ភ្នំពេញ៖ទឹម រដ្ឋា ជិតក្លាយទៅជាម្ដាយគេហើយក្រោយនាងបង្ហាញក្បាលពោះស៊ិចស៊ីដោយពោះធំកូនដំបូងបានដូចក្ដីប្រាថ្នា ធ្វើឲ្យស្វាមីនាងបុរសអាមេរិកកាត់អេស្បាញលោកJovany Antonio មានក្ដីរំភើបក្រៃលែង។ទោះជាយ៉ាងណារដ្ឋា មិនទាន់ប្រាប់ពីភេទកូនរបស់នាងនោះទេ ខណៈដែលតារាជិតស្និតនាងដូចជាអ្នកនាងសារ៉ាយ សក្ខណា ,យ៉ាន លីនដា និងលោកប៉ែន ចំរ៉ុង ជាដើមបានផ្ញើរសារសាទរដល់នាងជាបន្ដបន្ទាប់ហើយពួកគេខ្លះជូនពរឲ្យនាងទទួលបានកូនស្រី។ការសម្រេចចិត្តយកកូនដំបូងរបស់រដ្ឋា នាពេលនេះក្រោយពីនាងនិងស្វាមីដែលជាអ្នកជំនួញបានរៀបអាពាហ៍ ពិពាហ៍គម្រប់១ឆ្នាំមកហើយ តែគិតត្រឹមឆ្នាំ២០២៣ នេះរដ្ឋា និងប្ដីស្រលាញ់គ្នាអស់រយៈពេល៧ឆ្នាំ ពោលគឺពួកគេបានស្វែងយល់ចិត្តគ្នាតាំងពីឆ្នាំ២០១៦ ម្លេះ។ទឹម រដ្ឋា ថារូបនាងនិងស្វាមីមានមោទនភាពខ្លាំងណាស់ដែលជិតក្លាយទៅជាប៉ា ម៉ាក់របស់គេនាពេលនេះ ហើយពិតណាស់ថាទាំងនាងនិងលោកJovany Antonio គឺពិតជាអន្ទះសារ ព្រោះចង់ឃើញកូនដំបូងរបស់ពួកគេកើតមកឃើញពិភពលោកដ៍ស្រស់ស្អាតមួយនេះ។
តាមរយៈការពពោះកូនទី១នេះដែរទឹម រដ្ឋា បង្ហាញឲ្យគ្រប់គ្នាឃើញថានាងត្រូវស្វាមីថ្នាក់ថ្នមខ្លាំងដែលបញ្ជាក់ថាសុភមង្គលគ្រួសារនាងរឹតតែមានភាពកក់ក្ដៅថែមទៀត។រដ្ឋា ក៍បានដកឃ្លាពីការងារសិល្បៈទាំងស្រុងផងដែរដើម្បីថែរក្សារគ័តនឹងត្រៀមសម្រាលកូនក្នុងពេលដ៍ខ្លីខាងមុខនេះហើយ។
គូររំលឹកថាទឹម រដ្ឋា បានរៀបការជាមួយលោក Jovany Antonio កាលពីថ្ងៃទី២៦ ខែមីនា ឆ្នាំ២០២២ ហើយក្រោយមានស្វាមីនោះនាងថាបានងាកទៅរកស៊ីផ្នែកអចលនទ្រព្យជាមួយប្ដីច្រើនជាងមុន តែមិនបោះបង់អាជីពចាស់ជាអ្នកសម្ដែងភាពយន្ដឡើយ ព្រោះប្ដីនាងបានបើកសិទ្ធិឲ្យនាងលេងសិល្បៈតាមចិត្តចង់។ប៉ុន្ដែគេកត់សម្គាល់ថារដ្ឋា បានកាត់បន្ថយការងារសិល្បៈស្ទើតែទាំងស្រុងតាំងពីក្រោយការប្ដីម្លេះ ហើយការពពោះនឹងត្រៀមសម្រាលកូនដំបូងក្នុងពេលដ៍ខ្លីនេះ ធ្វើឲ្យនាងកាន់តែរយាលៗពីអាជីពចាស់ និងមិនកំណត់ថាពេលណាទើបអាចវិលមកថតសម្ដែងឡើងវិញឡើយ។
សូមបញ្ជាក់ថាទឹម រដ្ឋា បានផាត់ចោលសំណើរស្នេហ៍បុរសក្នុងស្រុកដោយសុខចិត្តជ្រើសស្នេហ៍”ជួញាឆ្ងាយ ប្រសើរជាងជួញជិត” ហើយនាងថាផែនការណ៍សម្រាប់ថ្ងៃអនាគតគឺនាងអាចចេញចូលទៅអាមេរិកជាទឹកដីខាងប្ដីនិងចុះមកខ្មែរជាស្រុកកំណើតនាងដោយចុះឡើងៗទៅតាមពេលវេលាមិនកំណត់ថាត្រូវរស់នៅខាងណាជាអចិនត្រេយ៍ឡើយ។តារាខ្ពស់ស្រឡះរូបនេះស្ថិតក្នុងចំណោមតារាដែលយកស្វាមីជាជនជាតិបរទេសក្នុងនោះមានដូចជាអ្នកនាងផូ មុនីពៅ ,ហ៊ាប រ៉ាឌី,ខៀវ សានសាណា ,អឿន ដាលីស និងសូ អេណា ជាដើម៕
