ភ្នំពេញ៖ដូចការរំពឹងទុកមែនថាសុគន្ធ និសា នឹងត្រូវបានថៅកែហង្សមាសផ្ដល់តំណែងធំឲ្យថែមទៀតជាមិនខាន ពេលនេះនេះនាងបានក្លាយទៅជាអ្នកជំនួសលោកព្រាប សុវត្ថិ ក្នុងកម្មវិធីCambodian Idol Junior រដូវកាលទី២ ខណៈដែលសុខ ស្រីនាង ជំនួសដោយសុខ សីឡាលីន និងឆន សុវណ្ណារាជ ត្រូវបានលោកហ្សូណូ ចូលទៅរ៉ាប់រង ពោលគឺគណៈកម្មាការរដូវកាលទី១ត្រូវផ្លាស់ប្ដូរទាំង៣តែម្ដង។សម្រាប់និសា នេះគឺជាតំណែងទី២របស់នាងព្រោះមុននេះអ្នកនាងសុគន្ធា (និសា)ក៍ទើបតែវិលត្រឡប់មកអង្គុយកៅអីThe Voice Kids Cambodia រដូវកាលទី២ វិញផងដែរ បន្ទាប់ពីសួស វីសា បានរ៉ាប់រងអស់១រដូវកាល។ប៉ុន្ដែការធ្វើជាCoach ២រដូវកាលរបស់The Voice Kids Cambodia នោះនិសា នៅមិនទាន់អាចនាំកូនក្រុមលើកពានបាននៅឡើយ ហើយនាងធ្លាប់ប្រាប់ថាក្រៅពីការធ្វើជាCoach និងJudge កម្មវិធីខាងលើនេះនាងក៍អាចចេញមុខនៅកម្មវិធីផ្សេងៗទៀតទៅតាមអ្នកដឹកនាំកម្មវិធីតម្រូវផងដែរ។
តាមរយៈការចាប់បានតំណែងធំដល់ទៅ២របស់សុគន្ធ និសា នៅហង្សមាសពេលនេះបញ្ជាក់ថាតារារូបនេះលែងត្រូវបានថៅកែមើលរំលងទៀតហើយ ព្រោះនាងជាតារាចម្រៀងមានបទពិសោធន៍គ្រប់គ្រាន់ក្នុងការចែករំលែកបទពិសោធន៍ក្នុងអាជីពចម្រៀងរបស់ខ្លួនទៅឲ្យយុវវ័យជំនាន់ក្រោយតាមកម្មវិធីខាងលើ ហើយអ្វីដែលគូរឲ្យចាប់អារម្មណ៍នោះឱក សុគន្ធកញ្ញា ដែលជាប្អូនថ្លៃថៅកែហង្សមាសនិងមានស្វាមីជានាយកទូរទស្សន៍ហង្សមាស និងគ្រប់គ្រងកម្មវិធីខាងលើដែលមានន័យថានាងចង់ចេញមុខតាមកម្មវិធី១ណាក៍បាននោះពេលនេះកញ្ញា មិនត្រូវបានបងថ្លៃនិងស្វាមីនាងដាក់ទៅកម្មវិធីថ្មីថែមទៀតនោះទេ ដែលនេះអាចមកជាមូលហេតុដោយសារតែកុំឲ្យគេស៊ាំព្រោះតែនាងចេញមុខច្រើនពេកនោះតែម្ដង។ដោយឡែកមហាជនវិញមើលឃើញថាការផ្ដល់កៅអីធំនេះទៅឲ្យនិសា នាពេលនេះវាមិនមែនជារឿងចៃដន្យឡើយ ប៉ុន្ដែថៅកែហង្សមាសចង់ចងជើងនាងកុំឲ្យដើរចេញពីផលិតកម្មនេះជាលើកទី២ច្រើនជាង ព្រោះតែមុននេះ មានព័តមានថានិសា ត្រូវផលិតកម្មរាម ចង់បានធ្វើជាសមាជិករបស់ខ្លួន ហេតុនេះជៀសវាងបាត់បង់តារាសំខាន់របស់ខ្លួនថែមទៀត គេជឿរថានិសា នឹងបានតំណែងទី៣ក្នុងពេលឆាប់ៗខាងមុខនេះជាមិនខាន ពោលគឺមានតែដាក់ថែម មិនដកដូចមុននោះទេ។
