បន្ទាប់ពីចំណាយពេល45ឆ្នាំដើម្បីកសាងក្រុមហ៊ុនមួយដែលមានតម្លៃទីផ្សារ 2 ពាន់ពាន់លានដុល្លារ ទីបំផុតក្រុមហ៊ុន Apple បានឈានដល់តម្លៃ3ទ្រីលានដុល្លារជាលើកដំបូង។តាមពិតតម្លៃទីផ្សាររបស់វាបានកើនឡើងបីដងចាប់តាំងពីខែសីហា ឆ្នាំ 2018។
លោក Daniel Ives អ្នកវិភាគ Wedbush Securities បាននិយាយថា ការកើនឡើងរបស់ក្រុមហ៊ុន Apple ដោយសារតម្រូវការ ដ៏ខ្លាំងសម្រាប់ទូរស័ព្ទប្រភេទ iPhone 13 របស់ខ្លួនជាមួយនឹងការលក់បានប្រហែលជាង 40 លានគ្រឿងក្នុងរដូវកាលទិញ ទំនិញថ្ងៃឈប់សម្រាក។ វិនិយោគិនមានសុទិដ្ឋិនិយមចំពោះសមត្ថភាពរបស់ក្រុមហ៊ុនក្នុងការបញ្ចេញ Hardware ដ៏ពេញ និយម។ លោកបាននិយាយថា អាជីវកម្មសេវាកម្មរបស់ក្រុមហ៊ុន Apple មានតម្លៃប្រហែល 1.5 ពាន់ពាន់លានដុល្លារ។
ភាគហ៊ុនរបស់ក្រុមហ៊ុន Apple (AAPL) បានកើនឡើងក្នុងរយៈពេលខ្លីប្រហែល 3% ដល់កម្រិតខ្ពស់បំផុតគឺ $182.88 លើសពី $182.85 ក្នុងមួយហ៊ុនដែលវាត្រូវការដើម្បីឈានដល់តម្លៃ $3 ទ្រីលានដុល្លារ។តម្លៃទីផ្សាររបស់ Apple ដំបូងបានឆ្លងផុតកម្រិត $1 ទ្រីលានក្នុងខែសីហា កាលពីឆ្នាំ 2018 និងបានឡើងដល់ $2 ទ្រីលាន ក្នុងខែសីហា ឆ្នាំ 2020។ ការលក់បានកើនឡើងជិត 30% ដល់ជាង 83 ពាន់លានដុល្លារ ដែលបានបញ្ចប់នៅក្នុងខែកញ្ញា។ ក្រុមហ៊ុនក៏មានសាច់ប្រាក់ 191 ពាន់លានដុល្លារអាមេរិកផងដែរ។
កាលពីមុន Apple ក៏អាចជាក្រុមហ៊ុនមួយក្នុងក្លឹបដែលមានតម្លៃ ៣ ទ្រីលានដុល្លារ។ Microsoft (MSFT) ឥឡូវនេះមានតម្លៃប្រ ហែល $2.5 ទ្រីលានហើយតម្លៃទីផ្សាររបស់ Alphabet (GOOGL) គឺប្រហែល $2 ទ្រីលានដុល្លារ។ក្រុមហ៊ុន Amazon (AMZN) ដែលមានទីផ្សារមូលប័ត្រ $1.7 ទ្រីលាននិង Tesla របស់ លោក Elon Musk (TSLA) ដែលមានតម្លៃប្រហែល $1.2 ទ្រីលានដុល្លារ ៕
