ភ្នំពេញ៖ពិធីការិនីប៉ែន ស្រីពេជ្រ សែនរំភើបចិន្ដាក្រៃលែងដែលពេលនេះក្ដីសុបិនចង់បានកូនរបស់នាងក្លាយទៅជាការពិតហើយ ក្រោយនាងរៀបការបានជាង១ឆ្នាំទើបទទួលបានកាដូកូនដំបូងនោះគឺជាកូនស្រី។ស្រីពេជ្រ បានសរសើរស្វាមីថាតាំងពីនាងមានទម្ងន់ចាប់ពី១ដល់៣ខែប្ដីនាងថ្នាក់ថ្នមចិត្តកាយ៉ាគ្រប់ពេលវេលាទាំងអស់ ពិសេសក្រោយដឹងថាកូនក្នុងផ្ទៃនាងជាកូនស្រីនោះលោកពន្លកនេត្រាស្រលាញ់នាងទ្វេដង។នាងថាគោលដៅធំសម្រាប់ឆ្នាំ២០២ នេះនាងបានសម្រេចហើយនោះគឺកូនជាកំលាំងចិតត្ដ ឥឡូវបានដូចបំណង។
សូមបញ្ជាក់ថាប៉ែន ស្រីពេជ្រ បានវិវត្តន៍ខ្លួនពីតារាសម្ដែងនិងចម្រៀងទៅជាធ្វើជាMCនៅហង្សមាសដោយធ្លាប់កាន់កម្មវិធីប្រគុំតន្រ្ដីធំៗទៀតផង។តែស្រីពេជ្រ នៅមិនទាន់ត្រូវបានថៅកែហង្សមាសរុញឲ្យទៅធ្វើជាពិធីការិនីក្នុងកម្មវិធីប្រលងចម្រៀងធំៗរបស់ហង្សមាសនៅឡើយទេ បើទោះជាការធ្វើអត្ថាធិប្បាយរបស់នាងត្រូវបានគេមើលឃើញថាមានស្ទីលដូចនាងចាន់ កែវនិមល ក្ដី។តារាស្រអែមខ្ពស់ស្រឡះប៉ែន ស្រីពេជ្រ បានរៀបការជាមួយលោកឆេង ពន្លកនេត្រា កាលពីថ្ងៃទី៨ខែមករាឆ្នាំ២០២១ ដែលស្វាមីនាងជាមន្រ្ដីបម្រើរការនៅខាងព្រឹទ្ធសភា ហើយស្រីពេជ្រ បានតាំងចិត្តថាចង់បានកូនតាំងពីក្រោយរៀបការហើយភ្លាមៗម្លេះតែពេលនេះទើបបានដូចបំណង។ក្រោយរយាលៗពីអាជីពសម្ដែងដោយផ្ដោតតែលើការងារជាពិធីការិនីនៅហង្សមាសតែ១មុខនោះធ្វើឲ្យស្រីពេជ្រ ស្ថិតក្នុងចំណោមពិធីការិនីលេចធ្លោររបស់ហង្សមាសមានដូចជារស់ សុធាវី ,ថន លក្ខិណា និងចាន់ កែវនិមល ជាដើម។
គេជឿរថាប៉ែន ស្រីពេជ្រ នឹងផ្អាកពីការងារសិល្បៈជាមិនខាននៅពេលដែលផ្ទៃពោះរបស់នាងកាន់តែធំជាងនេះដើម្បីសម្ងំមើលថែរគ័តឲ្យបានល្អ។យ៉ាងណានៅថ្ងៃរៀបការស្រីពេជ្រ អះអាងថាស្វាមីនាងបានយល់ច្បាស់ពីអាជីពសិល្បៈរបស់នាង ហេតុនេះហើយនាងមិនអាចឈប់ពីអាជីពដែលខ្លួនឯងស្រលាញ់មួយនេះបានជាដាច់ខាត ទោះជាថ្ងៃអនាគតមានកូនឬអាជីពក្រៅពីសិល្បៈយ៉ាងណាក៍ដោយ៕
