ភ្នំពេញ៖ជារៀងរាល់ឆ្នាំឲ្យតែដល់ថ្ងៃប្រារពខួបអាពាហ៍ពិពាហ៍របស់ខ្លួននៅថ្ងៃទី២៨ខែធ្នូ នោះមាស សុខសោភា តែងតែចេញសារសរសើរស្វាមីរបស់នាងដែលជាអាណិកជនខ្មែរមកពីកាណាដាលោកអ៊ឹត រ៉ាដា នោះថាជាបុរសម្នាក់ដែលហ៊ានលះបង់គ្រប់បែបយ៉ាងទាំងអស់ដើម្បីនាង។ប៉ុន្ដែក្រោយសោភា អួតប្ដីរបស់នាងពេញៗមាត់នោះបែជាមានអ្នកខ្លះថាស្វាមីសោភា មិនមានឃើញធ្វើការងារអីដើរតាមតែភរិយានៅឆាកតន្រ្ដីទៅវិញ តែតារាចម្រៀងសំនៀងផ្អែមរូបនេះមិនដែលតតបឡើយ ព្រោះថាចង្កៀងផ្ទះអ្នកណាភ្លឺផ្ទះអ្នកនោះ។យ៉ាងណាតាមការសង្កេតសកម្មភាពជាក់ស្ដែងស្វាមីរបស់សុខសោភា គឺពិតជាបានធ្វើអ្វីៗសម្របខ្លួនតាមនាងគ្រប់បែបយ៉ាងទាំងអស់មែន ក្នុងនោះមានដូចជាការមិនចេះប្រចណ្ឌសោភា ផ្ដែសផ្ដាសនោះទេពោលគឺដូចជាតារារាម រូបនេះបង្ហាញភាពស្និតស្នាលគ្នាចម្លែកជាមួយលោកឆន សុវណ្ណារាជ ដោយសោភា ថែមទាំងថើបលោករាជ ទៀតនោះបែជាលោករ៉ាដា ឈមើលនិងថតរូបឲ្យទៅវិញ។អ្វីដែលគូឲ្យកត់សម្គាល់ផងដែរថ្មីៗនេះសោភា កាន់តែហ៊ានលេងខ្លួនស៊ិចស៊ីដូចជាពាក់អាវវៀលក្លៀកស្ដើង និងស្លៀកខោលីអូនៅអាងទឹកដើម្បីផ្សព្វផ្សាយផលិតផលមួយដោយលោករ៉ាដា មិនបានហាមឃាត់ឬហួងហែងភរិយារបស់លោកឡើយ។
ផ្ទុយទៅវិញប្ដីរបស់សុខសោភា ថែមទាំងគាំទ្រនិងជម្រុញឲ្យនាងលេងខ្លួនប្លែកៗដើម្បីឲ្យមានការចាប់អារម្មណ៍ទៀតផង ដែលរាល់ទង្វើរបែបនេះហើយទើបត្រូវបានសោភា តែងតែលើកទឹកចិត្តប្ដីជារៀងរាល់ថ្ងៃខួបមង្គលការរបស់ខ្លួន។ប៉ុន្ដែការលេងខ្លួនរបស់សុខសោភា ចុងក្រោយនេះបែជាមានអ្នកខ្លះថានាងស៊ិចស៊ីផ្ដាំចាស់ទៅវិញ ព្រោះថាឆ្នាំនេះសោភា អាយុជាង៤០ឆ្នាំទៅហើយ តែការស្លៀកពាក់របស់នាងពេលខ្លះហ៊ានបញ្ចេញសាច់គល់ភ្លៅ និងដើមទ្រួងគូរឲ្យព្រឺព្រួចតែម្ដង។ការប្ដូរវិធីស្លៀកពាក់និងតុបតែងខ្លួនរបស់សុខសោភា នេះកើតមានក្រោយពីសោភា បានដើរចេញពីថោន ចូលរាម ហើយពិតណាស់ថានាងជាតារាល្បីម្នាក់ដែលដើម្បីឲ្យមហាជនចាប់អារម្មណ៍ក្រៅពីបទចម្រៀងនោះគឺមានតែការលេងខ្លួនឲ្យស៊ីវីល័យទៅតាមពេលវលេនេះឯង។យ៉ាងណារាល់សកម្មភាពរបស់សុខសោភា ក្នុងការលេងខ្លួនស៊ិចស៊ីមិនធ្លាប់មានពីមុននោះនាងមិនដែលរងការរិះគន់នោះទេ ព្រោះថាតារាចម្រៀងរូបនេះច្រើនតែហ៊ានបញ្ចេញសាច់នៅលើឆ្នេរ និងអាងទឹកប៉ុណ្ណោះ មិនមែនព្រលែងរបស់សំខាន់ឲ្យគេឃើញនៅតាមផ្សារឡើយ។
មាស សុខសោភា បានចូលជ្រកនៅរាម រយៈពេលជាង១ឆ្នាំទៅហើយក្រោយដើរចេញពីថោន ដែលការទៅដល់ទ្រនុំថ្មីនេះគេឃើញនាងមិនសូវមានបទផ្ទុះខ្លាំងដូចមុននោះទេ ហើយតាមឆាកតន្រ្ដីមួយចំនួនសោភា ច្រើនតែយកបទនៅផលិតកម្មចាស់ដូចជាបទ”Friday Night “ទៅបកស្រាយឡើងវិញទៀតផង។យ៉ាងណានាងធ្លាប់ប្រាប់អ្នកយកព័តមានយើងថាការចូលរាម គឺដើម្បីច្រៀងផង រកស៊ីផង ហេតុនេះហើយទោះជាពេលនេះសោភា មិនទាន់ធ្វើឲ្យទីផ្សារចម្រៀងកក្រើកក្ដី តែនាងបានវិវត្តន៍ខ្លួនក្លាយទៅជាថៅកែស្រីដែលមានហាងដល់ទៅ២ដោយចំណាយទុនអស់ជាច្រើនម៉ឺនដុល្លារ។សោភា ដែលបានផាត់ចោលផលិតកម្មហង្សមាស និងGalaxy ដើម្បីរាម នោះពេលនេះនាងនៅតែបន្ដច្រៀងដៃគូជាមួយលោកដួង វីរៈសិទ្ធ ដដែល ព្រោះព័តមានដែលលេចឭថាថៅកែរាម ចង់ទិញលោកឆន សុវណ្ណារាជ មកចាប់ដៃជាមួយសុខសោភា នោះនៅតែមិនទាន់ក្លាយទៅជាការពិត។ចំណែកសោភា វិញបានប្រកាសកាលពីដើមឆ្នាំ២០២២ ថានៅឆ្នាំនេះនាងនឹងបញ្ចេញស្ទីលប្លែកបំផុតដែលមិនធ្លាប់មានក្នុងអាជីពដែលការតាំងចិត្តបែបនេះមានន័យថាតារាក្លាយទៅជាថៅកែរូបនេះមិនបន្ធូដៃទៀតឡើយ។យ៉ាងណាក្រោយសុខសោភា តាំងចិត្តចង់បំបែកទីផ្សារចម្រៀងជាថ្មីនេះគេនៅតែមិនទាន់ឃើញនាងមានអ្វីដែលពិសេសបំផុតដូចការជូនដំណឹងនោះទេគឺមានតែសោភា រឹតតែហ៊ានបញ្ចេញសាច់គល់ភ្លៅដ៍សខ្ចីម៉ដខៃប៉ុណ្ណោះ៕