ភ្នំពេញ៖តារាចម្រៀងសុខ ពិសី បង្ហាញទឹកមុខស្រងូតស្រងាត់និងអាណិតឪពុករបស់នាងលោកសុខ ហេង ជាពន់ពេកនៅពេលដែលឃើញលោកគេងលើគ្រែពេទ្យព្រោះតែមានអារៈក្រពះធ្វើទុក្ខខ្លាំងកាលពីថ្ងៃអាទិត្យទី២១សីហា។ពិសី ថាឪពុកនាងត្រូវសុងក្រពះ ហើយនាងស្រលាញ់គាត់ខ្លាំងណាស់ ហេតុនេះហើយនាងក្ដុកក្ដួលជាពន់ពេកពេលឃើញគាត់ឈឺធ្ងន់បែបនេះ។យ៉ាងណាតាមព័តមានចុងក្រោយថាពេលនេះស្ថានភាពរបស់លោកសុខ ហេង បានធូស្រាលច្រើនហើយ ខណៈដែលពិសី បានផ្អាកការងារOnline មួយចំនួនដើម្បីយកពេលវេលាមកមើលថែអ្នកមានគុណរបស់នាងដោយផ្ទាល់ផងដែរ។
គូរបញ្ជាក់ថាឪពុកសុខ ហេង បានទុក្ខជីវិតនៅពោះម៉ាយរយៈពេល១៤ឆ្នាំមកហើយ ក្រោយពីភរិយាលោកដែលត្រូវជាម្ដាយរបស់សុខ ពិសី បានទទួលមរណភាពដោយគ្រោះថ្នាក់ចរាចរណ៍កាលពីឆ្នាំ២០០៨ នៅផ្លូវជាតិលេខ៤ដោយសាររថយន្ដម៉ាកLexus Rx300 ដែលពិសី ជាអ្នកកាន់ចង្កូតនោះបានក្រឡាប់។ចាប់តាំងពីពេលនោះមកមិនដែលមានដំណឹងថាលោកហេង ជាមន្រ្ដីយោធាយកភរិយាថ្មីទៀតនោះទេ ហើយមានពេលខ្លះលោកបានបើករថយន្ដដឹកពិសី ទៅច្រៀងតាមបណ្ដារឆាកតន្រ្ដីទាំងឡាយទៀតផង។ពិសី តែងតែបង្ហាញការស្រលាញ់និងគោរពចំពោះឪពុកនាងតាមរយៈការទិញកាដូឲ្យលោកជាញឹកញាប់ស្របពេលនាងក៍ធ្លាប់ទម្លាយកាលពីឆ្នាំមុនដែរថាប៉ានាងចង់ឲ្យនាងរៀបការប្ដី។ប៉ុន្ដែពេលនេះពិសី មិនទាន់កំណត់ពេលវេលានៃការគ្រងឈុតកូនក្រមុំមែនទែនឡើយ បើទោះជាដំណឹងស្នេហានាងជាមួយលោកឡាយ សុខចំរើន ដែលជាថៅកែសាន់ដេបានបែកធ្លាយជាង១០ឆ្នាំទៅហើយក្ដី តែអ្នកទាំងពីរមិនដែលសារភាពស្នេហ៍ម្ដងណាឡើយ។
ក្រៅពីសុខ ពិសី តារាដែលមានឪពុកជូនទៅច្រៀងសម្ដែងមានដូចជាអ៊ីវ៉ា,លីនដា ,អ៊ុង នីនិច្ច និងរ៉េត ស៊ូហ្សាណា ជាដើម។មជ្ឈដ្ឋានមហាជនមើលឃើញថាស្រីស្អាតសុខ ពិសី ដែលមិនដែលប៉ៈរឿងអាស្រូវស្នហាធ្ងន់ធ្ងរម្ដងណានោះគឺមួយផ្នែកជាចំណែកឪពុកនាងតាមការពារសុវត្ថិភាពនាងជាច្រើនឆ្នាំមកនេះដែរ ទើបធ្វើឲ្យប្រុសៗទាំងឡាយចង់ឆ្មក់ស្នេហានាងមិនអាចូលកៀកពិសី បានឡើយ។ទោះជាយ៉ាងណាគេចាំមើលថាក្រៅពីបង្ហាញក្ដីអាណិតចំពោះឪពុកដែលចូលពេទ្យនោះតើពិសី នឹងហ៊ានបំពេញបំណងលោកហេង តាមរយៈការរៀបការប្ដីក្នុងពេលឆាប់ៗនេះដើម្បីឲ្យឪពុកបានសប្បាយចិត្តដែរឬទេ?
