ភ្នំពេញ៖ជាច្រើនឆ្នាំមកហើយដែលស្រីស្អាតស៊ីន យូប៊ីន និងប្រុសរូបសង្ហារខាត់ វ៉ៃហាំង បានបង្ហាញពីភាពស្និតស្នេហ៍ទាំងក្នុងនិងក្រៅឆាក ខណៈដែលអ្នកខ្លះជឿរថាចំណងស្នេហា១នេះគឺជាការពិត ប៉ុន្ដែខ្លះទៀតគិតថាពួកគេសម្ដែងដើម្បីឲ្យទទួលបានការចាប់អារម្មណ៍ប៉ុណ្ណោះ។ដោយឡែកសាមីខ្លួនទាំងពីរមិនដែលនិយាយច្បាស់លាស់ឡើយ នៅពេលដែលសួរឿងនេះហើយម្នាក់ៗហាក់ដូចជាមានចិត្តគំនិតស្របគ្នាតែម្ដងពោលគឺចង់ឲ្យអ្នកសារព័តមានតាមដានសកម្មភាពពួកគេតទៅទៀត ជាជាងការផ្ដល់ចម្លើយ។ចំណែកថ្មីៗនេះនៅក្នុងកម្មវិធីប្រគល់ពានរបស់ក្រុមហ៊ុនទូរស័ព្ទមួយយូប៊ីន ក៍បណ្ដើរវ៉ៃហាំង កៀកកើយគ្នាកាន់តែស្អិតល្មូតលើសមុនៗទៅទៀត ដែលសកម្មភាពបែបនេះក្រៅពីគូសង្សារគេកម្រឃើញអ្នករាប់អានគ្នាធម្មតាធ្វើបែបនេះណាស់ ស្របពេលដែលតារារួមអាជីពសរសើរថាពួកគេគឺពិតជាសាកសមគ្នាខ្លាំង។
ប៉ុន្ដែគ្មានដំណឹងថាយូប៊ីន-វ៉ៃហាំង ភ្ជាប់ពាក្យឬត្រៀមរៀបការជាមួយគ្នាដូចគូស្នេហ៍តារាដ៍ទៃទៀតឡើយ បើទោះជាពួកគេពិសោធន៍ចិត្តគំនិតលើគ្នាអស់ជាច្រើនឆ្នាំមកហើយក្ដី។ការដែលស្រីស្រស់យូប៊ីន ហាក់នៅរារែកចិត្តពីការលាតត្រដាងរឿងស្នេហាជាមួយវ៉ៃហាំង ដូចប៉ាច គីមមួយ-សយ រតនៈ , ពេជ្រ សោភា-ឆឹម សក្កដា បែបនេះដោយសារតែគេជឿរថានាងមានជម្រើសស្នេហ៍ច្រើន ប៉ុន្ដែបើសិនជានាងជ្រើសលោកវ៉ៃហាំង ជាគូម្ចាស់ចិត្តនោះគឺប្រាកដជាអាចរក្សារចំណងស្នេហ៍មួយនេះឲ្យបានគង់វង្សយូអង្វែងជាជាងយកប្ដីនៅក្រៅសិល្បៈជាមិនខាន ព្រោះថាស្វែងយល់ចិត្តគ្នាដល់ទៅជិត១០ឆ្នាំ គ្រប់គ្រាន់សម្រាប់អ្នកទាំងពីរ។
ស៊ីន យូប៊ីន ជាអតីតFreshie លេខ១ ឆ្នាំ២០១៣ ដែលនាងលេចធ្លោក្នុងអាជីពសម្ដែងហើយភាពយន្ដរបស់នាងភាគច្រើនគឺចាប់ដៃគូជាមួយលោកវ៉ៃហាំង តែម្ដង ខណៈដែលព័តមានខ្លះថាតារា១គូនេះមិនព្រមថតបែកគ្នា ឬមិនចង់លេងបែកដៃគូឡើយ។ប៉ុន្ដែកន្លងមកយូប៊ីន ថានាងចាប់ដៃជាមួយតារាប្រុសរូបណាក៍បានដែរ តែអ្នកដឹកនាំរឿងមើលឃើញថានាងនិងលោកវ៉ៃ ហាំង លេងសាកសម និងយល់ចិត្តគ្នាទើបតម្រូវឲ្យនាងនិងលោកចេះតែចាប់ដៃគ្នាថតបានជាច្រើនរឿងមកហើយ។
ក្រៅពីមានរូមសម្រស់ដ៍ស្រស់ស្អាតគូរឲ្យទាក់ទាញនោះស៊ីន យូប៊ីន ក៍ជាពិធីការិនីអាចនិយាយភាសារបាន៤ផ្សេងគ្នាផងដែរគឺខ្មែរ,អង់គ្លេស ,ថៃ និងឡាវ ហើយនាងថាសម្រាប់ភាសារបរទេសទាំងនោះភាគច្រើនគឺនាងរៀនគ្មានគ្រូនោះទេ ពោលគឺទិញសៀវភៅមកអាន និងអនុវត្តន៍ផ្ទាល់តែម្ដង។ពិធីការិនីនិងតារាសម្ដែងដែលចូលចិត្តតុបតែងខ្លួនប្លែកៗមិនចាញ់តារានៅប្រទេសជិតខាងរូបនេះធ្លាប់មានព័តមានថាមានកូនអ្នកឧកញ៉ាម្នាក់ ដែលបុរសនោះក៍មានងារជាឧកញ៉ាដែរបានតាមស្នេហានាងជាច្រើនឆ្នាំមកហើយ ហើយប្រុសនោះមិនក្វល់យូប៊ីន មានវ៉ៃហាំង តាមការពារគ្រប់ជំហ៊ានឡើយ។ប៉ុន្ដែតាមព័តមានថាយូប៊ីន (ស្រីដែន)មិនចាប់អារម្មណ៍លើកូនមហាសេដ្ឋីរកស៊ីផ្នែកសណ្ឋាគារ និងលក់ប្រេងសាំងនោះទេ ព្រោះតែនាងបានដឹងច្បាស់ថាប្រុសនោះមានប្រពន្ធកូនមកហើយ និងធ្លាប់ពាក់ព័ន្ធស្នេហ៍ជាមួយតារាស្រីមួយចំនួន មុនពេលតាមប្រម៉ាញ់បេះដូងនាងនេះទៀតផង។
ក្រៅពីស៊ីន យូប៊ីន តារាដែលកំពុងតែមើលចិត្តតារាដូចគ្នាតែមិនទាន់សារភាពស្នេហ៍មានដូចជានាងឈិន មុនីនាថ -នាយព្រែក និងណាសាឌី -Summer ជាដើម។
មហាជនរងចាំមើលថាស្រីស្អាតស៊ីន យូប៊ីន នឹងយកប្ដីជាតារាដូចគ្នាមែន ឬមួយក៍នាងពិចារណា តំណែងជំទាវ ទើបពន្យាពេលអូសដៃប្រុសស្អាតចូលរោងការជាច្រើនឆ្នាំបែបនេះ?
