សឿ សុធារ៉ា ប្រកាសបញ្ចប់ស្នេហ៍ប្ដីនាងលោកសាពួន មីដាដា កាលពីថ្ងៃទី២៧ខែមីនា ដែលលើកនេះនាងបញ្ចេញសារជាសាធារណៈតែម្ដង ហើយអ្វីដែលគូឲ្យចាប់អារម្មណ៍នោះសុធារ៉ា បានប្រើសញ្ញាកាត់ផ្ដាច់នៃការប្រេះឆានោះតាមរយៈសញ្ញាឆ្វៀលលើរូបភាពនាងនិងប្ដីចេញពីគ្នា ដែលនេះបញ្ជាក់ថាអ្នកទាំង២មិនអាចផ្សះផ្សារស្នេហ៍ជាថ្មីវិញជាដាច់ខាត ក្រោយចាប់ដៃគ្នា១៥ឆ្នាំ ទទួលបានកូន២នាក់(ស្រី១)។ប៉ុន្ដែសុធារ៉ា បានស្នើសុំឲ្យអតីតសា្វមីលោកមីដាដា គោរពទៅតាមកិច្ចសន្យាពោលគឺត្រូវតែប្រគល់កូនប្រុសស្រីឲ្យនាងជាអ្នកចិញ្ចឹមបីបាច់ថែរក្សារដូចការព្រមព្រៀងគ្នា។
សឿ សុធារ៉ា សរសេរសារអមជាមួយរូបនាងនាងរៀបការជាមួយសាពួន មីដាដា និងកូនទាំង២នោះថា”Good Bye 15 Year ago ,and I’ll never come back to you .សូមបងមេត្តារក្សារសំដីជាកូនប្រុសដើមទ្រួង៥ហត្ថ ថា”ប្រគល់កូនៗឲ្យអូន”ទាំងពីរមកឲ្យអូនមើលថែរក្សារ”។
តារាសិល្បៈរួមអាជីពជាច្រើនបានសម្ដែងការសោកស្ដាយចំពោះអ្នកនាងសឿ សុធារ៉ា ដែលមិនអាចបន្ដចាប់ដៃជាមួយលោកសាពួន មីដាដា បានតទៅទៀតនេះ ខណៈដែលនៅលើហ្វេសបុករបស់លោកសាពួន មីដាដា វិញនៅថ្ងៃទី២៨ខែមីនា គ្មានសារណាប្រតិកម្មឬតតបទៅភរិយារបស់លោកឡើយគឺមានតែសកម្មភាពលោកមមាញឹករឿងនយោបាយតែប៉ុណ្ណោះ។
ជុំវិញការកាត់ផ្ដាច់និស្ស័យស្នេហ៍របស់របស់អ្នកនាងសឿ សុធារ៉ា ចំពោះលោកសាពួន មីដាដា នេះគេមិនទាន់ដឹងពីមូលហេតុដែលធ្វើឲ្យប្ដីប្រពន្ធតារា១គូនេះមិនអាចចាប់ដៃគ្នាបានទៀតនោះទេព្រោះមិនអាចទាក់ទងទៅសុធារ៉ា និងមីដាដា បានឡើយដោយសារតែកន្លងមកអ្នកនាងសុធារ៉ា ផ្ដល់សម្ភាសន៍ឲ្យតែអ្នកសារព័តមានណាដែលផ្សព្វផ្សាយទៅតាមអ្វីដែលនាងចង់បានទេ។យ៉ាងណាព័តមាននៃភាពរង្គោះរង្គើរស្នេហ៍របស់សុធារ៉ា និងមីដាដា មិនមែនជាលើកទី១នោះទេ ពោលគឺជាច្រើនលើកច្រើនសារមកហើយ តែពីមុនទាំងសុធារ៉ា និងមីដាដា តែងតែចេញមុខការពារពីចំណងស្នេហារបស់ពួកគេជានិច្ច។ទើបតែពេលនេះទេដែលអ្វីៗបានលាតត្រដាងច្បាស់ដោយអ្នកនាងសុធារ៉ា បានប្រកាសជាសាធារណៈថានាងគ្មានផ្លូវណាមួយវិលទៅជួបអតីតប្ដីវិញជាដាច់ខាត តែនាងស្នើរសុំឲ្យលោកមីដាដា កូនប្រុសហ៊ានស៊ី ហ៊ានសង អីចឹងត្រូវតែប្រគល់កូនទាំង២មកឲ្យនាងមើលថែររក្សារ។
