ភ្នំពេញ៖អ្នកផលិតកម្មវិធីទូរទស្សន៍ជាន់ខ្ពស់លោកគួច ខេវិន ថាលោកមិបានដាក់បន្ទុកឬចោទប្រកាន់ថាអ្នកនាងខ្ញុង ជំពាក់បំណុលគេសរុបដល់ទៅ៥៧២០០០ដុល្លារនោះ បណ្ដាលមកពីនាងលេងល្បែងនោះឡើយ។លោកស្នើរសុំកុំឲ្យអ្នកលេងបណ្ដាញសង្គមឬអ្នកសារព័តមានតាមOnline មេត្តាកុំយកសម្ដីរបស់លោកទៅឆាឬស្ងោរឲ្យខុសពីភាពដើមព្រោះលោកគ្រាន់តែធ្លាប់តែឭគេអាចលេងល្បែងតាមOnline តែឥឡូវមានខ្ចីលុយតាមOnlineទៀត។លោកខេវិន ថ្លែងសារថា”ខ្ញុំពុំធ្លាប់បានគិត ហើយរិតតែគ្មានបំណងណាមួយ សូម្បីតែបន្តិបន្តួច យកមាត់ទៅពោលពាក្យពេបជ្រាយ មើលងាយ ទំលាយរឿងអ្វីរបស់នរណាម្នាក់ព្រោះវាគ្មានប្រយោជន៍។ ក្នុងករណីនាងខ្ញុងដែលគេឯងរំជើបរំជួលផ្អើលឯលិច កក្រើកឯកើតខ្ញុំមិនបាននិយាយថានាងលេងល្បែងអនឡាញ នោះឡើយ។ ខ្ញុំធ្លាប់ឮថាគេអាចលេងល្បែងតាមអនឡាញ តែឥឡូវមានរហូតដល់ខ្ចីលុយតាមអនឡាញទៀត?ក្រៅពីសម្តែងក្តីអាណិតចំពោះនាង ខ្ញុំបានជួយនាងទៅតាមសទ្ធារបស់ខ្ញុំថែម ទៀតទោះជាមានអ្នកចំអកឡកឡាយក៏ដោយចុះ ។ ខ្ញុំសូមឲ្យបងប្អូនមេត្តាកុំយកសម្តីរបស់ខ្ញុំទៅឆា ស្ងោរ ឲ្យបាត់ភាពដើមនិងកុំកាឡៃឲ្យមានន័យផ្សេង ហើយក៏សុំឲ្យបងប្អូនកុំក្រសោបអ្នកសិល្បៈដ៏ច្រើនចូលទៅក្នុងរឿងរ៉ាវរបស់អ្នកសិល្បៈម្នាក់ ពីរនោះ ព្រោះអ្នកសិល្បៈម្នាក់ៗមិនដូចគ្នាគ្រប់យ៉ាងនោះឡើយ! អរគុណបាទ”។
ដោយឡែកអ្នកនាងស្រេង សុកាន់ដា ហៅខ្ញុង បានប្រាប់អ្នកយកព័តមានយើងក្នុងជំនួបផ្ទាល់កាលពីថ្ងៃទី២០ខែតុលាថានាងហ៊ានស្បថរឿងដែលនាងជំពាក់បំណុលចំនួន៥៧២០០០ដុល្លារនោះមិនមែននាងយកលុយទាំងនោះទៅលេងល្បែងស៊ីសងតាមOnlineឡើយ។នាងថាការដែលនាងធ្លាក់ខ្លួនចូលទៅក្នុងបំណុលនោះដោយសារតែរកស៊ីខាតនិងយកលុយមកប្រើខុសគោលដៅ។នាងបន្ថែមថាពិតជាបានខ្ចីលុយចិនតាមOnlineជាមួយការប្រាក់ខ្ពស់មែន តែមិនមែនលេងល្បែងនោះទេ។ចំណែករឿងដែលមហាជនមិនសូវជឿរជាក់លើអ្នកនាងខ្ញុង ថាជំពាក់លុយគេដល់ទៅជាងកន្លះលានដុល្លារហើយម៉េចបានប្ដីនាងនាយកៃដ មិនដឹងនោះត្រូវបានអតីតតារាកំប្លែងCtnរូបនេះបញ្ជាក់ថាមកពីនាងលាក់ប្ដីមិនឲ្យដឹង ព្រោះខ្លាចប្ដីខឹង។
លោកគួច ខេវិន ថាក្នុងគ្រាដែលអ្នកនាខ្ញុង ជួបរឿងលំបាកព្រោះបំណុលវ័នកនេះលោកក៍បានជួយប្រាក់កាសដល់នាងផងដែរតាមលទ្ធភាព តែលោកមិនបញ្ជាក់ថាចំនួនលុយដែលលោកឧបត្ថម្ភនោះប៉ុន្មានឡើយ៕
