ភ្នំពេញ៖សុខ សោម៉ាវត្តី ជាតារាដែលចូលចិត្តស្នេហ៍តែប្រុសក្មេងៗដោយមើលរំលងប្រុសវ័យចំណាស់ទើបក្រោយលែងប្ដីលោកទូច ដាណារ៉ា ហៅពេជ្រ កាលពីឆ្នាំ២០១៤ មានសំណើរពីបុរសវ័យចំណាស់ទាំងក្នុងនិងក្រៅស្រុកជាច្រើនតែទីបំផុតនាងសុខចិត្តភ្ជាប់ស្នេហ៍ជាមួយកីឡាករបាល់ទាត់ប្រុសក្មេងលី វ៉ាហេទ ដោយមិនក្វល់ពីអ្នកចាំទាយរឿងស្នេហារបស់នាងទុកថាមិនអាចគង់វង្សនោះឡើយ។ប៉ុន្ដែការចែកផ្លូវជាមួយវ៉ាហេទ យ៉ាងស្ងប់ស្ងាត់មិនដឹងមូលហេតុដោយសារតែភាគីទាំងសងខាងព្យាយាមបាក់បាំងដូចគ្នានោះពេលនេះវត្តី បានផ្លាស់ប្ដូរចិត្តតាមរយៈការផ្សារភ្ជាប់ស្នេហ៍ថ្មីជាមួយថៅកែហាងថតរូបម្នាក់ដែលមានវ័យចំណាស់ទៅវិញ។វាគឺជារឿងដ៍គូឲ្យភ្ញាក់ផ្អើលព្រោះគ្រប់គ្នាដឹងថាអ្នកមេម៉ាយកូន១នេះមើលមិនចូលភ្នែកប្រុសចាស់ជាងខ្លួននោះទេ ប៉ុន្ដែទីបំផុតធ្វើឲ្យនាងអាចប្រែប្រួលចិត្តបានដោយនាងអាចកែប្រែទម្លាប់ឬយល់ថា”ប្រុសចាស់ចេះថ្នម”។យ៉ាងណាគេអាចសន្និដ្ឋានថាចំណងស្នេហាវត្តី អាចស្ថិតក្នុងតំណាក់កាលស្វែងយល់ចិត្តគ្នានៅតំណាក់កាលដំបូងប៉ុណ្ណោះ ទើបពេលនេះនាងមិនទាន់ហ៊ានបណ្ដើរថៅកែជាសាធារណៈនោះទេ បើទោះជាជាបុរសខ្មែរកាត់ចិនរូបនោះធ្លាប់បង្ហាញសារនៅលើបណ្ដាញសង្គមដោយលោកចាត់ទុកវត្តី ថាជាកំពូលស្នេហ៍របស់លោកក្ដី។
ថ្វីត្បិតតែសុខ សោម៉ាវត្តី បានងាកមកស្នេហាប្រុសចាស់មែន តែតារាផ្សេងៗទៀតដែលត្រូវគេដឹងថាពួកគេស្នេហាតែប្រុសក្មេងៗនោះគឺមិនបានតប់តាមវត្តី ឡើយក្នុងនោះមានដូចជាពេជ្រ សោភា ,ហ៊ិន ច័ន្ទនីរ័ត្ន និងប៉ាច គីមមួយ ជាដើមគឺនៅតែមានសង្សារនិងប្ដីជាបុរសវ័យក្មេងរូបសង្ហារដដែល។ចំពោះវត្តី វិញទោះជាពេលនេះនាងធ្លាក់ខ្លួនជាមេម៉ាយកូន១មែន តែរូបសម្រស់នាងនៅតែផូផង់ហេតុនេះហើយនាងមានជម្រើសស្នេហ៍ច្រើនដែលតាមព័តមានថាក្រៅពីថៅកែហាងថតរូបនោះនាងមានបុរសទាំងក្នុងនិងក្រៅស្រុកចាំធានាព្យាព្យាបាលបេះដូង។
គូរបញ្ជាក់ថាតាំងពីសុខ សោម៉ាវត្តី ចែកផ្លូវលី វ៉ាហេទ ជិត១ឆ្នាំនេះមកគេលែងឃើញនាងទៅមើលបាត់ទាត់ផ្ទាល់របស់ក្រុមអតីតសង្សារខ្លួនលេងទៀតហើយ តែពេលនេះនាងជិះរថយន្ដទំនើបម៉ាកJeep Rubicon យ៉ាងកាលីពហើយពេលខ្លះបានទៅថតកៀកកើយជាមួយលោកថៅកែនៅលើឆ្នេរខ្សាច់យ៉ាងស៊ិចស៊ីទៀតផង៕
