ភ្នំពេញ៖កម្មវិធីប្រកួតបវរកញ្ញាMiss Grand Cambodia 2022 កាលពីរាត្រីថ្ងៃទី២៥សីហា បានឈានដល់វគ្គពាក់កណ្ដាលផ្ដាច់ព្រ័ត្រហើយ ដែលវិញ្ញាសារសម្រាប់បេក្ខនារីទាំង៣៥រូបតំណាងមកពីខេត្តក្រុងផ្សេងៗគ្នានោះពួកគេត្រូវបញ្ចេញឲ្យទាក់ភ្នែកគណៈកម្មារការនោះគឺការដើរម៉ូដឈុតប៊ីគីនី និងរាត្រីស្រមោលសធ្វើឲ្យមានការទាក់ទាញជាងវគ្គមុនៗទៅទៀត។ប៉ុន្ដែវគ្គនេះមិនទាន់មានបេក្ខនារីរូបណាបង្ហូរទឹកនេត្រាដោយធ្លាក់ចេញនោះទេព្រោះអ្នកគ្រប់គ្រងកម្មវិធីមួយនេះតម្រូវឲ្យបេក្ខនារីខាងលើនឹងត្រូវជម្រុះចេញនៅពាក់កណ្ដាលកម្មវិធីនៅវគ្គផ្ដាច់ព្រ័ត្រដែលនឹងធ្វើនៅថ្ងៃទី២៧ខែសីហាឆ្នាំ២០២២ ខាងមុខនេះដែលពេលនោះគណៈកម្មារនឹងជម្រុះចេញបេក្ខភាពដល់ទៅ២០រូបហើយទុកតែ១៥រូបប៉ុណ្ណោះ ដើម្បីប្រកួតវគ្គចុងក្រោយស្វែងរកម្ចាស់កកុដMiss Grand Cambodia 2022 ។
វេជ្ជបណ្ឌិតម៉ម គឹមអេង ជាអគ្គនាយិការCrystal Clinic និងជាគណៈកម្មារ១រូបរបស់Miss Grand Cambodia 2022 បានឲ្យដឹងថាការឈានមកដល់វគ្គពិសេសនេះលោកស្រីមើលឃើញថាការដាក់ពិន្ធុកាន់តែមានភាពស្វិតស្វាញណាស់ព្រោះតែបេក្ខភាពនីមួយៗមានចំណុចខ្លាំងរៀងៗខ្លួន។យ៉ាងណាលោកស្រីវេជ្ជបណ្ឌិតថាទាំងលោកស្រីនិងគណៈកម្មារផ្សេងៗទៀតនៅតែរកចំណុចខ្លាំងនិងខ្សោយរបស់បេក្ខភាពនីមួយៗឃើញដដែលក្នុងនោះការឲ្យពិន្ទុផ្ដោតទៅលើសម្ថភាព ,ដំណើរបង្ហាញម៉ូដ និងភាពទាក់ទាញ។លោកស្រីបន្ថែមថាដោយសារតែម្ចាស់មកុដនឹងត្រូវទៅប្រកួតលើវេទិការអន្ដរជាតិនាពេលខាងមុខ ហេតុនេះហើយបេក្ខភាពដែលចេះភាសារបរទេសកាន់តែមានអតិភាពបន្ថែមពីលើសម្ថភាពរបស់ពួកគាត់ដែរ។លោកស្រីបន្ថែមថាCrystal Clinic នៅពីក្រោយនិងគាំទ្រជានិច្ចចំពោះសម្រស់របស់Miss Grand Cambodia 2022 ។
មហាជនរងចាំមើលថាតើបេក្ខភាពចំនួន១៥រូបជាស្រីស្អាតមកពីខេត្តណាខ្លះទៅដែលនឹងប្រជែងគ្នាយកមកុដប្រចាំឆ្នាំ២០២២ នៅថ្ងៃទី២៧សីហា ?
