កាលពីថ្ងៃសុក្រទី១០មីនាឆ្នាំ២០២៣អតីតនាយករដ្ឋមន្ត្រីម៉ាឡេស៊ី លោក Muhyiddin Yassin ត្រូវបានតុលាការចោទប្រកាន់ពីបទរំលោភអំណាច និងលាងលុយកខ្វក់។ការចោទប្រកាន់នេះបានធ្វើឡើងមួយថ្ងៃបន្ទាប់ពីអាជ្ញាធរបានសាកសួរនិងចាប់ខ្លួនគាត់ពីបទប្រើប្រាស់ថវិកាខុសពីគំនិតផ្តួចផ្តើមជំរុញ កូវីដ-១៩។នេះបើយោងតាមករចេញផ្សាយរបស់សារព័ត៌មានCNA ។
លោកត្រូវបានចោទប្រកាន់ពីបទទទួលបាន លុយចំនួន៥១,៤ លានដុល្លារពីគណបក្សនយោបាយរបស់លោកគឺ Parti Pribumi Bersatu Malaysia (Bersatu) ។ជាមួយគ្នានេះដែរលោកក៏ត្រូវបានចោទប្រកាន់ពីបទលាងលុយកខ្វក់ចំនួនពីរដែលមានទំហំទឹកប្រាក់ចំនួន ១៩៥ លានរីងហ្គីតស្មើនឹងជាង៤៣លានដុល្លារ។បុរសវ័យ ៧៦ ឆ្នាំរូបនេះបានសារភាពថាមិនមានកំហុស។
លោកMuhyiddin ដែលជាប្រធាន Bersatu និងជាប្រធានសម្ព័ន្ធ Perikatan Nasional (PN) ត្រូវបានឃុំខ្លួនដោយគណៈកម្មាធិការប្រឆាំងអំពើពុករលួយម៉ាឡេស៊ី(MACC)កាលពីថ្ងៃព្រហស្បតិ៍បន្ទាប់ពីគាត់ត្រូវបានកោះហៅឱ្យផ្តល់សេចក្តីថ្លែងការណ៍របស់គាត់ទាក់ទងនឹងកម្មវិធី Jana Wibawa ។
កម្មវិធីនេះត្រូវបានណែនាំនៅក្នុងខែវិច្ឆិកា ឆ្នាំ ២០២០ នៅពេលដែលលោកMuhyiddin ជានាយករដ្ឋមន្ត្រី និងជាអ្នកគ្រប់គ្រងកញ្ចប់ថវិកាជំរុញកូវីដ-១៩ដែលលោកបានយកទៅជួយអ្នកម៉ៅការ Bumiputera ៕