ភ្នំពេញ៖សុខ សោម៉ាវត្តី និងកីឡាករបាល់ទាត់លី វ៉ាហេទ បានក្លាយទៅជាចិត្ត១ថ្លើម១បើទោះជាពួកគេទាំង២នាក់មិនទាន់មានខាន់ស្លារតាមប្រពៃណីខ្មែរត្រឹមត្រូវក្ដី ប៉ុន្ដែអំណាចលុយ ,ឡាន និងវីឡារមិនធ្វើឲ្យវត្តី ជ្រួលជ្រើមឬបោះបង់ចោលប្រុសក្មេងវ៉ាហេទ កណ្ដាលផ្លូវឡើយ។ការរក្សារជំហបែបនេះរបស់អ្នកមេម៉ាយសាច់សខ្ចីសុខ សោម៉ាវត្តី បង្ហាញឲ្យគ្រប់គ្នាបានដឹងថាពេលនេះនាងហាក់បាក់ស្បាតទៅហើយរឿងប្រុសមានលុយតាមស្នេហា ព្រោះបុរសទាំងនោះស្រលាញ់លឿន ប្ដូរដៃគូក៍ដូចផ្លេកបន្ទោរដែរ។វត្តី ដែលធ្លាក់ខ្លួនមេម៉ាយកូន១ទាំងវយក្មេងនោះធ្លាប់ប្រាប់ថានាងមិនរំភើបចំពោះរឿងឭថាមន្រ្ដីធំ ឬកូនអ្នកមានតាមស្រលាញ់នោះទេ ព្រោះតែរូបនាងធ្លាប់មានប្ដីអ្នកធំដែរហើយបើនាងចង់បានងារជំទាវ ចាំបាច់នាងលែងលះជាមួយអតីតប្ដីធ្វើអីទៅ?
តាមព័តមានថាអតីតស្វាមីសុខ សោម៉ាវត្តី គឺលោកទូច ដាណារ៉ា ហៅពេជ្រ បច្ចុប្បន្នឡើងឋានៈជាស្នងការងខេត្តរតនគិរី ហើយបើទោះជាពួកគេចែកផ្លូវគ្នាជាង៦ឆ្នាំក្ដី តែវត្តី និងលោកពេជ្រ បានប្រែមកជារាប់អានគ្នាជាធម្មតានិងតែងតែញាំអាហារជាមួយគ្នាជាញឹកញាប់ជាមួយកូនស្រីរបស់ពួកគឈ្មោះចាស្មីន ពេលនេះមានវ័យជិត១០ឆ្នាំទៅហើយ។អ្វីដែលគូរឲ្យសរសើរគឺប្រុសកំពូលស្នេហ៍របស់សោម៉ាវត្តី កីឡាករលី វ៉ាហេទ មិនដែលចេះប្រចណ្ឌឬហួងហែងវត្តី ឡើយពោលគឺបើកដៃជាចំហ ឲ្យនាងទៅជួបប្ដីចាស់ក្នុងការញាំអាហារជាមួយគ្នា។លើសពីនេះទៅទៀតលោកវ៉ាហេទ ថែមទាំងស្រលាញ់កូនស្រីរបស់វត្តី ដោយចាត់ទុកដូចជាកូនបង្កើតរបស់លោកដែរ ទើបធ្វើឲ្យវត្តី កាន់តែពេញចិត្តស្តូកនិងជឿរស៊ុបទៅលើប្រុសក្មេងហើយទោះជាប្រុសផ្សេងៗទៀតតាមស្នេហានាងហើយចង់យកទឹកលុយធំយ៉ាងណាមកជះក៍បេះដូងអ្នកមេម៉ាយរូបនេះមិនជ្រួលជ្រើមដែរ។
យ៉ាងណាសុខ សោម៉ាវត្តី ធ្លាប់វាចារថានាងគ្មានគម្រោងរៀបការជាមួយលោកលី វ៉ាហេទ នោះទេព្រោះសម្អាងថានាងធ្លាប់បានរៀបការម្ដងរួចទៅហើយ ដែលការថ្លែងបែបនេះគឺដូចគ្នាទៅនិងពេជ្រ សោភា ដែរថានាងគ្មានផែនការណ៍ធ្វើជាកូនក្រមុំម្ដងទៀតឡើយដោយសារតែឆ្លងកាត់ម្ដងរួចទៅហើយ។
សុខ សោម៉ាវត្តី ស្ថិតក្នុងចំណោមតារាដែលធ្លាក់ខ្លួនមេម៉ាយតែនៅមានទីផ្សារសិល្បៈល្អដូចជាពេជ្រ សោភា ,សុខ ស្រីនាង ,ប៉ាច គីមមួយ និងកែវ និសា ជាដើម៕
