ភ្នំពេញ៖សម្រាប់ឆ្នាំ២០២២នេះទស្សនិកជនរងចាំអ៊ុតតារាចម្រៀងសុគន្ធ និសា នូវរឿងធំ២យ៉ាងថាតើនាងអាចសម្រេចបានក្នុងពេលតែ១បានឬអត់?រឿងទាំង២នោះគឺទី១៖ផែនការណ៍នៃការយកកូនដំបូង និងទី២៖ការប៉ៈប៉ូវពីថៅកែហង្សមាសដើម្បីប្រគល់តំណែងធំឲ្យនាងវិញ។
សុគន្ធ និសា បានរៀបការប្ដីជាង៤ឆ្នាំមកហើយតែពេលនេះនាងនៅតែមិនទាន់មានកូនង៉ា១គ្រាប់នោះទេ ខណៈដែលឱក សុគន្ធកញ្ញា,សួស វីសា និងពេជ្រ សូលីកា ជាដើមមានប្ដីក្រោយនាងតែពួកគេមានកូនម្នាក់ៗ១ ស្របពេលដែលសុខសោភា ធ្វើឲ្យគ្រប់គ្នាស្រឡាំងកាំងអស់ដោយសារតែនាងទើបបែកធ្លាយរូបរៀបការ១២ឆ្នាំតែបែជាលេចឭថាមានកូនប្រុសអាយុ១៤ឆ្នាំម្នាក់ទៅហើយ។ចំពោះសុគន្ធ និសា វិញនាងធ្លាប់ប្រាប់ថាចង់យកកូននៅឆ្នាំ២០២១ ព្រោះនាងសារភាពថាក្រោយរៀបការរួចចាស់ទុំទាំងសងខាងជម្រុញឲ្យយកកូនភ្លាមៗ។តែនាងថាមូលហេតុដែលនាងរៀបការហើយមិនយកកូនដូចមិត្តរួមអាជីពនោះព្រោះនាងចង់បានកូនតាមផែនការណ៍ដែលកំណត់ហើយកូនដំបូងដែលនាងចង់ផ្ដល់កំណើតនោះគឺនៅពេលបានចេញទៅរស់នៅលើទឹកដីអាមេរិកជាអចិនត្រេយ៍ពោលគឺមានន័យថាសម្រាលកូនភ្លាមបានសញ្ជាតិអាមេរិកភ្លែតតែម្ដង។
យ៉ាងណាដោយសារតែការមិនទាន់បានសិទ្ធិទៅរស់នៅអាមេរិក(Visa)នោះទើបនិសា ចេះតែពន្យាពេលយកកូនហើយក្រោយមមកនាងប្ដូរចិត្តវិញដោយចង់ពពោះនៅក្នុងស្រុកនៅឆ្នាំ២០២១ ប៉ុន្ដែគម្រោងនេះត្រូវបរាជ័យដោយសារតែកាលពីដើមខែមីនាឆ្នាំ២០២១នោះនិសា បានកើតកូវីដ ហើយត្រូវការប្រើពេលព្យាបាលនិងប៉ូវសុខភាពឲ្យល្អដូចដើមទើប១ឆ្នាំកន្លងផុតទៅនាងនៅតែមិនទាន់ហ៊ានយកកូនទី១ដដែល។អ្វីដែលគូរឲ្យកត់សម្គាល់នៅឆ្នាំ២០២១នេះនិសា បានចេញទៅអាមេរិក២ជើងគឺនៅខែមេសា និងធ្នូ តែនាងមិនប្រាប់ឲ្យច្បាស់ថាការចេញទៅទាំងតក់ក្រហល់នោះក្នុងផែនការណ៍ទៅរៀបចំការរស់នៅទីនោះទុកមុនឲ្យរួចរាល់ឬយ៉ាងណានោះទេ ខណៈដែលមិត្តភក្ដិរួមអាជីពសុទ្ធតែបានជូនពរសូមឲ្យនាងវិលមកវិញបានកូនង៉ែតបីប្រលែងលេងតែពេលនេះនិសា នៅតែមិនទាន់ពពោះនៅឡើយ។យ៉ាងណាគេជឿរថានៅឆ្នាំ២០២២នេះ និសា នឹងទទួលបានកាដូធំមួយនេះជាមិនខានព្រោះនាងក៍មានសុខភាពល្អប្រសើរដូចដើម ខណៈដែលនិសា ក៍បានផ្អាកថតសម្ដែងភាពយន្ដទាំងស្រុង ហេតុនេះហើយការយកកូននៅពេលនេះជាពេលវេលាអំណោយផលនឹងធ្វើឲ្យនាងរឹតតែមានសុភមង្គលថែមទៀតជាមិនខាន។