ការចេញមុខរ៉ាប់រងកៅអីទី២របស់សុគន្ធ និសា នាពេលនេះធ្វើឲ្យនាងរីករាយ ព្រោះទោះគ្មានបទចម្រៀងល្បីៗក៍នាងអាចរក្សារលំនឹងក្នុងអាជីពចម្រៀងបានតទៅទៀតដែរ ពេលចេញមុខតាមកម្មវិធីធំៗខាងលើនេះ។ប៉ុន្ដែរឿង១ដែលនិសា ពិបាកសម្រេចគោលដៅនោះគឺគម្រោងយកកូននៅឆ្នាំ២០២៣ នេះអាចនឹងរាំងស្ទះសារជាថ្មីម្ដងទៀតជាមិនខាន ព្រោះនាងមិនត្រឹមតែដកឃ្លាពីសិល្បៈដើម្បីពពោះនោះទេ តែនាងកាន់តែបន្ថែមភាពមមាញឹក និងក្ដាប់ឱកាសរកលុយ ហេតុនេះបើនៅតែពន្យាពេលយកកូនតទៅទៀត និសា អាចនឹងជួបរឿងដូចមាស សុខសោភា ជាមិនខានពោលគឺមានស្វាមីជាង១៥ឆ្នាំ តែរកកូន១គ្រាប់គ្មាននោះគឺដោយសារតែជ្រើសរើសវិធីពន្យាកំណើតច្រើនឆ្នាំពេក ដល់ពេលចង់បានកូនពិបាកយក ខណៈដែលនិសា ក៍ធ្លាប់បរាជ័យផែនការណ៍យកកូន២លើកមកហើយគឺនៅឆ្នាំ២០២១ ព្រោះពេលនេះនាងកើតកូវីដ និងនៅឆ្នាំ២០២២ ក៍នាងប្រកាសយកកូនម្ដងទៀតនៅតែអត់ដដែល ឥឡូវសង្ឃឹមបានកូនង៉ាបីប្រលែងលេងនៅឆ្នាំ២០២៣ ក៍អាចនៅតែអត់បានដូចចិត្តទៀត ទោះជាមុននេះនាងចេញចូលមន្ទីសម្ភពជាច្រើនដងដែលធ្វើឲ្យគេសង្ស័យថានាងកំពុងចាញ់កូនក្ដី តែលទ្ធផលនាងថាអត់អាលីង…។
សូមបញ្ជាក់ថាសុគន្ធ និសា ធ្លាប់ត្រូវបានស្វាមីនាងលោកចៅ សម្បត្ដិ អាណិកជនខ្មែរមកពីរដ្ឋBoston សហរដ្ឋអាមេរិក ចង់ឲ្យនាងផ្ដាច់ខ្លួនពីសិល្បៈឲ្យដាច់ទាំងស្រុងតាំងពីមុនពួកគេចូលរោងការនៅថ្ងៃទី១ខែធ្នូឆ្នាំ២០១៧ ម្លេះ តែនិសា បានប្រាប់ពីហេតុផលទៅប្ដីថានាងតស៊ូក្នុងអាជីព១នេះជាង១០ឆ្នាំ មិនអាចចោលកណ្ដាលទីបានទើបប្ដីនាងអនុញ្ញាត្តិឲ្យនាងបន្ដលេងសិល្បៈពេញទំហ៊ឹងតាមចិត្តចង់។តែក្រៅពីពង្រឹងទីផ្សារចម្រៀងនិងតំណែងCoach ,Judge នោះនិសា បានផ្អាកពីការសម្ដែងភាពយន្ដដោយគ្មានដែនកំណត់ ព្រោះនាងថាមានការហត់នឿយខ្លាំងពេក។
Fan របស់និសា រងចាំមើលថាតើអ្នកនាងប៊ុន សុគន្ធា អាចយកកូនបានដូចបំណងដែរឬទេនៅឆ្នាំ២០២៣?