លោកសុខ មេសា ហៅនាយចឺម ហាក់មិនសូវជ្រួលជ្រើមមើលទៅស្រីផ្សេងៗរំលងសង្សាររបស់ខ្លួនទៀតទេព្រោះតែពេលនេះនាងហ្វា ហ្វា កាន់តែមានការតុបតែងខ្លួនស្អាតប្លែកទៅៗហើយពិសេសគឺការពាក់ក្រវិលនៅរន្ធផ្ចិតយ៉ាងស៊ិចស៊ីនោះគេជឿថាលោកមេសា កាន់តែគ្រឺតក្នាញ់និងពេញចិត្តស្ដូកតែម្ដង។តាមព័តមានថាម្ដាយនាយចឺម ក៍ពេញចិត្តនាងហ្វា ហ្វា ហៅស្រីយី ខ្លាំងដែរហើយថែមទាំងជម្រុញឲ្យកូនប្រុសគាត់ឆាប់គិតតគូរឿងដឹកដៃសង្សាររៀបការទៀតផង។
ប៉ុន្ដែនាយចឺម ធ្លាប់ប្រាប់ថានាយ មិនទាន់ចង់រៀបការឆាប់ៗនេះទេព្រោះថាជីវិតប្ដីប្រពន្ធគង់មានខ្លះបែកគ្នា ចុះទម្រាំនាយនិងអូន ហ្វា ត្រឹមជាសង្សារម៉េចនឹងអាចមើលដឹងថាថ្ងៃក្រោយមានរឿងអីកើតឡើងទៅ?ចំពោះស្រីយី វិញធ្លាប់វាចារថាពីដំបូងម្ដាយនាងចេះតែបារម្ភដែរក្រោយដឹងថានាងនិងនាយចឺម ទាក់ទងគ្នា។តែពេលនេះគាត់លែងគិតច្រើនទៀតហើយ។ទោះជាយ៉ាងណានាងនៅតែនិយាយបែបលាក់លៀមថានាងនិងនាយចឺម រស់នៅផ្ទះបែកគ្នាមិនមែនក្រោមដំបូលតែមួយទេ។
នាយចឺម ជាតារាដែលពូកែញ៉ែស្រីគឺដូចគ្នាទៅនិងនាយពាក់ម៉ី និងនាយក្រូចដែរព្រោះឲ្យតែនិយាយជាមួយស្រីណាហើយនារីៗទាំងនោះជឿរស្លុងតែម្ដង។ប៉ុន្ដែដូចពាក្យគេថា”ដំរីជើងបួន គង់មានភ្លាត់”នោះមិនខុសទេព្រោះតែគ្រាន់តែអតីតតារាកំប្លែងCtnរូបនេះភ្លាត់ស្នៀតតែមួយភ្លែតសោះក៍ត្រូវបានប្រុសផ្សេងឆក់សង្សារជាស្រីស្អាតបាត់អស់ម្ដងដល់ទៅ២ព្រមគ្នានោះគឺនាងពុធ ស្រីខួច និងអៀ ម៉េងលិ ហៅអូនម៉ីម៉ី ខណៈដែលកាលពីថ្ងៃទី១៨ខែធ្នូឆ្នាំ២០១៩ នាយចឺម បានត្រូវកីឡាករឈ្មោះង៉ែត លីទី វាយឲ្យរបួសក្បាលដេអស់៥ថ្នេរដោយសារតែលោកមេសាឆាតទៅញ៉ែនាងស្រីលាភ ដែលជាសង្សាររបស់គេ ។
នាងហ្វា ហ្វា គ្រាន់តែហួសចិត្តចំពោះសង្សារហ៊ានក្បត់ចិត្តនាងទៅរកម្ហូបនៅខាងក្រៅផ្ទះនេះតែនាងបានអធ្យាស្រ័យឲ្យលោកមេសា ទើបធ្វើឲ្យពេលនេះនាយចឺម ហាក់ភ្ញាក់ខ្លួននិងមិនសូវហ៊ានចាប់គ្រញិចអោបថើបតួស្រីៗដែលថតMVលើសពីតម្រូវការរបស់អ្នកដឹកនាំដូចមុននោះទៀតទេ។ចំពោះនាងហ្វា ហ្វា វិញដើម្បីចងចិត្តនាយចឺម នាងមានតែប្រឹងតែងខ្លួនឲ្យស្អាតគ្រប់ពេលវេលាហើយថែមទាំងស៊ិចស៊ីប្លែកទៅៗដូចជាពេលនេះពាក់ក្រវិលនៅរន្ធផ្ចិតដែលធ្វើឲ្យប្រុសៗជាច្រើនគ្រឺតក្នាញ់ហើយបើនាយចឺម ហ៊ានតែថ្លោះធ្លោយជាថ្មីម្ដងទៀតនោះច្បាស់ជាដើរជាន់ដានចាស់ត្រូវប្រុសផ្សេងឆក់យកសង្សារទី៣ទៅបាត់ជាមិនខាន៕
