រយៈពេលតែ២ថ្ងៃក្រោយចាកចេញពីក្លឹប Napoli លោក Gennaro Gattuso ត្រូវបាន ក្លឹប Fiorentina តែងតាំងជាគ្រូបង្វឹកថ្មី។ លោក Gennaro Gattuso បានចូលមកស្នង តំណែងលោក Giuseppe Iachine ដែលបាន ចាកចេញពីក្លឹបពីរដង ក្នុងរយៈពេល៦ខែ។
លោក Giuseppe Iachine បានដឹកនាំ ក្លឹប Fiorentina កាលពីរដូវកាលកន្លងមកនេះ ជំនួយលោក Cesare Prandelli កាលពីខែធ្នូ ប៉ុន្តែត្រូវបានហៅត្រឡប់មកវិញកាលពីខែមីនា នៅពេលដែលលោក Cesare Prandelli លា លែងចេញពីតំណែង។ បន្ទាប់ពីជួយឱ្យក្លឹប Fiorentina រួចផុតពីតំបន់កាត់ចោល លោក Giuseppe Iachine សុំលាលែងចេញពីតំណែង។ ក្លឹប Fiorentina បញ្ចប់រដូវកាល ទទួលបានចំណាត់ថ្នាក់លេខ១៣ ក្នុងតារាង។
តាមពិតទៅ ប្រភពព័ត៌មានអ៊ីតាលីជា ច្រើន ផ្សព្វផ្សាយពីដំបូងថា លោក Gennaro Gattuso នឹងចូលមកដឹកនាំក្លឹប Lazio ប៉ុន្តែ ទីបំផុត លោកបានជ្រើសរើសយក Fiorentina វិញ។
លោក Gennaro Gattuso ធ្លាប់ដឹកនាំ ក្លឹប Napoli ឈ្នះរង្វាន់អ៊ីតាលីខាប់លើកដំបូង កាលពីខែមិថុនា ប៉ុន្តែក្លឹបនេះបានបាត់បង់កៅអី ប្រកួតយូហ្វាឆេនពានលីក.