ភ្នំពេញ៖ពេជ្រ សោភា បានប្រាប់អ្នកយកព័តមានយើងច្បាស់ៗថាមង្គលការរបស់នាងជាមួយប្រុសក្មេងឆឹម សក្កដា នឹងប្រព្រឹត្តិទៅនៅឆ្នាំ២០២៣ នេះហើយ តែដើម្បីឲ្យFan របស់នាងSurprise នាងថាពិធីនោះមិនអាចប្រាប់មុនធ្វើនៅថ្ងៃខែណា ឲ្យប្រាកដនោះទេ ពោលគឺចាំដល់ថ្ងៃបញ្ចេញតែម្ដង។ប៉ុន្ដែអំឡុងពេលដែលសោភា កំពុងតែប្រឹងបន្ទំស្បែកឲ្យសខ្ចី ដើម្បីធ្វើជាកូនក្រមុំរបស់លោកសក្កដា នោះស្រាប់តែថ្មីៗនេះ លោកសក្កដា បែជាប្រាប់អ្នកយកព័តមានយើងថាង្គលការរបស់លោកនិងសោភា មិនអាចមាននៅក្នុងឆ្នាំ២០២៣ នេះទៅវិញ។
ការថ្លែងរបស់អនាគតស្វាមីរបស់ពេជ្រ សោភា បែបនេះធ្វើឲ្យFan របស់តារា១គូនេះទាំងខាងថាពួកគេហាក់មិនទាន់ចុះសម្រុងគ្នាចិត្ត១ ថ្លើម១ នោះទេបានជាម្នាក់ថាចង់ម្នាក់ទៀតថាអត់ចង់រៀបការនៅឆ្នាំ២០២៣។អ្វីដែលគូរឲ្យកត់សម្គាល់ថែមទៀតក្រោយពីមានការអះអាងរបស់លោកសក្កដា បែបនេះស្រាប់តែសោភា ចេញសារថាកាន់តែខិតដល់ថ្ងៃពិសេសរបស់នាងទៅវិញ ទើបធ្វើឲ្យFan យល់ថាសោភា-សក្កដា គឺពិតជាខ្វែងគំនិតគ្នាជុំវិញបញ្ហាមង្គលការនេះពិតប្រាកដមែន ហើយបើនៅតែបែបនេះទៀតច្បាស់ជាមិនអាចក្រាបផ្ទឹមរួចនោះទេ ។
ចំណុចផ្សេងមួយទៀតដែលសោភា និងគូដណ្ដឹងមិនចុះសម្រុងគ្នាដែរនោះព្រោះតាមព័តមានថាសោភា ចង់រៀបការធំដុំដូចតារារួមអាជីពផ្សេងៗទៀតដែរ តែលោកសក្កដា បែជាអះអាងថ្មីៗនេះថាពិធីជប់លៀងអាពាហ៍ ពិពាហ៍ របស់លោកនាឆ្នាំខាងមុខនេះគឺបើធ្វើនឹងរៀបចំយ៉ាងច្រើនត្រឹមតែ១០តុ ប៉ុណ្ណោះទៅវិញដែលការថ្លែងបែនេះធ្វើឲ្យសោភា នឹងក្រិនយោបល់ជាមិនខាន ព្រោះនៅថ្ងៃមង្គលការក្មួយប្រុសរបស់នាងកាលពីដើមខែវិច្ឆិកា ឆ្នាំ២០២២ នោះនាងថាអត់ហ៊ានហៅតារារួមអាជីពច្រើនទេ ព្រោះរងចាំដល់ពិធីរបស់នាងគឺពេលនេះនឹងរះឬសរុបហៅទាំងអស់យកតែម្ដង។តែឥឡូវលោកសក្កដា មិនយល់ដូចសោភា គិតនោះទេ ព្រោះលោកចង់ធ្វើបែបសាមញ្ញៗ ហើយបើលោកនៅតែមិនសម្របខ្លួនតាមអនាគតប្រពន្ធទេ ប្រាកដជាពិបាកក្នុងការគ្រងឈុតកូនកំលោះក្រមុំឲ្យចេញជារូបរាងជាមិនខាន ក្រោយពួកគេបានក្លាយទៅជាគូណ្ដឹងគ្នាជាង៣ខែមកនេះ។
ពេជ្រ សោភា បានបញ្ចប់ជីវិតជាស្រ្ដីមេម៉ាយអស់រយៈពេលជិត៦ឆ្នាំតាមរយៈការព្រមប្រគល់បេះដូងទៅឲ្យលោកឆឹម សក្កដា ព្យាបាលរបួសដោយពួកគេដឹកដៃគ្នាភ្ជាប់ពាក្យតាមប្រពៃណីខ្មែរកាលពីថ្ងៃទី១១ខែ១១ ឆ្នាំ២០២២ ដើម្បីលុបមន្ទិលសង្ស័យថាពួកគេសាងស្នេហា”ក្លែងក្លាយ” និងមាត់ចាបព្រាប ថាលោកសក្កដា អត់អារម្មណ៍ជាមួយស្រ្ដីភេទ។ប៉ុន្ដែសោភា បានប្រាប់អ្នកយកព័តមានយើងថាទោះជានាងនិងលោកសក្កដា ក្លាយទៅជាគូណ្ដឹងគ្នាក៍ដោយ តែមិនមែនរួមរស់នៅក្រោមដំបូលផ្ទះតែមួយនោះទេ ពោលគឺគេងនៅផ្ទះរៀងៗខ្លួន។
នាងថា”អត់អាច ឆ្វេចឆ្វាច”បានទេរឿង១នេះ។ដោយឡែកសម្រាប់លោកសក្កដា វិញចាំតែសម្របខ្លួនតាមសោភា គ្រប់ពេល និងថែមទាំងចេះថ្នមនាងហួសការរំពឹងទុករបស់សោភា ទៀតផងដូចជានៅយប់ខ្លះពេលនាងចេញពីការច្រៀងសម្ដែងConcerts ពីខេត្តមកដល់ភ្នំពេញវិញយប់អាទ្រាធ លោកសក្កដា បានចំហុយសំបុកត្រចៀកកាំឲ្យនាងញាំប៉ូវកំលាំងទាំងពេលរាត្រីតែម្ដង។សកម្មភាពបែបនេះធ្វើឲ្យមានការលើកឡើងថាសោភា មានសំណាងព្រោះបានប្ដីក្មេងរូបសង្ហារហើយពូកែថ្នមទៀតផង។គូដណ្ដឹងបែបនេះ មិនមែនចេះតែមានទេ ទៅរកឯណាបានទៅ?
ទស្សនិកជនខ្លះដែលគាំទ្រពេជ្រ សោភា បានសម្ដែងការបារម្ភថាបើនាងនិងប្រុសក្មេងពន្យាពេលរៀបការច្រើនឆ្នាំនោះខ្លាចតែចំណងស្នេហាគូស្នេហ៍តារា១គូនេះប្រឈមហានិភ័យ ព្រោះថាទាំងសងខាងមានមន្ដស្នេហ៍មិនធម្មតាដូចគ្នា ហើយសោភា មានជម្រើសស្នេហ៍ច្រើន ហេតុនេះបើសិនជានាងប្ដូរចិត្តលែងចង់រៀបការជាមួយលោកសក្កដា តែបែជាចង់ធ្វើ”ជំទាវ”ម្ដងនោះច្បាស់ជាលោកសក្កដា ដែលនៅសូញសាញរឿងរៀបការនោះដាច់ផ្ញាតូងជាមិនខាន៕