រុស្ស៊ីចាប់ផ្តើមវាយប្រហារ   អ៊ុយក្រែនផ្តាច់ការទូត ខណៈអាមេរិកនិងសម្ព័ន្ធមិត្តកោះប្រជុំបន្ទាន់

កងកម្លាំងការពារព្រំដែនរបស់ប្រទេសអ៊ុយក្រែនបាននិយាយថាកងទ័ពជើងគោករបស់រុស្ស៊ីបានឆ្លងចូលទៅក្នុងប្រទេសអ៊ុយក្រែនពីទិសដៅជាច្រើនក្នុងរយៈពេលតែប៉ុន្មានម៉ោងបន្ទាប់ពីប្រធានាធិបតីវ្ល៉ាឌីមៀពូទីនបានប្រកាសពីការបើកការវាយលុកដ៏ធំមួយ។ទីភ្នាក់ងារនេះបាននិយាយថា រថក្រោះរុស្ស៊ី និងឧបករណ៍ធុនធ្ងន់ផ្សេងទៀត​បាន​​​ឆ្លង​កាត់ព្រំដែនក្នុងតំបន់ភាគ​ខាងជើងមួយចំនួន ក៏ដូចជាពីឧបទ្វីបគ្រីមៀ ដែលកាន់កាប់ដោយវិមានក្រឹម ឡាំង នៅភាគខាងត្បូង។

ក្រុមមន្ត្រី និងប្រព័ន្ធផ្សព្វផ្សាយក៏បាននិយាយដែរថា កងកម្លាំងរុស្ស៊ីបានបាញ់មីស៊ីលទៅកាន់ទីក្រុងជាច្រើន ក្នុងប្រទេសអ៊ុយក្រែនហើយបានចុះចតកងទ័ពនៅលើឆ្នេរសមុទ្រភាគខាងត្បូងរបស់ខ្លួនកាលពីថ្ងៃព្រហស្បតិ៍ (ថ្ងៃទី 24 ខែកុម្ភៈ) បន្ទាប់ពីប្រធានាធិបតី Vladimir Putin បានអនុញ្ញាតនូវអ្វីដែលលោកហៅ ថាប្រតិបត្តិការ យោធាពិសេសនៅភាគខាងកើត។ភ្លាមៗបន្ទាប់ពីលោកពូទីនបាននិយាយនៅក្នុងសុន្ទរកថាតាមទូរទស្សន៍នៅលើទូរទស្សន៍រដ្ឋរុស្ស៊ី ការផ្ទុះអាច ត្រូវបានគេឮនៅក្នុងភាពស្ងប់ស្ងាត់មុនថ្ងៃរះនៃរដ្ឋធានី Kyiv របស់អ៊ុយក្រែន។

អ៊ុយក្រែនកាត់ចំណងការទូតជាមួយរុស្ស៊ី

ប្រធានាធិបតីអ៊ុយក្រែនលោក Volodymyr Zelensky បានប្រកាសនៅក្នុងសេចក្តីថ្លែងការណ៍តាមទូរទស្សន៍ កាលពីថ្ងៃព្រហស្បតិ៍ថាប្រទេសរបស់លោកបានកាត់ផ្តាច់ទំនាក់ទំនងការទូតជាមួយរុស្ស៊ី។ លោកបានស្នើឱ្យសាធារណជនគាំទ្រដល់កងកម្លាំងប្រដាប់អាវុធជាតិ រួមទាំងដោយការចាប់អាវុធ និងរៀបចំ សម្រាប់ការប្រយុទ្ធ ហើយបានសន្យាថានឹងដកទណ្ឌកម្មផ្ទាល់ខ្លួន ដែលលោកបានដាក់កាលពីមុន ពីនរណា ម្នាក់ដែលមានឆន្ទៈការពារអ៊ុយក្រែន។

លោកZelenskyបាននិយាយថាការវាយប្រហាររបស់រុស្ស៊ីប្រឆាំងនឹង អ៊ុយក្រែនគឺស្រដៀងគ្នាទៅនឹងការឈ្លាន ពានរបស់ណាស៊ី។

