ភ្នំពេញ៖ស្រីស្រស់រ៉េត ស៊ូហ្សាណា បានរក្សារជំហស្ងប់ស្ងាត់ គ្មានប្រតិកម្មតតប ឬបញ្ចេញសកម្មភាពណាមួយឡើយ បន្ទាប់ពីមុននេះអ្នកស្រីឡុង ស្រីមុំ ដែលជាភរិយាលោកឧកញ៉ាព្រាប សុវត្ថិ បានចេញមកបញ្ជាក់ច្បាស់ៗថាកូនកំលោះទី២របស់លោកស្រីគឺសុវត្ថិ មុនីនាគ គ្មានទំទាក់ទំនងស្នេហាជាមួយស៊ូហ្សាណា ឡើយ។ការចេញមុខបំភ្លឺជំនួសកូនប្រុសរបស់ខ្លួនពីសំណាក់លោកជំទាវឡុង ស្រីមុំ នាពេលនេះក្រោយពីមានសារព័តមានជាច្រើនបានផ្សព្វផ្សាយថាទំនាក់ទំនងរបស់ស៊ូហ្សាណា និងមុនីនាគ ហាក់មានភាពស្និតស្នាលគ្នាលើសពីមិត្តរួមអាជីពហើយនៅក្រៅឆាកស្រីស្រស់ប្រុសសង្ហារ១គូនេះច្រើនតែដើរកម្សាន្ដជាមួយគ្នាជាញឹកញាប់ទៀតផងទើបFan តារាទាំងសងខាងចង់ឲ្យពួកគេក្លាយទៅជាគូសង្សារគ្នាហើយសូមឲ្យពួកគេចេញមុខលាតត្រដាងរឿងស្នេហានេះជាចំហតែម្ដងទៅកុំលាក់លៀមទៀតអី។
ដោយសារតែទាំងក្នុងនិងក្រៅសិល្បៈចាត់ទុកថាស៊ូហ្សាណា -មុនីនាគ គឺជាគូសង្សារគ្នាបែបនេះហើយទើបម្ដាយរបស់តារាចម្រៀងវ័យក្មេងរូបនេះចេញមកអះអះអាងថាកូនប្រុសលោកស្រីគ្មានអ្វីពិសេសជាមួយស៊ូហ្សាណា ទេ ហើយភរិយាលោកឧកញ៉ាសុវត្ថិ រូបនេះថាការលេចឭបែបនេះនឹងធ្វើឲ្យនារីផ្សេងៗអត់ហ៊ានស្រលាញ់កូនកំលោះរបស់លោកស្រី ហេតុនេះហើយទើបគាត់ត្រូវតែចេញមុខនិយាយរឿងនេះដើម្បីកុំឲ្យមានការយល់ច្រឡំតទៅទៀត។
ក្រោយលោកស្រីឡុង ស្រីមុំ ចេញមកបញ្ជាក់បែបនេះគេមិនទាន់ឃើញរ៉េត ស៊ូហ្សាណា ឆ្លើយតបទៅវិញឡើយ ពោលគឺនាងជ្រើសរើសវិធីរក្សារភាពស្ងៀមទ្រឹង និងមិនមានសញ្ញាណាមួយដែលបង្ហាញថានាងជួបវិបត្តិស្នេហាឡើយ។គេជឿរថាបន្ទាប់ពីលោកជំទាវស្រីមុំ លើកឡើងចំៗបែបនេះច្បាស់ជាមន្ដស្នេហ៍របស់នាងហ្សាណា កើនទ្វេដងជាមិនខាន ព្រោះថាបុរសខ្លះលួចស្នេហានាងមិនហ៊ានចេញមុខព្រោះខ្លាចជាន់តារ៉ូកូនលោកឧកញ៉ានោះពេលនេះពួកគេអាចចាប់ផ្ដើមសុំស្នេហ៍ស្រីស្អាតបានហើយ។ប៉ុន្ដែសម្រាប់ទស្សនិកជនរងចាំមើលថាក្រោយពីមានការអះអាងពីភាគីម្ដាយខាងប្រុសបែបនេះស៊ូហ្សាណា និងមុនីនាគ នៅតែស្និតស្នាលគ្នាដូចមុនទាំងក្នុងនិងក្រៅឆាកទៀតឬអត់?
