ភ្នំពេញ៖ពាក្យចាស់ពោលថា”ស្រលាញ់មេ បំពេរកូន”នោះត្រូវបាននាយចឺម យកមកអនុវត្តន៍បានយ៉ាងខ្ជាប់ខ្ជួនតាមរយៈនាយបានដើរតួនាទីដូចជាឪពុករបស់កូនសង្សារដោយកាលពីថ្ងៃទី៧ខែកក្កដា នោះលោកមេសា បានធ្វើខួបកំណើតឲ្យកូនប្រុសរបស់នាងសុខឃីម ឈ្មោះពេជ្រ ហើយតារាសាន់ដេរូបនេះថែមទាំងឈទទួលភ្ញៀវដោយបំពេញតួនាទីរបស់ខ្លួនដូចឪពុកបង្កើតរបស់កូនសង្សារខ្លួន។សកម្មភាពបែបនេះរបស់នាយចឺម ឆ្លុះបញ្ចាំងឲ្យឃើញថានាយមិនត្រឹមតែគ្មានការខ្មាសអៀនរឿងបានប្រពន្ធមេម៉ាយនោះទេ តែលោកមេសា ថែមទាំងបានផ្ដល់ភាពកក់ក្ដៅឲ្យគូស្នេហ៍តាមរយៈការស្រលាញ់កូននាងសុខឃីម រហូតរៀបចំដល់ធ្វើខួបកំណើតឲ្យ។ទាំងភ្ញៀវអ្នកសិល្បៈរួមអាជីពនិងអ្នកលក់Online ជាច្រើនដែលទៅចូលរួមនោះពួកគេចាប់អារម្មណ៍សកម្មភាពរបស់នាយចឺម គ្រប់គ្នាថាពេលនេះនាយកាន់តែមានភាពចាស់ទុំជាងមុនហើយថែមទាំងចេះមានទំនួលខុសត្រូវខ្ពស់ទៀតផង។
សូមបញ្ជាក់ថាមុននាយចឺម បានបង្ហាញការយកចិត្តទុកដាក់និងស្រលាញ់កូនដើមរបស់សង្សារដូចកូននាយ នោះមុននេះលោកមេសា ហាក់ស្ពឹកមុខបន្ដិចដោយសារតែត្រូវFan ម្នាក់សួរនាយថាម៉េចបានមិនយកប្រពន្ធក្រមុំទៅយកមេម៉ាយទៅវិញ?នាយចឺម មិនឆ្លើយសំណួរនោះទេ ដោយបង្វិលទៅឲ្យអនាគតភរិយារបស់នាយគឺនាងសុខឃីម តបជំនួសវិញហើយអ្នកមេម៉ាយសាច់សខ្ចីដូចបណ្ដូលចេករូបនេះនៅតែថាបើទោះជាស្នេហានាងនិងនាយចឺម មានការវិវត្តន៍ទៅជាយ៉ាងណាក៍ថ្ងៃក្រោយនាងមិនស្ដាយក្រោយដែរ។ដោយឡែកនាយចឺម វិញបានលេងស្ទីលចាស់ដដែលៗតាមរយៈការចេញថតMVបទថ្មីរបស់ខ្លួនដោយឲ្យនាងសុខឃីម ធ្វើជាតួឯកស្រី ។ប៉ុន្ដែនាយមិនដែលហៅអតីតសង្សារទី៣ស្រីស្អាតហ្វា ហ្វា មកថតMV របស់ខ្លួនវិញដូចការសន្យាឡើយ បើទោះជាមុននេះមានការភ្ញាក់ផ្អើលព្រោះតែនាងសុខឃីម និងហ្វា ហ្វា លេខមុខឃោសនាឲ្យផលិតផល១រួមគ្នាក្ដី។
ក្រៅពីនាយចឺម តារាដែលស្រលាញ់កូនដើមដូចកូនបង្កើតមានដូចជាលោកជា វិបុល ,អ៊ិន សុបញ្ញា ហៅផាណូនិងព្រីង ច័ន្ទបុត្រ ហៅនាយចេក ជាដើម។មហាជនរងចាំមើលថាតើនាយចឺម ពិតជាបញ្ចប់ស្នេហ៍ត្រឹមសង្សារទី៤នេះមែន ឬមួយក៍នាយមានផែនការធំចង់បានសង្សារទី៥?
