ភ្នំពេញ៖នាយចឺម អាយុ២៧ឆ្នាំបានប្រេះឆាសង្សារជាតារាស្រីស្អាតអស់ដល់ទៅ៤នាក់ក្នុងរយៈពេលតែ៥ឆ្នាំប៉ុណ្ណោះ ទើបធ្វើឲ្យលោកមេសា ដេកស្ដាយសាច់សខ្ចីរបស់សង្សារចាស់គ្មានថ្ងៃអាចភ្លេចបានឡើយ។យ៉ាងណាទាំងអ្នកនៅក្នុងនិងក្រៅសិល្បៈបានមើលឃើញថានាយចឺម ជាមនុស្សពូកែវោហារស័ព្ទមិនធម្មតាម្នាក់ដែលក្រោយបែកបាក់សង្សារហើយនាយនៅតែមានទំនាក់ទំនងល្អជាមួយដៃគូចាស់ដោយគ្មានជម្លោះឬក្លាយទៅជាគូបដិបក្សខ្លួនឡើយ។
ជាក់ស្ដែងថ្មីៗនេះនាយចឺម បានងាកមកធ្វើការងារជាមួយអតីតសង្សាររបស់ខ្លួនដល់ទៅ២នាក់ក្នុងនោះគឺសង្សារទី១៖នាងអៀ ម៉េងលិ ដោយឃោសនាលក់ធុងបាស់រួមគ្នា ខណៈដែលសង្សារទី២៖នាងហ្វា ហ្វា ហៅស្រីយី វិញនាយឡង់សេផលិតផល។នេះគឺជាយុទ្ធសាស្រ្ដរបស់ម្ចាស់ផលិតផលខាងលើដែលចង់ឲ្យនាយចឺម ចាប់ដៃគ្នាជាមួយសង្សារចាស់ជាថ្មីដើម្បីឲ្យមហាជនចាប់អារម្មណ៍ តែFan របស់លោកមេសា ភាគច្រើនលើកឡើងថានាយចឺម ចង់បញ្ឆេះភ្លើងស្នេហ៍ចាស់ឲ្យឆាបឆេះជាថ្មីឡើងវិញ។ប៉ុន្ដែនាយចឺម បានប្រាប់អ្នកយកព័តមានយើងថានាយគ្មានផែនការវិលទៅរកការត្រូវរ៉ូវគ្នាជាមួយស្រីស្អាតទាំងពីរវិញនោះទេ ហើយការជួបគ្នានាពេលកន្លងមកគ្រាន់តែជាការចៃដន្យ ធ្វើការងារឲ្យក្រុមហ៊ុនគេតម្រូវចប់ការងារទៅផ្ទះរៀងៗខ្លួន។
តាមរយៈសកម្មភាពរបស់នាយចឺម នាពេលនេះអាចចាត់ទុកថាជាគំរូល្អមួយនៅក្នុងសិល្បៈព្រោះមានតារាច្រើនណាស់ដែលពេលស្រលាញ់គ្នាបង្ហាញភាពផ្អែមល្ហែមអស់ពីពោះ តែពេលចែកផ្លូវគ្នាក៍ហែកហួរផ្អើលពេញផ្ទៃប្រទេសក៍មាន។ចំពោះនាយចឺម វិញក្រោយបែកពីសង្សារចាស់ទាំង៤នាយក៍មិនដែលទម្លាក់កំហុសទៅនាងៗដែរ ខណៈដែលស្រីស្អាតទាំងនោះក៍មិនធ្លាប់វាយប្រហារទៅលើលោកមេសា ដូចគ្នា។យ៉ាងណាគេចាំមើលថាក្រោយនាយចឺម ងាកមកចាប់ដៃសង្សារទី១៖នាងអៀ ម៉េងលិ ហៅអូនម៉ី និងសង្សារទី៣៖នាងហ្វា ហ្វា ហៅស្រីយី ជាថ្មីនោះតើអតីតសង្សារ២ដួងផ្សេងទៀតរបស់របស់លោកមេសា គឺសង្សារទី២៖នាងពុធ ស្រីខួច និងសង្សារទី៤៖នាងសេង សុខឃីម នោះនឹងអាចវិលមកចាប់ដៃជាមួយនាយចឺម ដូចអូនម៉ី និងស្រីយី បានដែរឬទេ?