ភ្នំពេញ៖សួស វីសា ស្ថិតក្នុងចំណោមតារាចម្រៀងជូរមុខគេរបស់ហង្សមាសបើទោះជារយៈពេលចុងក្រោយនេះនាងហាក់នៅទ្រឹងបន្ដិចក្រោយមានស្វាមីនិងកូនក្ដី តែមជ្ឈដ្ឋានមហាជនមើលឃើញថានាងជាអ្នកចម្រៀងមានសម្ថភាពម្នាក់នៅផលិតកម្មធំនេះទើបថៅកែហង្សមាសបានផ្ដល់ទំនុកចិត្តឲ្យនាងតាមរយៈការប្រគល់តំណែងThe Voice Kids Cambodia រដូវកាលទី២ជំនួសសុគន្ធ និសា កន្លងមក។
តែអំឡុងពេលដែលតារាចម្រៀងរួមអាជីពសុខ សីឡាលីន និងពេជ្រ សោភា សុទ្ធតែទទួលបានតំណែងបន្ថែមរៀងៗខ្លួន កាលពីពេលថ្មីៗនេះវីសា នៅមិនទាន់ត្រូវបានថៅកែឲ្យតួនាទីថ្មីថែមឡើយ ខណៈដែលកៅអីរបស់លោកព្រាប សុវត្ថិ នៅទំនេរ២ទៀតមិនទាន់មានអ្នកជំនួសនោះគេរំពឹងថាក្នុងនោះមានតំណែង១វីសា ក៍អាចនឹងត្រូវទៅរ៉ាប់រងការងារនោះបានដែរ ប្រសិនបើថ្នាក់ដឹកនាំហង្សមាសនៅតែផ្ដល់ទំនុកចិត្តឲ្យនាងនោះគឺCambodian Idol Junior រដូវកាលទី២។ប៉ុន្ដែវីសា ស្ថិតក្នុងជម្រើសក្នុងចំណោមតារាដែលគេមើលឃើញថានឹងទៅធ្វើការងារទាំងនោះជំនួសព្រា សុវត្ថិ បាននោះមានដូចជាពេជ្រ សោភា និងលោកឧកញ៉ាខែម ប៊ុនថៃ ជាដើម។
សូមបញ្ជាក់ថាមុនរៀបការសួស វីសា ធ្លាប់ប្រាប់អ្នកយកព័តមានយើងថានាងចង់បានតំណែងលេខ២នៅហង្សមាសពោលគឺបន្ទាប់ពីឱក សុគន្ធកញ្ញា គឺជារូបនាងតែម្ដង។តែដោយសារតែការឡើងទម្ងន់និងកើតកូវីដកាលពីដើមខែមីនាឆ្នាំ២០២១ ធ្វើឲ្យវីសា បាត់មុខពីឆាកតន្រ្ដីជាច្រើនខែហេតុនេះហើយពិបាកក្នុងការយកលេខរៀងទី២នៅហង្សមាសណាស់ ខណៈដែលពេជ្រ សោភា នៅតែមានយ៊ីអ៊ុន។ប៉ុន្ដែវីសា ពេលនេះនាងរស់នៅយ៉ាងមានសុភមង្គលជាមួយស្វាមីនិងកូន ពិសេសគឺលោកថមមី កាន់តែស្រលាញ់និងថ្នាក់ថ្នមនាងលើសដើម បន្ទាប់ពីវីសា សម្រាលបានកូនស្រីម្នាក់យ៉ាងស្រស់ស្អាតឈ្មោះថង សាម៉ូលីណា ហៅJenny ដែលពេលនេះមានអាយុជាង១ឆ្នាំ។ចំណងស្នេហាវីសា-ថមមី ជាង២ឆ្នាំនេះអ្នកទាំង២រស់នៅជីវភាពធូធារខ្លាំងដូចជាទិញបានផ្ទះវីឡារ២និងជិះរថយន្ដទំនើបៗមានLexus Lx570,Lexus Nx200 និងMazda ជាដើម។ដោយឡែកសម្រាប់អាជីវកម្មរបស់វីសា តាមOnline វិញកាន់តែកាក់កបបន្ទាប់ពីលោកថមមី តែងខ្លួនជាខ្ទើយដើម្បីរកលុយក្រៅសិល្បៈ ទើបធ្វើឲ្យវីសា សែនពេញចិត្តប្ដីពេញបេះដូង៕