ចំនួនអ្នកស្លាប់កំពុងកើនឡើង

ទីប្រឹក្សារដ្ឋមន្ត្រីក្រសួងកិច្ចការផ្ទៃក្នុងអ៊ុយក្រែនបាននិយាយកាលពីថ្ងៃព្រហស្បតិ៍ថាយ៉ាងហោចណាស់ជនស៊ីវិលអ៊ុយក្រែននិងទាហានចំនួន១៣៧ស្លាប់និងជាង៣០០នាក់រងរបួសខណៈដែលរុស្ស៊ីបានបើកការវាយលុកតាមផ្លូវអាកាស និងផ្លូវគោក។ឆ្មាំព្រំដែនបាននិយាយថាយោធារុស្ស៊ីជួរមុខបានឆ្លងកាត់ព្រំដែនអ៊ុយក្រែនចូលទៅក្នុងតំបន់ Chernihiv, Kharkiv និង Luhansk ។ យោធាអ៊ុយក្រែន នៅថ្ងៃព្រហស្បតិ៍នេះ បានអះអាងថាកងទ័ពរុស្ស៊ី ៥០នាក់ ត្រូវបានសម្លាប់ និងយន្ដហោះចម្បាំង ៦គ្រឿង ត្រូវបានបាញ់ ទម្លាក់នៅក្នុងការវាយប្រយុទ្ធគ្នា នៅឯតំបន់ភាគ ខាង កើតនៃប្រទេស។

អ៊ុយក្រែន បាញ់ទម្លាក់យន្តហោះរុស្ស៊ី ៥គ្រឿង និងឧទ្ធម្ភាគចក្រ

យោធាអ៊ុយក្រែនបានអះអាងកាលពីថ្ងៃព្រហស្បតិ៍ថា បានបាញ់ទម្លាក់យន្តហោះរុស្ស៊ីចំនួនប្រាំគ្រឿង និងឧទ្ធម្ភា គចក្រ មួយគ្រឿងនៅភាគខាងកើតនៃប្រទេស ក្បែរតំបន់ដែលកាន់កាប់ដោយក្រុមឧទ្ទាម។យោងតាមបញ្ជាការកងកម្លាំងចម្រុះនៅក្នុងតំបន់ប្រតិបត្តិការbបានអោយដឹងថា យន្តហោះចំនួន 5 និងឧទ្ធម្ភាគ ចក្ររបស់ពួកឈ្លានពានត្រូវបានបាញ់ទម្លាក់” ។យន្តហោះចំនួន5និងឧទ្ធម្ភាគចក្ររបស់ពួក ឈ្លានពានត្រូវបាន បាញ់ទម្លាក់។

រុស្ស៊ីអះអាងថា ទាហានអ៊ុយក្រែនបោះបង់តំណែង

នៅក្នុងសេចក្តីថ្លែងការណ៍មួយដែលបានចេញផ្សាយកាលពីព្រឹកថ្ងៃព្រហស្បតិ៍នេះ មន្ត្រីការពារជាតិរុស្ស៊ីបាន និយាយថា ការស៊ើបការណ៍បង្ហាញថាអង្គភាពនៃកងទ័ព និងទាហានអ៊ុយក្រែនកំពុងចាកចេញពីមុខតំណែង របស់ពួកគេប៉ុន្តែមិនមានភស្តុតាងដើម្បីបញ្ជាក់សេចក្តីថ្លែងការណ៍នោះទេ។សេចក្តីថ្លែងការណ៍បានអោយដឹងទៀតថាកងកម្លាំងប្រដាប់អាវុធអ៊ុយក្រែនបានដាក់អាវុធរបស់ពួកគេ មិនវាយ ប្រហារឡើយ។ កងកម្លាំងប្រដាប់អាវុធរុស្ស៊ី មិនវាយលុកទីក្រុងនានារបស់អ៊ុយក្រែនទេ។ គ្មានការគំរាមកំហែងដល់ប្រជាជនស៊ីវិលឡើយ។ ទីក្រុងមូស្គូបាននិយាយថា គោលដៅយោធាមួយចំនួន រួមមាន ទីវាលអាកាស ការដំឡើងប្រព័ន្ធការពារ និងយន្តហោះត្រូវបានវាយប្រហារដោយ អាវុធដែលមានភាពជាក់លាក់ ខ្ពស់ ដែលជាផ្នែកមួយនៃ ប្រតិបត្តិការពិសេសដែលបញ្ជាដោយប្រធានាធិបតី វ្ល៉ាឌីមៀ ពូទីន។

