ភ្នំពេញ៖ពេជ្រ សោភា ជាគណៈកម្មាការប្រលងចម្រៀងBeat The Best នៅរដូវកាលទី១នេះដែលការប្រលងវគ្គផ្ដាច់ព្រ័ត្រធ្វើកាលពីថ្ងៃទី៦ខែមីនាឆ្នាំ២០២២ ហើយម្ចាស់ពានបានធ្លាក់កណ្ដាប់ដៃតារាចម្រៀងវ័យ២៨ឆ្នាំមកពីខេត្តពោធិសាត់លោកសួ វិចិត្រ ។ប៉ុន្ដែអ្វីដែលគូរឲ្យចាប់អារម្មណ៍សោភា បង្ហាញការផ្ដល់កំលាំងចិត្តឲ្យបេក្ខភាព២រូបដែលមិនបានឈ្នះពានដើម្បីឲ្យពួកគេតស៊ូទៅមុខទៀតក្នុងវិថីសិល្បៈនេះ បើទោះជាក្នុងតំណែងគណៈកម្មាការនាងត្រូវបានគេដឹងថាមានសិទ្ធិត្រឹមធ្វើជាអាជ្ញាកណ្ដាលមិនលំអៀងទៅលើបេក្ខភាពរូបណាម្នាក់ក្ដី។បេក្ខភាពទាំង២ដែលសោភា ជម្រុញឲ្យតស៊ូទៅមុខទៀតកុំរាថយក្រោយពីពួកគេមិនបានឈ្នះពាននោះគឺលោកសូ សុផានិត និងឈាន ជាលឿយ។
ក្រោយសូ សុផានិត ធ្លាក់ចេញពីកម្មវិធីសោភា ថ្លែងសារថា”សម្លេងថ្មី ហើយច្រៀងពិរោះ អាចថាគាត់នឹងល្បី ដាក់បទឲ្យត្រូវ ខ្ញុំស្ដាយគាត់ណាស់ផ្លូវវែងឆ្ងាយ កុំស្ដាយផ្លូវចាស់”។
ដោយឡែកក្រោយឈាន ជាលឿយ បានចាញ់សួ វិចិត្រ នៅវគ្គចុងក្រោយសោភា ដែលបានច្រៀងឆ្លងឆ្លើយជាមួយជាលឿយ នៅវគ្គចុងក្រោយបទ”ប្រពន្ធបងមិនល្អមែនទេ?” បានចេញសារទៅជាលឿយថា”បើជាជ្រុលកាន់ដៃចែហើយចឹងចែសល់បទខ្លះដែរ តែចែអត់ហ៊ានទេ”។សោភា បន្ថែមសារទៅជាលឿយ ទៀតថា”ស៊ូៗអូននៅក្មេងចឹងអាចល្បីបានលឿនទេ សំខាន់ចេះជួយខ្លួនឯង កុំទុកពេលចោលយូពេក កុំស្ដាយផ្លូវចាស់ សំខាន់យប់ថ្ងៃប្រលងបាត់ខោ រត់ទៅទិញស្ទើមិនទាន់ ខោអាវខ្ចីគេទាំងអស់…”។
ក្រោយពេជ្រ សោភា ចេញសារនេះក៍មានបុរសម្នាក់ហ្វេសបុកឈ្មោះTra Chit បានចូលទៅដាស់តឿនសោភា ថា”ក្នុងនាមជាគណៈកម្មាការមិនគូណាស្រលាញ់បេក្ខជនលំអៀងចឹងទេ ព្រោះវាធ្វើឲ្យបេក្ខជនបាត់សន្លឹកឆ្នោតបាន សុំទោសនិយាយជាទូទៅទេ ព្រោះបើយើងល្បីប៉ុណ្ណា ក៍នៅមានអ្នកស្អប់យើងដែរ មនុស្សយើងអីចឹងពេលខ្លះមិនចេះបែងចែកខុសត្រូវទេ សុំទោសផងសម្រាប់មតិមួយនេះ តែសម្រាប់អ្នកគឺល្អសម្រាប់ខ្ញុំ”។
ការរិះគន់ផងក្រើនរំលឹកផងរបស់លោកTra Chit នោះត្រូវបានសោភា តបវិញភ្លាមៗថា”ខ្ញុំចប់ការងារហើយបង ចឹងខ្ញុំអាចមានសិទ្ធិនិយាយខ្លះបានទេ?”។
គូរបញ្ជាក់ថាក្រៅពីកាន់តំណែងជាគណៈកម្មាការBeat The Best នោះពេជ្រ សោភា ក៍ជាCoach របស់The Voice Cambodia ផងដែរតែនាងមិនទាន់បាននាំកូនក្រុមលើកពានឡើយ។គេជឿរថាថៅកែហង្សមាសនឹងផ្ដល់តំណែងធំឲ្យនាងថែមទៀតជាមិនខានព្រោះតែមុននេះសោភា បានសម្រេចចិត្តមិនទៅGalaxy ដោយសុខចិត្តច្រៀងនៅហង្សមាសជាបន្ដទៀត។ដោយឡែកទាក់ទឿងរៀបការជាមួយសង្សារថ្មីវិញសោភា នៅតែមិនច្បាស់លាស់ហើយនាងថែមទាំងព្យាយាមលាក់មុខម្ចាស់បេះដូងថ្មីដោយឲ្យឃើញតែខ្នងឬពីខាងក្រោយប្រុសនោះ ប៉ុណ្ណោះ ខណៈដែលលោកឆឹម សក្កដា វិញគាំងនិយាយមិនចេញអ្វីទាំងអស់ពេលឃើញសោភា រកបានបណ្ដូលចិត្តថ្មីនេះ៕