣ដួងបានទិញផ្ទះវីឡារតម្លៃសែនដុល្លារនៅរដូវកូវីដនេះដែលបញ្ជាក់ថាពួកគេមិនត្រឹមតែគ្មានហានិភ័យរឿងលុយនោះទេ តែថែមទាំងអាចទិញវីឡារក្នុងក្ដីស្រម៉ៃបានដូចបំណងនៅពេលនេះទៀតផង។
១៖ពេជ្រ សូលីកាៈ តារាកូន១រូបនេះបានដឹកដៃប្ដីលោកគឹម ហាន ទៅទិញផ្ទះវីឡារឃ្វីនដែលមានតម្លៃខ្ទង់ជាង២០ម៉ឺនដុល្លារកាលពីថ្ងៃទី១៦ខែសីហា ខណៈដែលបច្ចុប្បន្ននាងរស់នៅខុនដូយ៉ាងកាលីពផងដែរ។សូលីកា បានប្ដូរមុខមាត់ថ្មីក្រោយនាងបានភ្ជាប់ពាក្យជាមួយអាណិកជនខ្មែរនៅអូស្រ្ដាលីកាលពីថ្ងៃទី២៥ខែតុលាឆ្នាំ២០១៩ និងសម្រាលកូនថ្ងៃទី១៦ឧសភាឆ្នាំ២០២០ ដោយដាក់ឈ្មោះថាហង្ស អ៊ារីវេស្ដេ។កាលពីថ្ងៃទី២២ខែកក្កដាឆ្នាំ២០២១ សូលីកា បានប្រារពខួបស្នេហ៍២ឆ្នាំជាមួយស្វាមី ហើយថ្មីៗនេះដែរនាងបានបណ្ដើរប្ដីនិងបីកូនប្រុសទៅថតPre-Wedding នៅប្រាសាទអង្គរវត្តដោយពួកគេគ្រងឈុតប្រពៃណីយ៉ាងស្រស់ស្អាត។
២៖ណា សាឌីៈ តារាកូនខ្មែរកាត់ថៃរូបនេះបានទិញផ្ទះវីឡារឃ្វីនតម្លៃ១៥ម៉ឺនដុល្លារ នៅបុរីអាម៉ូរី ដោយវាចារនោះជាការខិតខំប្រឹងប្រែងរបស់នាងផ្ទាល់គ្មានអ្នកណាជួយឧបត្ថម្ភឡើយ។អតីតFreshie កាលពីឆ្នាំ២០១៥ រូបនេះក៍បានប្ដូរពីជិះរថយន្ដម៉ាកPrius មកLexus Nx200t ទើបធ្វើឲ្យសម្រស់របស់នាងឡើងមួយក្រឺតថែមទៀត។យ៉ាងណាសាឌី មិនទាន់បង្ហាញមុខគូស្នេហ៍ជាចំហឡើយ ក្រោយនាងធ្លាប់ប៉ៈរឿងអាស្រូវស្នេហាកាលពីឆ្នាំមុនដោយបែកធ្លាយរឿងមានកូនមន្រ្ដីធំម្នាក់គឺ្រតក្នាញ់នាងខ្លាំងពេករហូតដល់ខាំជាំស្បែកសាច់ភ្លៅ។តែនាងសាឌី បានច្រានចោលដោយថារឿងនោះមានគេចង់ធ្វើបាបនាងទៅវិញ។
៣៖វ៉ាន់ វល័ក្ខៈ តារាដើមទ្រួងធំទ្រលុកទ្រលន់នាងវ៉ាន់ វល័ក្ខ បានដើរទៅមើលផ្ទះវីឡារនាងកំពុងតែសាងសង់កាលពីថ្ងៃទី១ខែកញ្ញា តែអ្វីដែលចម្លែកនៅពេលដែលអ្នកយកព័តមានយើងសាកសួរតាមឆាតហ្វេសបុករឿងទិញផ្ទះប្រណិតនោះថាតម្លៃប៉ុន្មាន?នៅបុរីណា?មានគូស្នេហ៍ជួយឬអត់នោះវល័ក្ខ មិនឆ្លើយតបមួយម៉ាត់ណាឡើយ។ការទិញផ្ទះវីឡារស្កឹមស្កៃរបស់តារាដែលចូលចិត្តបញ្ចេញសាច់ភ្លៅសខ្ចីរូបនេះក្រោយពីនាងបានទិញរថយន្ដម៉ាកLexus Lx570 Kuru2020 តម្លៃ២៣ម៉ឺនដុល្លារកាលពីខែកក្កដាឆ្នាំ២០២០។
ក្រៅពីតារាទាំង៣ដួងខាងលើដែលណាត់គ្នាទិញវីឡារនៅរដូវកូវីដនេះតារាស្រីដែលកំពុងរស់នៅផ្ទះវីឡារមានដូចជាសូដា នីតា,ដួង ម៉ានិច្ច,ទេព បូព្រឹក្ស,នៅ សុនិតា ,ស៊ឹម សូលិកា ,ឌួង ហ្សូរីដា ,ម៉េង កែវពេជ្ជតា,ចន ច័ន្ទលក្ខិណា,ឈួន សុវណ្ណឆ័យ,ថន លក្ខិណា,ឱក សុគន្ធកញ្ញា ,បេប៊ី ,រ៉ាប៊ី និងសួស វីសា ជាដើម៕ ហ៊ឹម វិចិត្រ