ក្រៅពីត្រៀមយកកូននោះគេជឿរថាសុគន្ធ និសា នឹងអាចត្រូវបានថៅកែហង្សមាសប៉ៈប៉ូវកិត្តិយសមកវិញតាមរយៈការឲ្យតំណែងធំនាងកាន់ម្ដងទៀតក្រោយនិសា បាត់បង់កៅអីCoach ក្នុងកម្មវិធីThe Voice Kids Cambodia រដូវកាលទី២ដែលធ្លាក់ក្នុងកណ្ដាប់ដៃសួស វីសា នោះ។និសា ធ្លាប់សារភាពប្រាប់អ្នកយកព័តមានយើងថាការដែលនាងបាត់មុខពីកម្មវិធីខាងលើនេះគឺប្រាកដជាប៉ៈពាល់ដល់នាងខ្លះៗមែនព្រោះអ្នកខ្លះថានាងធ្វើការងារនោះមិនកើតទើបត្រូវគេដកចេញ។យ៉ាងណានិសា ថានាងបាត់មុខពីតំណែងCoach កម្មវិធីThe Voice Kids Cambodia រដូវកាលទី២នោះគឺដោយសារតែនាងសុំថ្នាក់ដឹកនាំលាឈប់ព្រោះមិនមានពេលគ្រប់គ្រាន់ មិនមែនគេដកនាងចេញនោះទេ។ទស្សនិកជនរងចាំមើលថាតើកៅអីដែលនៅទំនេរទាំង៣របស់លោកព្រាប សុវត្ថិ ក្រោយលោកដើរចេញពីហង្សមាសគឺThe Voice Kids Cambodia ,Cambodian Idol និងCambodian Idol Junior នោះនឹងត្រូវថៅកែហង្សមាស ប្រគល់ឲ្យនិសា អង្គុយនៅតំណែង១ណាទៅនៅពេលខាងមុខនេះ?
សុគន្ធ និសា បានរៀបការជាមួយលោកចៅ សម្បត្តិ អាណិកជនខ្មែរមកពីរដ្ឋBoston សហរដ្ឋអាមេរិក កាលពីថ្ងៃទី១ខែធ្នូឆ្នាំ២០១៧ ដែលក្រោយរៀបការនេះគេកត់សម្គាល់ថាទីផ្សារចម្រៀងរបស់និសា មិនសូវមានសន្ទុះខ្លាំងក្លាដូចមុននោះទេគឺដូចគ្នាមិត្តរួមក្រុមឱក សុគន្ធកញ្ញា ,សួស វីសា និងពេជ្រ សូលីកា ដែលមានប្ដីដូចនាងដែរ។យ៉ាងណាស្វាមីនិសា ដែលជានាយកផ្នែកប្រតិបត្តិក្រុមហ៊ុនមែនញូឡាយ នោះបានផ្ដល់សិទ្ធិឲ្យនាងបន្ដអាជីពសិល្បៈតាមចិត្តចង់ដោយសេរីទើបធ្វើឲ្យនិសា រីករាយខ្លាំងណាស់ព្រោះនាងថាអាជីពចម្រៀងនាងបានតស៊ូរយៈពេលជាង១០ឆ្នាំមកហើយនោះ មិនអាចបញ្ឈប់ត្រឹមក្រោយមានស្វាមីនេះបានទេ៕