គូរបញ្ជាក់ថារ៉េត ស៊ូហ្សាណា និងសុវត្ថិ មុនីនាគ បង្ហាញភាពស្និតស្នាលគ្នាខ្លាំងក្រោយពីពួកគេចាប់ដៃគ្នាច្រៀងឆ្លងឆ្លើយបទ”សុំខុសមួយយប់” កាលពី២ឆ្នាំមុន ហើយបន្ទាប់មកស្រាប់តែពួកគេបញ្ចេញកាយវិការហាក់យល់ចិត្តគ្នានៅក្រៅឆាក ហើយឪពុកម្ដាយហ្សាណា ដែលធ្លាប់តែតឹងរឹងនិងមិនអនុញ្ញាត្តិឲ្យកូនក្រមុំគាត់ជិតដិតជាមួយបុរសណាឬទោះជាមិត្តរួមអាជីពនិយាយជាមួយហ្សាណា ក៍ពួកគាត់ឈក្បែចាំស្ដាប់នោះ តែម្ដងនេះប៉ាម៉ាក់ហ្សាណា មិនបានតាមដានឬជំទាស់ពីទំនាក់ទំនងរបស់កូនស្រីនិងកូនប្រុសលោកឧកញ៉ាឡើយ។ចំណុចនេះទើបគេសង្ស័យថាហ្សាណា ទទួលបានការគាំទ្រពីក្រុមគ្រួសាររបស់នាងពីទំនាក់ទំនងរបស់នាងនិងមុនីនាគ ប៉ុន្ដែអ្វីៗបានក្រឡាប់ចាក់អស់ទៅវិញបន្ទាប់ពីលោកជំទាវឡុង ស្រីមុំ ចេញមកបញ្ជាក់ថាមុនីនាគ គ្មានស្នេហាជាមួយហ្សាណា ។
រ៉េត ស៊ូហ្សាណា បានប្រឡូកសិល្បៈរយៈពេលជាង៧ឆ្នាំមកហើយតែនាងមិនដែលមានរឿងអាស្រូវស្នេហានោះទេ បើទោះជានាងមានរូបសម្រស់គូរឲ្យទាក់ទាញនិងជាមុខសញ្ញានៃការតាមប្រម៉ាញ់ស្នេហាពីបុរសអ្នកមានទ្រព្យជាច្រើននាក់ក្ដី។កាលពីពាក់កណ្ដាលឆ្នាំ២០២០ ស្រីស្អាតវ័យ២៣ឆ្នាំរូបនេះក៍ធ្លាប់បង្ហាញសញ្ញាមានសង្សារដែរ តាមរយៈការកាន់ដៃប្រុសម្នាក់បាំងមុខ តែនាងមិនដែលបង្ហាញមុខបុរសណាជាចំហស្អិតល្មូតជាមួយនាងក្រៅពីកូនលោកឧកញ៉ាព្រាប សុវត្ថិ ឡើយ។ប្រភពបានឲ្យដឹងថាគិតត្រឹមឆ្នាំ២០២៣ នេះហ្សាណា មានទ្រព្យផ្ទាល់ខ្លួនមិនក្រោមកន្លះលានដុល្លារនោះទេ ក្នុងនោះមានដូចជានាងបានទិញផ្ទះ២ល្វែងតម្លៃប្រហែលជាង២០ម៉ឺនដុល្លារ,រថយន្ដម៉ាកJeep Rubicon តម្លៃ៨៧០០០ដុល្លារ និងការបើកហាងលក់សម្លៀកបំពាក់ជាដើម។
Fan ចាំមើលថាក្រោយលោកជំទាវឡុង ស្រីមុំ អះអាងថាសុវត្ថិ មុនីនាគ មិនមែនជាសង្សាររបស់ស៊ូហ្សាណា បែបនេះ ស្រីស្រស់ធ្មេញចំពើសរូបនេះនឹងហ៊ានបង្ហាញមុខគូស្នេហ៍ពិតដែរឬទេ?