ភ្នំពេញ៖ខាត់ សុឃីម បានចេញបទថ្មីសម្រាប់ពិធីបុណ្យចូលឆ្នាំខ្មែរនៅផលិតកម្មដាវីត្រា នោះគឺបទ”អូនលែងប្ដីហើយ”ដែលបទនេះហាក់មានភាពចម្រូងចម្រាសនៅលើបណ្ដាញសង្គម ព្រោះតែមានការរិះគន់ច្រើនជាងគាំទ្រ ដោយសារតែពាក្យពេជន៍មួយចំនួនត្រូវបានអ្នកលេងបណ្ដាញសង្គមចាត់ទុកថាដូចជាមិនសាកសម្យទៅនិងតម្លៃនៃស្រ្ដីខ្មែរ ដូចជាលែងប្ដីហើយសប្បាយចិត្ត ប្រកាសរកសង្សារថ្មី…។អ្វីដែលគូរឲ្យចាប់អារម្មណ៍នោះហ្វេសបុកមួយឈ្មោះថាសួរ សុបញ្ញា បានបញ្ចេញទស្សនៈផ្ទាល់ខ្លួនជុំវិញបទចម្រៀងរបស់អ្នកនាងសុឃីម នេះដោយលើកឡើងថាបទនេះមិនសមរម្យ ព្រោះមើលទៅដូចជាបង្អាប់តម្លៃស្រ្ដីខ្មែរ ព្រោះស្រ្ដីខ្មែរមិនមែនលែងប្ដីហើយដើរប្រកាសប្រាប់គេឯង ប្រកាសរកសង្សារថ្មី ដូចនៅក្នុងបទចម្រៀងនេះឡើយ។គណនេយ្យខាងលើបានលើកឡើងទៀតថាបទនេះហាក់ប្រមាថដល់តម្លៃសង្គមកម្ពុជា ព្រោះរាជរដ្ឋាភិបាលកំពុងតែលើកតំកើងតម្លៃស្រ្ដី និងសីលធ័មសង្គម។ លោកបុបញ្ញា ថា”អ្នកមានសិទ្ធិនិពន្ធ តែការនិពន្ធត្រូវគិតពីតម្លៃសង្គម សីលធ័ម វប្បធ័ម ប្រពៃណី និងមរតកជាតិ កុំដើម្បីតែប្រាក់ធ្វើតាមចិត្តភ្លេចអស់រសជាតិនិយម និងតម្លៃជាតិ”។
អ្នកយកព័តមានយើងបានព្យាយាមទូរស័ព្ទទៅអ្នកនាងខាត់ សុឃីម កាលពីថ្ងៃទី១៨ខែមេសា ដើម្បីសុំប្រតិកម្មឬការឆ្លើយតបពីនាងជុំវិញបទ”អូនលែងប្ដីហើយ”នេះ តែអ្នកនាងសុឃីម ដែលធ្លាប់តែស្វាគមន៍ការសម្ភាសន៍របស់អ្នកកាសែតគ្រប់ពេលនោះ ម្ដងនេះតេចូលនាងមិនលើកទូរស័ព្ទឡើយទើបមិនទាន់អាចសុំការបំភ្លឺបានទេជុំវិញរឿងរ៉ាវខាងលើ។តែនៅលើហ្វេសបុកសុឃីម បានថ្លែងសារថា”ប្ដីល្អ សម្លរឆ្ងាញ់ (អូនលែងប្ដី តែបទចម្រៀងទេ)។ដោយឡែកមតិជាច្រើនដែលគាំទ្រអ្នកនាងសុឃីម បានលើកឡើងថាសុឃីម គ្រាន់តែជាអ្នកចម្រៀង មិនមែនជាអ្នកនិពន្ធឬថៅកែផលិតកម្មនោះទេ ហេតុនេះហើយនាងច្រៀងសម្ដែងទៅតាមផលិតកម្មតម្រូវប៉ុណ្ណោះ ដូចនេះនាងគ្មានចេតនាអាក្រក់បង្អាប់តម្លៃស្ត្រីខ្មែរឡើយ ព្រោះអ្នកនាងប្រឡូកសិល្បៈជាច្រើនឆ្នាំមកហើយ ដែលមកដល់ពេលនេះនាងនៅតែរះក្នុងចិត្តរបស់ទស្សនិកជនជាច្រើនគាំទ្រនាង។
អ្វីដែលគូរឲ្យសរសើរនោះសុឃីម នៅតែក្រោកឈនៅក្នុងសិល្បៈបានរឹងមាំដដែល ក្រោយនាងបានចាញ់បោកឧកញ៉ាម្នាក់អស់លុយខ្ទង់៩០ម៉ឺនដុល្លារកាលពីពាក់កណ្ដាលឆ្នាំ២០២០ ដែលធ្វើឲ្យតារាពហុជំនាញតុកស៊ិកយ៉ាងខ្លាំង។ប៉ុន្ដែពេលនេះគេឃើញសុឃីម រឹងមាំឡើងវិញដូចជាជិះរថយន្ដLexus Lx570 តម្លៃជាង២០ម៉ឺនដុល្លារ ហើយនាងថែមទាំងលេងខ្លួនជាមួយគ្រឿងអលង្ការថ្លៃៗទៀតផង។តែគម្រោងយកកូនទី៣នោះនៅតែត្រូវបានសុឃីម ផ្អិបមួយអន្លើ ក្រោយនាងចាប់ដៃជាមួយតារាសម្ដែងលោកអ៊ិន សុបញ្ញា ហៅផាណូ ជិត១០ឆ្នាំទទួលបានកូនស្រី១ឈ្មោះបញ្ញា ហ្វូតូស្អាត អាយុជាង៧ឆ្នាំបន្ថែមពីលើកូនប្រុសឈ្មោះស្កាយ ដែលពេលនេះពេញវ័យកំលោះទៅហើយ៕