តាមព័តមានថាជុំវិញការដែលសឿ សុធារ៉ា ប្រកាសលែងប្ដីលោកសាពួន មីដាដា នេះដោយសារតែតាំងពួកគេហាក់ជួបវិបត្តិសេដ្ឋកិច្ចនៅរយៈពេលប៉ុន្មានឆ្នាំចុងក្រោយនេះព្រោះតែសម្អាងការមិនសូវកាក់កប ខណៈដែលអាជីពសិល្បៈវិញលោកមីដាដា គ្មានសកម្មភាពជាច្រើនឆ្នាំមកហើយ ស្របពេលសុធារ៉ា ទើបតែវិលវិញក្នុងនាមជាតួម្ដាយក្រោយអាកខានសម្ដែងភាពយន្ដជាង១០ឆ្នាំ។អ្វីដែលកាន់តែបង្ករភាពស្មុគស្មាញថែមទៀតនោះកាលពីចុងឆ្នាំ២០២១ សុធារ៉ា ត្រូវបានសូដា នីតា បកអាក្រាតរឿងជំពាក់លុយនាងជិត៤ម៉ឺនដុល្លារមិនព្រមសងដែលធ្វើឲ្យមានការលើកឡើងថាចុះហេតុអីលោកមីដាដា ជាប្ដីមិនទទួលខុសត្រូវចំពោះរឿងនេះម៉េចទុកឲ្យប្រពន្ធរងភាពអាម៉ាសបែបនេះទៅវិញ?ប៉ុន្ដែពេលនេះសុធារ៉ា និងមីដាដា លែងជាប្ដីប្រពន្ធគ្នាទៀតហើយ បើទោះជាអ្នកទាំង២មិនទាន់ឡើងតុលាការដើម្បីលែងលះគ្នាតាមផ្លូវច្បាប់ក្ដី តែតាមការបញ្ជាក់របស់សុធារ៉ា តាមរយៈសារនោះគឺនាងមិនអាចវិលទៅត្រូវរ៉ូវគ្នាវិញជាមួយលោកមីដាដា ជាដាច់ខាត។
គូររំលឹកថាសឿ សុធារ៉ា បានរៀបការជាមួយលោកសាពួន មីដាដា កាលពីថ្ងៃទី១៩ខែវិច្ឆិការឆ្នាំ២០០៩ ហើយអ្នកទាំងពីរទទួលបានកូន២នាក់គឺកូនទី១ស្រីឈ្មោះសាពួន តារាពិមាន អាយុជាង១០ឆ្នាំ និងកូនទី២ប្រុសឈ្មោះសាពួន ដារ៉ាបុរស អាយុជាង៣ឆ្នាំ ខណៈដែលមុនចែកផ្លូវគ្នានេះសុធារ៉ា បានលក់ផ្ទះធំរបស់នាងនៅក្បែរផ្សារទួលទំពួង និងទៅរស់នៅក្បែរស្ពានលេខ៩ សង្កាត់ជ្រោយចង្វារ ខណ្ឌព្រែកលាភ រាជធានីភ្នំពេញ។
មហាជនរងចាំមើលថាក្រោយធ្លាក់ខ្លួនជាអ្នកមេម៉ាយកូន២សឿ សុធារ៉ា ដែលធ្លាប់តាំងចិត្តថាចង់ប្រើជីវិតរៀបការ២ដងនោះពេលណាទៅទើបនាងនឹងយកប្ដីថ្មី?