ភ្នំពេញ៖បើទោះជាអ្នកនាងឱក បូរី បានផ្អាកកាន់ក្បាលមីក្រូឡើងឆាកជិត២០ឆ្នាំទៅហើយក្ដី តែនាងមិនកាត់ផ្ដាច់ទំនាក់ទំនងពីមិត្តរួមអាជីពទាំងស្រុងនោះទេ ពោលគឺនៅតែបន្ដចូលរួមកម្មវិធីរបស់តារាជិតដិតជាបន្ដបន្ទាប់ឲ្យតែតារានោះស្និតស្នាលជាមួយនាង។ជាក់ស្ដែងដូចជាកាលពីថ្ងៃទី២៦ខែមីនា អ្នកនាងបូរី បានទៅចូលរួមកម្មវិធីមង្គលការរបស់ទឹម រដ្ឋា តែនាងមិនបានបណ្ដើរស្វាមីលោកស៊ុត តារា ទៅជាមួយឡើយ។អ្វីដែលគូឲ្យកត់សម្គាល់នោះអតីតតារាចម្រៀងយេយេរូបនេះត្រូវតារាទាំងចាស់និងថ្មីគោរពនិងហៅនាងថា”លោកជំទាវៗ”ទៀតផង ទើបធ្វើឲ្យអ្នកនាងបូរី ញញឹមតបទៅអ្នករួមអាជីពទាំងនោះវិញ។
តាមរយៈការបង្ហាញខ្លួនចុងក្រោយនេះគេឃើញអ្នកនាងឱក បូរី មានព្រលឹងជាងមុនហើយសម្រស់មិនសូវប្រែប្រួលទៅតាមវ័យនោះទេ។យ៉ាងណាការស្លៀកពាក់របស់នាងដែលចុះពីលើរថយន្ដទំនើបMercedes មានអង្គរក្សបើកជូនគ្រប់ពេលនោះបង្ហាញថាអ្នកនាងបូរី ធ្វើខ្លួនទៅតាមឋានៈរបស់នាងជាជំទាវ ពោលគឺមិនដែលហ៊ានស៊ិចស៊ីខ្លាំងនោះទេ។តាមព័តមានថានៅពេលអ្នកនាងបូរី ទៅកម្មវិធីមិត្តភក្ដិខ្លះរាប់អានគ្នាខ្លាំងបំផុតយូៗម្ដងនាងបានឡើងឆាកច្រៀងផងដែរប្រសិនបើម្ចាស់កម្មវិធីសំណូមពរហើយមិនអាចប្រកែកបាន។អ្វីដែលគូរឲ្យចាប់អារម្មណ៍នោះអតីតតារាវ័យជ្រេរូបនេះនៅតែមានទឹកដមសម្លេងក្រអួនក្រអៅដដែលបើទោះជានាងមិនបានបន្ដអាជីពចាស់ជិត២ទសវត្សន៍មកក្ដី។
គូររំលឹកថាអ្នកនាងឱក បូរី បានផ្ដាច់ខ្លួនពីអាជីពចម្រៀងទាំងស្រុងជិត២០ឆ្នាំមកនេះក្រោយពីនាងបានភ្ជាប់ស្នេហ៍ជាមួយលោកស៊ុត តារា ជាអគ្គនាយករងនៃអគ្គនាយកដ្ឋានជម្រុញពាពាណិជ្ជកម្មនៃក្រសួងពាណិជ្ជកម្មហើយពេលនេះអ្នកទាំងពីរទទួលបានចំណងដៃកូនស្រី៣នាក់។មិនមានព័តមានថាអ្នកនាងបូរី គ្រោងដឹកដៃលោកតារា រៀបការនោះទេ បើទោះជាពេលនេះជីវិតនាងរស់នៅដល់ត្រើយសុខសាន្ដ ព្រោះអតីតភរិយាប្ដីមិនបានរំខានដល់ក្ដីសុខនាងក្ដី តែគេជឿរថាអ្នកនាងបូរី ប្រាកដជាចង់បានកិត្តិយសធំដូចអ្នកនាងស្រីតូច ចំណាន តាមរយៈការរៀបការជាចំហឲ្យផ្អើលមេឃ ដើម្បីឲ្យសាកសមទៅនិងទ្រព្យសម្បត្តិដែលនាងមានសព្វថ្ងៃ។
មហាជនរងចាំមើលថាតើអ្នកនាងឱក បូរី នឹងគិតគូរឿងរៀបការដើម្បីបញ្ចប់រឿងគេថានាងសាងស្នេហ៍ឥតខាន់ស្លារ ឬចង់យកកូនថែមទៀត?