ភ្នំពេញ៖តារាចម្រៀងគង់ ស្រីពេជ្រ ហៅពេជ្រ សូលីកា ដែលជាភរិយារបស់លោកគឹម ហាន អាណិកជនខ្មែរមកពីអូស្រា្ដលីនោះពេលនេះកំពុងតែមានក្ដីសុខបំផុតព្រោះតែចំណងស្នេហាឆ្លងទ្វីពរបស់នាងលែងមានឧបស័ក្ករារាំងផ្លូវទៀតហើយក្រោយពីអតីតគូស្នេហ៍របស់ប្ដីនាងគឺស្រីស្រស់ថៃ នារីសុជាតា ដែលជាអ្នកមេម៉ាយកូន១សាច់សខ្ចីនោះបានងាកទៅផ្សារភ្ជាប់ស្នេហ៍ជាមួយអតីតសង្សារអ្នកនាងហង្ស សុជាតា ជាបុរសមានវ័យច្រើនឆ្នាំជាងនាងលោកហេង ពិទូ ទៅវិញដែលធ្វើឲ្យពេលនេះស្រីពេជ្រ ហៅសូលីកា ជិះសេះលែងដៃតែម្ដង។យ៉ាងណាទំនាក់ទំនងរវាងសូលីកា និងនារីសុជាតា ដែលពីមុនធ្លាប់តែជាមិត្តជិតដិតនោះមិនអាចវិលទៅរកភាពត្រូវរ៉ូវគ្នាបានសារជាថ្មីវិញនោះទេព្រោះតែសូលីកា នៅតែត្រូវបានមនុស្សមួយចំនួននិយាយថានាងដណ្ដើមសង្សារពីពួកម៉ាក។
ពេជ្រ សូលីកា ធ្លាប់ប្ដឹងថៃ នារីសុជាតា ដែលជាកូនរបស់លោកថៃ នរៈសត្យា អតីតរដ្ឋលេខាធិការក្រសួងវប្បធ័មនិងវិចិត្រសិល្បៈ រួមទាំងនាងលី សុគន្ធារី ហៅបេនីយាំង ទៅក្រសួងមហាផ្ទៃផ្នែកនាយដ្ឋានបច្ចេកវិទ្យាកាលពីថ្ងៃទី៣ខែវិច្ឆិការឆ្នាំ២០១៩ ខណៈដែលក្រសួងមហាផ្ទៃ បានចេញលិខិតកំណត់ឲ្យថៃ នារីសុជាតា និងលី សុគន្ធារី ចូលខ្លួនបំភ្លឺកាលពីថ្ងៃទី១៤ខែវិច្ឆិការឆ្នាំ២០១៩ នៅនាយកដ្ឋានប្រឆាំងបទល្មើសបច្ចេកវិទ្យាអគារL ជាន់ទី១ក្រសួងមហាផ្ទៃ ។តាំងពីពេលនោះមកគេមិនដែលឃើញសូលីកា និងនារីសុជាតា ដើរចូលគ្នាទៀតនោះទេហើយអតីតFreshie រូបនេះក៍លែងនិយាយអ្វីដៀមដាមឬប៉ៈពាល់ដល់សូលីកា ទៀតដែរ គឺស្រាប់តែស្ងាត់ៗនាងងាកទៅស្អិតល្មូតជាមួយលោកហេង ពិទូ តារាចម្រៀងជើងចាស់ដែលមានវ័យបងនាងដល់ទៅជាង១០ឆ្នាំទៅវិញ ទើបធ្វើឲ្យសូលីកា កាន់តែលែងមានក្ដីបារម្ភរឿងខ្លាចប្ដីនាងរត់ទៅរកសង្សារចាស់វិញ។
