ភ្នំពេញ៖សុខ ពិសី មិនមែនជាតារាស៊ិចស៊ីដែលចូលចិត្តស្លៀកពាក់បញ្ចេញគល់ភ្លៅនិងគល់ដើមទ្រូងឡើយ បើទោះជារូបសម្រស់នាងត្រូវបានFan ហៅថាជារាជនីយសម្រស់ក្ដី តែពិសី និយមលេងខ្លួនបែបបិតជិតៗច្រើនជាងធ្វើឲ្យគេព្រឺព្រួច។ប៉ុន្ដែយ៉ាងណាពេលនេះអ្វីៗហាក់ផ្លាស់ប្ដូរទៅហើយព្រោះតាមរយៈការលេចមុខតាមកម្មវិធីផ្សេងៗនារយៈពេលចុងក្រោយពិសី ហ៊ានស្លៀកពាក់បញ្ចេញសម្រស់ដើមទ្រូងមើលទៅស៊ិចស៊ីជាងលើកមុនៗដើម្បីឲ្យគ្រប់គ្នាបានឃើញកាន់តែច្បាស់ពីរោមឆោមរបស់នាង។តែការចាប់ផ្ដើមហ៊ានស្លៀកពាក់បញ្ចេញសាច់ជាងមុនបន្ដិចរបស់ពិសី នេះគ្រាន់តែជាការផ្លាស់ប្ដូរស្ទីលនៃការតុបតែងខ្លួនរបស់នាងប៉ុណ្ណោះ ដើម្បីឲ្យផលិតផលធំៗដែលចង់បាននាងធ្វើជាBA នោះបានឃើញនាងកាន់តែច្បាស់ ព្រោះគេជឿរថាស្រីស្អាតរូបនេះនឹងមិនចង់បានតំណែងជាតារាស៊ិចស៊ីបន្ថែមពីលើអាជីពចម្រៀងរបស់នាងឡើយ។
អ្វីដែលគូរឲ្យកត់សម្គាល់ពិសី នៅតែទុកចិត្តនិងបន្ដច្រៀងសម្ដែងជាមួយនាយចឺម បើទោះជាមានតារាមួយចំនួនញ៉ាចដោយសារតែលោកមេសា ឲ្យតែប៉ៈស្រីស្អាតគិតតែពីគ្រញិចអោបថើបៗនោះតែពេលនេះប៉ៈពិសី នាយមិនហ៊ានបន្លះប៉ៈសាច់ខ្លាំងឡើយគឺសុភាពតែម្ដងព្រោះថាឥទ្ធិពលរបស់ពិសី នៅសាន់ដេត្រូវបានតារាខ្លះគោរពនិងទុកនាងដូចជាម្ចាស់ផលិតកម្មពោលគឺដូចឱក សុគន្ធកញ្ញា នៅហង្សមាសដែរ។ភាពប្រែប្រួលរបស់ពិសី ពីតារាចម្រៀងម្នាក់ទៅជាគេប្រៀបដូចនាងជាថៅកែនោះក្រោយពីស្រីស្អាតសាច់ដូចបណ្ដូលចេករូបនេះប៉ៈស្នេហាជាមួយថៅកែសាន់ដេលោកឡាយ សុខចំរើន ហើយទោះជាពេលនេះពួកគេទាំងសងខាងនៅតែមិនព្រមសារភាពក្ដី ប៉ុន្ដែគេជឿរថានាពេលខាងមុខពិសី នឹងជ្រើសផ្លូវដូចសុគន្ធកញ្ញា ជាមិនខានពោលគឺយកប្ដីជាអ្នកយល់ដឹងពីអាជីពរបស់នាងច្បាស់ដើម្បីរក្សារចំណងស្នេហាឲ្យបានយូអង្វែង។
សុខ ពិសី ត្រូវបានគេមើលឃើញថានាងនៅតែរក្សារតំណែងជាតារាស្រីឈានមុខគេរបស់សាន់ដេបើទោះជាបាត់បង់ដៃគូស្និតស្នាលគឺលោកខែម ប៊ុនថៃ ក្ដីតែការងាកទៅចាប់ដៃគូជាមួយលោកឆាយ វីរៈយុទ្ធ និងនាយចឺម នោះធ្វើឲ្យនាងនៅតែជាទីចាប់អារម្មណ៍របស់ទស្សនិកជនដូចមុន។យ៉ាងណាក្រោយពិសី ប៉ៈស្នេហ៍ថៅកែជិត១០ឆ្នាំនេះមិនទាន់មានដំណឹងនាងគ្រោងដឹកដៃម្ចាស់ចិត្តចូលរោងការនៅថ្ងៃណាឡើយ ខណៈដែលក្នុងជំនួបរាល់លើកពិសី តែងតែនិយាយដដែលៗថានាងផ្ដោតលើអាជីពចម្រៀងច្រើនជាងស្នេហា៕
