ភ្នំពេញ៖វាមិនមែនជារឿងងាយស្រួលនោះទេដែលលី ម៉ារីណា ចោទថាត្រូវប្ដីលួចគ្រឿងមាស និងពេជ្រអស់ពីខ្លួនរលីង ហើយពេលនេះនាងចាប់ផ្ដើមសន្សំលុយល្អិតពីការងារសិល្បៈនិងរកស៊ីតាមOnline នោះ ប៉ុន្ដែនាងថានោះជាភារិច្ចដែលត្រូវរកប្រាក់ដើម្បីចិញ្ចឹមនិងផ្គត់ផ្គងដល់ការរៀនសូត្ររបស់កូនប្រុសនាង។ម៉ារីណា ក៍បានឲ្យដឹងដែរថាក្រោយមានរឿងចម្រូងចម្រាសព្រោះប្ដីលួចទ្រព្យពីនាងគ្មានសល់នោះពេលនេះនាងចាប់ផ្ដើមទទួលការងារសិល្បៈច្រើនជាងមុនទាំងការធ្វើជាMC ,ច្រៀងសម្ដែង និងថតកុនជាដើម។តែតារាកូន១រូបនេះនៅតែតាំងចិត្តថានាងមិនបាច់ជូនដំណឹងរឿងប្ដីនាងលួចទ្រព្យអស់ពីខ្លួននេះដោយប្ដឹងលោកសាត ចាន់ថន ទៅតុលាការឡើយ ព្រោះតែនាងគិតគូដល់កូនប្រុស និងមិនចង់ដោះស្រាយគ្នាតាមវិធីប្ដឹងផ្ដល់ទេ។
ក្រៅពីប្ដេជ្ញារមិនប្ដឹងលោកចាន់ថន ទៅផ្លូវច្បាប់នោះលី ម៉ារីណា នៅតែមិប្រាប់ជាដាច់ខាតនូវទំហ៊ុំទឹកលុយសរុបដែលអតីតសា្វមីនាងបានយកទៅតាមខ្លួនឬនាងប្រើពាក្យថា”លួច”នោះ តែម៉ារីណា ថាអ្វីដែលនាងនិយាយទាំងប៉ុន្មានគឺនាងសូមអះអាងថាជាពាក្យពិតគ្រប់ចំណុចទាំងអស់។នាងថាពេលនេះកំពុងតែថតនិងទទួលរឿងថ្មីៗផងដែរ ខណៈដែលមុនប្រកាសលែងប្ដីនោះនាងថារយៈពេលក្នុង១ឆ្នាំគឺនាងសូមទទួលថតរឿងតែ១ប៉ុណ្ណោះ ព្រោះសល់ពេលទាំងប៉ុន្មាននឹងយកទៅរកស៊ីធ្វើជំនួញទាំងអស់។
ថ្វីត្បិតតែលី ម៉ារីណា បានប្ដូរចិត្តពីរឿងថាមិនអាចធ្វើការងារបាន ព្រោះអស់កំលាំងចិត្តដោយសារតែប្ដីលួចទ្រព្យអស់ មកជាប្រឹងប្រែងបន្ដអាជីពចាស់ឡើងវិញក្ដី តែពេលនេះគេឃើញនាងហាក់មិនសូវមានអារម្មណ៍ស្រស់ថ្លានោះទេ ដែលអាចមកពីនាងស្ដាយមាសពេជ្រ ដែលលោកចាត់ថន ស្ពាយទៅជាមួយនោះតែម្ដង បើទោះជាអតីតប្ដីបានប្រកែកចំពោះការចោទប្រកាន់ដែលម៉ារីណា បានទម្លាក់កំហុសដល់លោកគ្រប់រឿងក្ដី។
គូររំលឹកថាលី ម៉ារីណា បានរៀបការជាមួយលោកសាត ចាន់ថន ដែលជាអាណិកជនខ្មែរមកពីអាមេរិកកាលពីថ្ងៃទី២៧ខែឧសភាឆ្នាំ២០១៣ ដែលចំណងស្នេហ៍ឆ្លងទ្វីពនេះពួកគេទទួលបានកូនប្រុស១អាយុជិត១០ឆ្នាំ។វាគឺជាបរាជ័យស្នេហ៍លើកទី២របស់ម៉ារីណា ក្រោយនាងបានលែងលះជាមួយលោកទឹត ថាវរិទ្ធ ដែលបច្ចុប្បន្នជាប្ដីរបស់នាងនៅ សុនិតា ប៉ុន្ដែគេជឿរថាអ្នកមេម៉ាយកូន១ស្រួយដូចដូងដុតនិងមានសម្រស់ផូផង់ដូចម៉ារីណា ប្រាកដជាមិនខ្វះឡើយ ប្រុសៗអ្នកមានចាំត្រងស្នេហ៍ ហេតុនេះហើយមិនយូទេម៉ារីណា នឹងរកបានប្រុស្នេហ៍ថ្មីឆាប់ៗជាមិនខាន ព្រោះនាងអះអាងថាដាច់ខាតគ្មានការផ្សះផ្សារឬវិលទៅរកភាពត្រូវរ៉ូវគ្នាជាមួយប្ដីនោះទេ៕
