ភ្នំពេញ៖ពេជ្រ សូលីកា ទទួលបានកាដូពីស្វាមីសំណព្វចិត្តនាងស្ទួនៗនៅឆ្នាំ២០២១ក្នុងនោះមានដូចជាផ្ទះវីឡារដែលមានតម្លៃខ្ទង់ជាង៣០ម៉ឺនដុល្លារដែលបានទិញកាលពីថ្ងៃទី១៦ខែសីហាឆ្នាំ២០២១ ខណៈដែលថ្មីៗនេះនាងទើបទិញបន្ទប់ខុនដូមួយទៀតតម្លៃខ្ទង់ជិត១០ម៉ឺនដុល្លារបន្ថែម។នេះគឺជាការផ្ដល់ភាពកក់ក្ដៅមួយទៀតរបស់ប្ដីសូលីកា ជូនភរិយារបស់លោក ដែលជាតារាចម្រៀងហង្សមាស ខណៈដែលបច្ចុប្បន្ននាងត្រូវស្វាមីទិញ រថយន្ដទំនើបៗឲ្យជិះយ៉ាងកាលីពដូចជារថយន្ដម៉ាកPorsche, Bmw និងRange Rover ជាដើម។
តាមរយៈការរស់យ៉ាងស៊ីវីល័យរបស់សូលីកា នៅពេលនេះបញ្ជាក់ថានាងជ្រើសប្ដីត្រូវព្រោះតែលោកគឹម ហាន ដែលជាអតីតសង្សារនាងថៃ នារីសុជាតា បានបំពេញក្ដីស្រម៉ៃជូននាងគ្រប់បែបយ៉ាងទាំងអស់ក្រោយភ្ជាប់ស្នេហ៍ជាង២ឆ្នាំមកនេះ។ប៉ុន្ដែរឿងដែលសូលីកា សោកសៅបំផុតក្នុងជីវិតនោះគឺម្ដាយជាទីស្រលាញ់របស់នាងអ្នកស្រីស៊ិន ស្រីនាង ត្រូវជាប់គុគដល់ទៅ១២ឆ្នាំ ក្រោយតុលាការប្រកាសសាលក្រមកាលពីថ្ងៃទី២៥ខែសីហាឆ្នាំ២០២១ ដោយចោទប្រកាន់ពីបទឃាតកម្មតាមមាត្រា១៩៩ នៃក្រមព្រហ្មទណ្ឌបន្ទាប់ពីម្ដាយអ្នកចម្រៀងរូបនេះត្រូវបានសម្ថកិច្ចចាប់ឃាត់ខ្លួនកាលពីថ្ងៃទី១១ខែមករាឆ្នាំ២០២០ ពាក់ព័ន្ធករណីឃាតកម្មលើគូស្នេហាភេទដូចគ្នាអ្នកស្រីងិន សុខលី ។សូលីកា ដែលលើកពេលរៀបការនៅឆ្នាំ២០២១ ព្រោះតែកូវីដនោះអាចនឹងរៀបការនៅឆ្នាំ២០២២ ខាងមុខនេះដោយគ្មានម្ដាយចូលរួមឡើយ។
ពេជ្រ សូលីកា បានភ្ជាប់ពាក្យជាមួយលោកគឹម ហាន អ្នកឌីហ្សាញម៉ូដសម្លៀកបំពាក់និងជាអាណិកជនខ្មែរមកពីអូស្រា្ដលីកាលពីថ្ងៃទី២៥ខែតុលាឆ្នាំ២០១៩ ហើយនាងសម្រាលកូនប្រុសថ្ងៃទី១៦ខែឧសភាឆ្នាំ២០២០ ដោយដាក់ឈ្មោះថាហង្ស អ៊ារីវេស្ដេ ។ក្រោយសូលីកា មានប្ដីនេះធ្វើឲ្យស្រមោលស្នេហាដ៍ខ្មៅងងិតនាពេលអតីតកាលរបស់នាងបានកប់ដានអស់ ហើយដើម្បីឲ្យចំណងស្នេហាថ្មីរបស់នាងកាន់តែរឹងមាំថែមទៀតនាងនឹងដឹកដៃប្ដីរៀបការជាចំក្រោយកូវីដកាន់តែថមថយខ្លាំងនាពេលខាងមុខនេះ។យ៉ាងណាគម្រោងសូលីកា ពពោះកូនទី២នោះបែជាស្ងប់ស្ងាត់ទៅវិញក្រោយនាងធ្លាប់បង្ហាញសញ្ញាមានផ្ទៃពោះតាំងពីដើមខែមេសាឆ្នាំ២០២០ តែពេលនេះស្រីពេជ្រ ហៅសូលីកា មិនទាន់ចាញ់កូនទី២ឡើយ។គេជឿរថាការយកកូនថែមនឹងធ្វើឲ្យចំណងស្នេហាសូលីកា រឹតតែរឹងមាំថែមទៀតជាមិនខាន៕
