ភ្នំពេញ៖តារាចម្រៀងលោកសុខ មេសា ហៅនាយចឺម ពិតជាស្នេហ៍អ្នកមេម៉ាយសេង សុខគីម ស្ទើតែលេបចូលពោះមែនព្រោះតែសង្សារទី៤របស់នាយរូបនេះសាច់ម៉ែសំឡីតែម្ដងដែលធ្វើឲ្យលោកមេសា មិនអាចរកស្រីណាមកប្រៀបបានជាមួយកំពូលស្នេហ៍របស់នាយម្នាក់នេះបានទេ។សកម្មភាពរបស់នាយចឺម នៅពេលនេះគឺខុសស្រឡះបើប្រៀបធៀបអំឡុងពេលដែលនាយភ្ជាប់ស្នេហ៍ជាមួយ សង្សារទី១នាងអៀ ម៉េងលិ ហៅអូនម៉ីម៉ី,សង្សារទី២នាងពុធ ស្រីខួច និងសង្សារទី៣នាងហ្វា ហ្វា ហៅស្រីយី ដែលពេលនោះលោកមេសា បណ្ដើរគ្នាបែបលួចលាក់ និងមិនដែលហ៊ានអោបថើបសង្សារជាសាធារណៈដូចជាមួយអ្នកមេម៉ាយសុខគីម ឡើយ។ដើម្បីបញ្ជាក់ឲ្យសង្សារកាន់តែជឿរជាក់ថែមទៀតនោះមានពេលខ្លះនាយចឺម ព្យាយាមយកចិត្តនាងសុខគីម ដោយថែមទាំងលាបឡេឲ្យកំពូលស្នេហ៍រូបនេះទៀតផងទើបធ្វើឲ្យអ្នកមេម៉ាយសែនកក់ក្ដៅផង ស្រៀវស្រើបកាយ៉ាផងដោយស្នាដៃម្ចាស់បទ”បងចូលចិត្ត ស៊ីកណ្ដុរ”រូបនេះ។
ថ្វីត្បិតតែនាយចឺម និងសង្សារស្រលាញ់គ្នាចាក់ទឹកមិនលេចមែន តែលោកមេសា ធ្លាប់ប្រាប់អ្នកយកព័តមានយើងថានាយ មិនទាន់មានគម្រោងរៀបការឆាប់ៗនេះឡើយ ហើយក៍មិនដឹងថាថ្ងៃក្រោយមានរឿងអ្វីដែរព្រោះថាពេលនេះគ្រាន់តែជាសង្សារ អាចប្រែប្រួលបានគ្រប់ពេលវេលា។ដោយឡែកអ្នកស្និតស្នាលនាយចឺម និយាយថាលោកមេសា មិនដែលស្រលាញ់ស្រីណាស្មោះរហូតនោះទេ ពោលគឺបានតែដំបូងហើយពេលនាយថតMVជាមួយតារាស្រីណាវ័យក្មេងស្អាតផ្សេងទៀតនោះនាយគិតតែពីញ៉ែឲ្យទាល់តែបានសម្រេច។ប៉ុន្ដែនាងសុខគីម ធ្លាប់ចេញសារថាទោះជាមានអ្នកខ្លះថានាយចឺម មិនល្អក្ដីតែពេលនេះនាងមានក្ដីសុខ ហើយក៍គ្មានការស្ដាយក្រោយដែរប្រសិនបើថ្ងៃក្រោយជួបរឿងខកចិត្ត។
គូរបញ្ជាក់ថានៅឆ្នាំ២០២២ នេះក្រៅពីនាយចឺម តារាដែលពូកែញ៉ែបានៗមានដូចជានាយពែកម៉ី,នាយក្រូច និងតារារហ័សនាមឈ្នះអស់មាសត្រូវលោកអ៊ីណូ ។ប៉ុន្ដែសម្រាប់នាយចឺម វិញក៍ធ្លាប់ញ៉ែភ្លាត់ស្នៀតម្ដងដែរព្រោះកាលពីថ្ងៃទី១៨ខែធ្នូឆ្នាំ២០១៩ នាយត្រូវកីឡាករបាត់ទាត់ង៉ែត លីទី វាយឲ្យរបួសក្បាសដេរអស់៥ថ្នេរ ដោយចោទថាអតីតតារាកំប្លែងរូបនេះបានញ៉ែសង្សាររបស់ខ្លួនឈ្មោះស្រីលាភ នៅខេត្តខេត្តប៉ៃលិន។តែក្រោយជួបរឿងរ៉ាវនេះមិនធ្វើឲ្យប៉ៈពាល់ដល់មន្ដស្នេហ៍របស់លោកមេសា នោះទេពោលគឺនាយ នៅតែធ្វើឲ្យស្រីៗជឿរស៊ុបដោយថ្វីមាត់នាយដដែល។មហាជនរងចាំមើលថាតើចំណងស្នេហានាយចឺម និងអ្នកមេម៉ាយកូន១អាចរក្សារបានភាពយូអង្វែងឬឈានទៅដឹកដៃគ្នាចូលរោងការដែរឬទេ?