ពេជ្រ សូលីកា ក្រោយភ្ជាប់ពាក្យជាមួយលោកគឹម ហាន កាលពីថ្ងៃទី២៥ខែតុលាឆ្នាំ២០១៩ និងសម្រាលកូនប្រុសថ្ងៃទី១៦ខែឧសភាឆ្នាំ២០២០ នោះពេលនេះនាងមានក្ដីសុខបំផុតក្នុងជីវិតនឹងបានដឹកដៃប្ដីទៅទិញផ្ទះវីឡារឃ្វីនកាលពីថ្ងៃទី១៦ខែសីហា នឹងត្រៀមឡើងផ្ទះថ្មីនៅឆ្នាំ២០២២នេះទៀតផង។តារាចម្រៀងកូន១រូបនេះត្រូវប្ដីនាងឲ្យច្រៀងរាំតាមចិត្តចង់ហើយនាងថាមិនទាន់គិតដល់រឿងចេញទៅរស់នៅប្រទេសអូស្រា្ដលីតាមប្ដីនាពេលខាងមុខឡើយ។ដោយឡែកទាក់ទងរឿងរៀបការវិញសូលីកា អាចនឹងគ្រងឈុតកូនក្រមុំមែនទែននៅឆ្នាំក្រោយនេះផងដែរក្រោយអាកខានរៀបការនៅដើមឆ្នាំ២០២១ដោយសារតែកូវីដផ្ទុះពេក។ក្រៅពីលែងត្រូវបានអតីតសង្សារប្ដីតាមឆាឆៅនោះពេជ្រ សូលីកា ក៍បានកប់ចោលស្រមោលស្នេហ៍ដ៍ខ្មៅងងិតរបស់នាងនាពេលអតីតកាលតាំងពីភ្លាមៗក្រោយនាងភ្ជាប់ពាក្យរួចម្លេះ។សម្រាប់ការច្រៀងសម្ដែងរបស់សូលីកា នៅពេលនេះត្រូវបានគេមើលឃើញថានាងមិនអាចវាយលុកទីផ្សារចម្រៀងឲ្យស្ទុះឡើងដូចមុននោះទេព្រោះថាពេលនេះតារាកូន១រួមទ្រនុំជាមួយនាងដូចជាឱក សុគន្ធកញ្ញា និងសួស វីសា ជាដើមសុទ្ធតែប្រឈមភាពនៅទ្រឹងដូចនាងដែរក្រោយមានប្ដីនិងមានកូនម្នាក់១ដូចគ្នានេះ។
គូរបញ្ជាក់ថាទោះជាពេលនេះពេជ្រ សូលីកា លែងក្វល់ក្វាយចិន្ដារឿងស្នេហាមានអ្នកប្រជែងក្ដី តែក្ដីកង្វល់របស់នាងជារៀងរាល់រាត្រីដែលពេលខ្លះធ្វើឲ្យនាងគេងសម្រក់ទឹកភ្នែកម្នាក់ឯងនោះគឺម្ដាយជាទីស្រលាញ់របស់នាងអ្នកស្រីស៊ិន ស្រីនាង ត្រូវបានតុលាការប្រកាសសាលក្រមកាលពីថ្ងៃទី២៥ខែសីហាឆ្នាំ២០២១ដោយសម្រេចផ្ដន្ទាទោសដាក់ពន្ធនាគាររយៈពេល១២ឆ្នាំក្រោមការចោទប្រកាន់ពីបទឃាតកម្មតាមមាត្រា១៩៩ នៃក្រមព្រហ្មទណ្ឌ ក្រោយអ្នកស្រីស៊ិន ស្រីនាង ត្រូវបានសម្ថកិច្ចឃាត់ខ្លួនកាលពីថ្ងៃទី១១ខែមករាឆ្នាំ២០២០ ពាក់ព័ន្ធករណីឃាតកម្មលើគូស្នេហ៍ភេទដូចគ្នាអ្នកស្រីងិន សុខលី នៅលើផ្ទះរបស់សូលីកា ។យ៉ាងណាសូលីកា រំពឹងបានជួបមុខម្ដាយសារជាថ្មីវិញនៅឆ្នាំ២០៣៣ខាងមុខ៕
