លោកម៉ែន និមលរតន៍ ដែលជាគូ្របង្ហាត់បង្ហាញម៉ូដដ៍មានទេពកោសល្យនិងពោពេញទៅដោយបទពិសោធន៍ជាមួយវិស័យនេះយ៉ាងជោគជាំជាច្រើនឆ្នាំមកហើយនោះបានដាក់សម្ពោធក្រុមហ៊ុនCambodia International Models ហៅកាត់SIM កាលពីថ្ងៃទី២ខែមេសាឆ្នាំ២០២២ នៅផ្សារអូឡាំព្យាដោយមានទាំងភ្ញៀវជាតិ អន្ដរជាតិ ,អ្នកសារព័តមាន រួមទាំងតារាបង្ហាញម៉ូដជាច្រើនដួងបានចូលរួម។លោកនិមលរតន៍ ដែលជាស្ថាបនិកCIM បានឲ្យដឹងថាក្រុមហ៊ុនមួយនេះបង្កើតឡើងកាលពីពាក់កណ្ដាលឆ្នាំ២០២០ ដោយមានតារាបង្ហាញម៉ូដចូលរួមជាច្រើនដួង ហើយCIM ប្រជុំទៅដោយតារាបង្ហាញម៉ូដពោពេញទៅដោយទេពកោសល្យ និងជាក្រុមហ៊ុនរៀបចំពិធីផ្សេងៗនៅក្នុងស្រុក។លោកបន្ថែមថាCIM រៀបចំអភិវឌ្ឍន៍ ហ្វឹកហាត់ គ្រប់គ្រងតារា តួវ័យក្មេង ដើម្បីជួយបណ្ដុះបណ្ដាលពួកគេឲ្យក្លាយទៅជាតារាបង្ហាញម៉ូដ តារាសម្ដែង ពិធីករ ពិធីការនី និងតារាសម្ដែងល្បីល្បាញ ព្រមទាំងទទួលការរៀបចំព្រឹត្តិការណ៍ប្រកួតថ្នាក់ជាតិដូជាបវរកញ្ញាចក្រវាឡកម្ពុជា និងបវរកញ្ញាភេទទី៣កម្ពុជាជាដើម។ CIM ក៍មានផលិតកម្មវិធីទូរទស្សន៍Digital Content និងព្រឹត្តិការណ៍ផ្សព្វផ្សាយផ្សេងៗ រួមទាំងមានការបងង្ហាត់បង្រៀនបន្ថែមនិងរៀបចំបញ្ជួនតារាបង្ហាញម៉ូដមួយចំនួនធំឲ្យទៅចូលរួមប្រកួតលើឆាកអន្ដរជាតិជាច្រើនដែលមានសរុបជិត៤០កម្មវិធីក្នុងដៃ ហើយកម្មវិធីអន្ដរជាតិមួយចំនួនទៀតក៍បង្ហាញក្នុងគេហទំព័រSIM ផងដែរ។
កម្មវិធីដ៍អស្ចារ្យរបស់CIM ក៍មានការចូលរួមពីលោកឌួង ឆាយ,លោកជិន សំណាង ថៅកែហាងពេជ្រCSNJ រួមទាំងតារាសម្ដែងនិងបង្ហាញម៉ូដល្បីៗដូចជាកញ្ញារឿន ណាត,សំណាង អេលីណា,រ៉េត ហ្សារីតា,ហ្វា ហ្វា,លោកអេដវីន និងតារាជាច្រើនដួងទៀត ខណៈដែលតារាទាំងនោះបានចុះពីលើរថយន្ដទំនើបRolls Royce និងAlphard ដើរលើកម្រាលព្រហ្មក្រហមទើបធ្វើឲ្យកាន់តែទាក់ទាញនៅចំពោះមុខអ្នកកាសែតជាច្រើនស្ថាប័ន។
គូររំលឹកថាមុនបើកសម្ពោធសាកល្បងCIM នេះកាលពីឆ្នាំ២០០៤ លោកម៉ែន និមលរតន៍ ធ្លាប់ធ្វើការក្រៅម៉ោង(Part Time) ជាតារាបង្ហាញម៉ូដនៅSapor Modeling ហើយឆ្នាំ២០០៥លោកទទួលបានជ័យលាភីModel Look ។នៅឆ្នាំ២០០៩ លោកនិមលរ័ត្ន បានបង្កើតLareine Modeling និងឆ្នាំ២០១០ លោកបង្កើតSun Super Model ខណៈឆ្នាំ២០១៦ លោកបានបម្រើរការងារនៅRomyr Liboon ទៀតផង៕
