ប្រធានាធិបតីឥណ្ឌូណេស៊ី លោក ចូកូ វីដូដូ បាននិយាយកាលពីថ្ងៃពុធថា ឥណ្ឌូណេស៊ី គ្រោងនឹងបញ្ជូនឧត្តមសេនីយកំពូលមួយរូបទៅកាន់ប្រទេសមីយ៉ាន់ម៉ាដើម្បីពិភាក្សាជាមួយមេដឹកនាំរបបយោធាក្នុងក្តីសង្ឃឹមថានឹងបង្ហាញអំពីរបៀបដែលប្រទេសឥណ្ឌូណេស៊ីបានធ្វើការផ្លាស់ប្តូរប្រកបដោយជោគជ័យពីរបប់យោធាទៅកាន់លទ្ធិប្រជាធិបតេយ្យ។នេះបើយោងតាមការចេញផ្សាយរបស់កាសែតថៃបាងកកប៉ុស្តិ៍កាលពីថ្ងៃពុធទី១ខែកុម្ភៈឆ្នាំ២០២៣។
ប្រធានាធិបតីវីដូដូបានប្រាប់រ៉យទ័រក្នុងបទសម្ភាសន៍មួយនៅក្នុងការិយាល័យរបស់លោកក្នុងទីក្រុងហ្សាកាតាថា នេះគឺជាបញ្ហានៃវិធីសាស្រ្ត។យើងមានបទពិសោធន៍នៅទីនេះនៅក្នុងប្រទេសឥណ្ឌូណេស៊ី ដែលមានស្ថានភាពដូចគ្នាទៅនឹងប្រទេសមីយ៉ាន់ម៉ា។
ឥណ្ឌូណេស៊ីដែលបច្ចុប្បន្នជាប្រទេសប្រជាធិបតេយ្យធំជាងគេទី ៣របស់ពិភពលោកត្រូវបានគ្រប់គ្រងដោយមេដឹកនាំយោធា លោកស៊ូហាតូ អស់រយៈពេលជាង ៣ ទសវត្សរ៍ មុនពេលលោកបានចុះចេញពីតំណែង ចំពេលមានការតវ៉ាដ៏ធំ និងវិបត្តិសេដ្ឋកិច្ចក្នុងឆ្នាំ១៩៩៨។បទពិសោធន៍នេះអាចត្រូវបានដោះស្រាយពីរបៀបដែលឥណ្ឌូណេស៊ីចាប់ផ្តើមលទ្ធិប្រជាធិបតេយ្យរបស់ខ្លួន។យោធាបានចូលកាន់កាប់ប្រទេសមីយ៉ាន់ម៉ាក្នុងឆ្នាំ ១៩៦២ហើយបានដាក់ប្រទេសឲ្យនេះនៅឯកោ។
លោកវីដូដូថ្លែងក្នុងខួបលើកទី ២ នៃរដ្ឋប្រហារឆ្នាំ ២០២១ របស់មីយ៉ាន់ម៉ា ដោយបានប្តេជ្ញាចិត្តចំពោះផែនការនេះ ។ លោកបន្ថែមថា អាស៊ាននឹង មិនក្លាយជាចំណាប់ខ្មាំង” ចំពោះជម្លោះមីយ៉ាន់ម៉ា ហើយប្រសិនបើគ្មានការរីកចំរើនទេ វានឹងចាត់វិធានការយ៉ាងម៉ឺងម៉ាត់តែលោកមិនបានបង្ហាញអោយដឹងលម្អិតពីវិធានការនោះទេ។
បាតុករប្រារព្ធខួបរដ្ឋប្រហារយោធាមីយ៉ាន់ម៉ា
ក្រុមអ្នកតវ៉ាបានប្រារព្ធខួបគម្រប់ពីរឆ្នាំនៃរដ្ឋប្រហារយោធាមីយ៉ាន់ម៉ាជាមួយនឹងការធ្វើកូដកម្មស្ងៀមស្ងាត់នៅក្នុងទីក្រុងធំៗនិងការប្រមូលផ្តុំគ្នានៅក្រៅប្រទេសកាលពីថ្ងៃពុធខណៈដែលមេដឹកនាំជនស៊ីវិលនិរទេសខ្លួនបានប្តេជ្ញាបញ្ចប់នូវអ្វីដែលពួកគេហៅថា ការដណ្តើមអំណាចខុសច្បាប់របស់កងទ័ព។
នៅក្នុងទីក្រុងពាណិជ្ជកម្មសំខាន់ៗនៃទីក្រុងយ៉ាំងហ្គោន និងម៉ាន់ដាដារូបភាពនៅលើប្រព័ន្ធផ្សព្វផ្សាយសង្គមបានបង្ហាញពីផ្លូវគ្មានមនុស្សនៅក្នុងអ្វីដែលក្រុមប្រឆាំងរដ្ឋប្រហារបាននិយាយថាជាការតវ៉ាដោយស្ងៀមស្ងាត់ប្រឆាំងនឹងរបបយោធា។
នៅក្នុងប្រទេសថៃបាតុកររាប់រយនាក់បានប្រមូលផ្តុំគ្នានៅខាងក្រៅស្ថានទូតមីយ៉ាន់ម៉ាក្នុងទីក្រុងបាងកកខណៈដែលសកម្មជនក៏បានធ្វើបាតុកម្មនៅក្នុងរដ្ឋធានីម៉ានីលរបស់ប្រទេសហ្វីលីពីនផងដែរ។ក្រុមអ្នកតវ៉ានៅទីក្រុងបាងកកបានស្រែកថា យើងជាប្រជាជន យើងមានអនាគត។ បដិវត្តន៍ត្រូវតែឈ្នះ”។
សហរដ្ឋអាមេរិក និងសម្ព័ន្ធមិត្តរួមទាំងចក្រភពអង់គ្លេស អូស្ត្រាលីនិងកាណាដាបានដាក់ទណ្ឌកម្មបន្ថែមលើប្រទេសមីយ៉ាន់ម៉ាកាលពីថ្ងៃអង្គារ ជាមួយនឹងការទប់ស្កាត់មន្ត្រីថាមពល និងសមាជិករបបយោធា ក្នុងចំណោមប្រទេសដទៃទៀត៕