រុស្ស៊ីបិទដែនអាកាស

ទីភ្នាក់ងារដឹកជញ្ជូនផ្លូវអាកាសសហព័ន្ធរបស់រុស្ស៊ីបានផ្អាកជើងហោះហើរទាំងទៅ និងមកពីព្រលានយន្តហោះ ចំនួន 12 នៅភាគខាងត្បូងនៃប្រទេស។ ចំណាត់ការនេះធ្វើឡើងបន្ទាប់ពីទីក្រុងម៉ូស្គូបាន បង្ហើបថាខ្លួនបានធ្វើការ វាយប្រហារតាមអាកាសនៅអ៊ុយក្រែន។ការរឹតបន្តឹងនឹងបន្តរហូតដល់ថ្ងៃទី 2 ខែមីនា ឆ្នាំ 2022។

អាមេរិកអោយរុស្ស៊ីទទួលខុសត្រូវមហន្តរាយសង្គ្រាម

ប្រធានាធិបតីអាមេរិកលោក ចូ បៃឌិន បានព្រមានថា រុស្ស៊ីតែម្នាក់ឯងគឺជាអ្នកទទួលខុសត្រូវចំពោះការស្លាប់ និង ការបំផ្លិចបំផ្លាញចំពោះការវាយប្រហារនេះ។ការអធិស្ឋានរបស់ពិភពលោកទាំងមូលគឺនៅជាមួយប្រជាជនអ៊ុយ ក្រែននៅយប់នេះខណៈដែលពួកគេទទួលរងការវាយប្រហារដោយអយុត្តិធម៌ពីកងកម្លាំងយោធារុស្ស៊ី។ លោក បានប្រកាសថា៖ «ពិភពលោកនឹងចាប់អោយរុស្ស៊ីទទួលខុសត្រូវ។លោកបានបន្ថែមថា ក្រុងវ៉ាស៊ីនតោន នឹងបន្ត ផ្តល់ការគាំទ្រ និងជំនួយដល់អ៊ុយក្រែន និងប្រជាជនរបស់ខ្លួន ប៉ុន្តែលោកមិនបានផ្តល់ព័ត៌មានលម្អិតទេ។

ប្រធានUN  និង អង្គការណាតូ ថ្កោលទោស

ប្រធានអង្គការសហប្រជាជាតិ លោក Antonio Guterres – បានអង្វរដោយផ្ទាល់ទៅកាន់ប្រធានាធិបតីរុស្ស៊ី លោកវ៉្លាឌីមៀ ពូទីន  បន្ទាប់ពីសម័យប្រជុំក្រុមប្រឹក្សាសន្តិសុខបន្ទាន់ ដោយជំរុញឱ្យគាត់បញ្ឈប់ការវាយប្រហារ ក្នុងនាមមនុស្សជាតិ។លោកបានបន្ថែមថា ជម្លោះត្រូវតែបញ្ឈប់ឥឡូវនេះ ។

លោក Jens Stoltenberg ប្រធានណាតូនិងជាអគ្គលេខាធិការ សម្ព័ន្ធអាត្លង់ទិកបាននិយាយថារុស្ស៊ីបាន ជ្រើស រើសផ្លូវនៃការឈ្លានពានប្រឆាំងនឹងប្រទេសដែលមានអធិបតេយ្យជាតិ និងឯករាជ្យ។លោកStoltenbergបាននិយាយនៅក្នុងសេចក្តីថ្លែងការណ៍មួយដោយពណ៌នាថា ការវាយប្រហារនេះ ធ្វើឱ្យមានគ្រោះថ្នាក់ដល់អាយុជីវិតជនស៊ីវិលរាប់មិនអស់” ហើយវាជា ការបំពានយ៉ាងធ្ងន់ធ្ងរនៃច្បាប់អន្តរជាតិ និងការគំរាមកំហែងយ៉ាងធ្ងន់ធ្ងរដល់សន្តិសុខ Euro-Atlantic” ៕

ហេង ដេត