ភ្នំពេញ៖តារាចម្រៀងធ្មេញចំពើសនាងរ៉េត ស៊ូហ្សាណា បានឃ្លាតចេញពីកូនលោកឧកញ៉ាព្រាប សុវត្ថិ តាំងពីដើមឆ្នាំ២០២៣ នេះមកម្លេះ ពោលគឺរយៈពេលជិត៤ខែមកហើយដែលស្រីស្រស់និងកំលោះរូបសង្ហារសុវត្ថិ មុនីនាគ លែងបង្ហាញមុខរួមគ្នាបែបស្និតស្នេហ៍ទៀតហើយតារាវ័យ២៣ឆ្នាំរូបនេះច្រើនតែបង្ហាញខ្លួនតែម្នាក់ឯងគ្មានបុរសណាតាមនែបនិត្យកាយ៉ានោះទេ ខណៈដែលឪពុកម្ដាយនាងនៅបន្ដតាមការពារនាងគ្រប់វិនាទីដូចមុន ពោលគឺមិនអាចធ្វែសប្រហែសជាដាច់ខាត។ភាពប្រែប្រួលពីទំនាក់ទំនងរបស់ស៊ូហ្សាណា និងមុនីនាគ កើតមានក្រោយពីលោកជំទាវឡុង ស្រីមុំ ភរិយាលោកឧកញ៉ាព្រាប សុវត្ថិ បានប្រកាសថាកូនកំលោះគាត់គ្មានទំនាក់ទំនងស្នេហាស៊ីជម្រៅជាមួយហ្សាណា ដូចពាក្យចចាមអារ៉ាមនោះទេ ហើយលោកស្រីបញ្ជាក់ថាការដែលគាត់ចេញមុខមកនិយាយរឿងនេះព្រោះបារម្ភខ្លាចនារីផ្សេងៗលែងហ៊ានស្រលាញ់កូនកំលោះរបស់គាត់។ក្រោយមានការថ្លែងរបស់ប្រពន្ធលោកព្រាប សុវត្ថិ បែបនេះនាងស៊ូហ្សាណា គ្មានប្រតិកម្មតបឬចេញសញ្ញាណាមួយបែបខូចចិត្តនោះទេ ប៉ុន្ដែនាងនិងកូនលោកសុវត្ថិ លែងដើរចូលគ្នាឬថតវីដេអូចេញតាមTik Tok រួមគ្នាដូចមុនទៀតហើយ។ប្រភពបានឲ្យដឹងថាស៊ូហ្សាណា ក៍គ្មានគម្រោងចាប់ដៃមុនីនាគ ជាថ្មីដែរ ព្រោះថាកូនទី២លោកសុវត្ថិ រូបនេះក៍បានផុតកុងត្រាជាមួយផលិតកម្មចាស់ហើយអាចបង្ហាញខ្លួនជាមួយទ្រនុំថ្មីជាមួយឪពុកនិងបងប្រុសរបស់គេផងដែរ។
គូរកត់សម្គាល់ថារ៉េត ស៊ូហ្សាណា មានភាពមមាញឹកក្នុងអាជីពសិល្បៈច្រើនទាំងការចេញច្រៀងសម្ដែងតាមឆាកតន្រ្ដី និងស្ពតពាណិជ្ជកម្មធំៗហើយនៅឆ្នាំ២០២៣ នេះស្រីស្អាតនៅតែដណ្ដើមបានទីផ្សារចម្រៀងផ្នែកយុវវ័យលេចធ្លោជាងគេនៅហង្សមាសទោះជាទឹកដមសម្លេងរបស់នាងត្រូវបានអ្នកជំនាញសិល្បៈថាការច្រៀងបទជាភាសារខ្មែរនៅមានកម្រិតហើយត្រូវការពេលវេលាបន្ថែមទៀតក្ដី។ចំពោះការបញ្ចប់មន្ទិលស្នេហ៍រវាងនាងស៊ូហ្សាណា និងកូនឧកញ៉ាព្រាប សុវត្ថិ នៅឆ្នាំ២០២៣ នេះធ្វើឲ្យបុរសកាន់តែច្រើនដាក់មុខសញ្ញានៃការប្រម៉ាញ់បេះដូងនាងក្រមុំមានសម្រស់ត្រេមុខស្រដៀងកូនកាត់ជប៉ុននេះឡើងវិញ តែនាងហ្សាណា នៅតែមិនទាន់ហ៊ានបង្ហាញមុខបុរសដែលនាងទុកចិត្តថ្មីដូចកូនលោកជំទាវស្រីមុំ ឡើយ ស្របពេលដែលកាលពីដើមឆ្នាំ២០២០ នាងធ្លាប់បង្ហាញសញ្ញាមានម្ចាស់ចិត្តតាមរយៈការដឹកដៃប្រុសម្នាក់បាំងមុខ តែជិត៤ខែនេះរឿងរ៉ាវនោះក៍ស្ងប់ស្ងាត់ទៅវិញដែរ។ប្រភពបានឲ្យដឹងថានាងស៊ូហ្សាណា អាចនឹងពិបាកគេចអន្ទាក់ស្នេហ៍មន្រ្ដីធំខ្លះដែលលង់សម្រស់នាង ហើយប្រសិនបើតារាធ្មេញចំពើសរូបនេះចង់បានតំណែងជំទាវនោះវាមិនមែននៅឆ្ងាយពីកណ្ដាប់ដៃនាងឡើយ។តែតាមព័តមានថាបើសិនជានាងហ្សាណា ផ្ទុះរឿងអាស្រូវស្នេហ៍ណាមួយនោះក្រុមគ្រួសារនាងមិនអនុញ្ញាត្តិឲ្យនាងលេងសិល្បៈតទៅទៀតទេព្រោះឪពុកម្ដាយនាងបានដាក់ល័ក្ខខណ្ឌឲ្យនាងយកជម្រើសការសិក្សារជាជំហានទី១ ការងារសិល្បៈជាជម្រើសទី២។
រ៉េត ស៊ូហ្សាណា នៅមិនទាន់រកបានដៃគូទី៤សាកសមក្នុងការច្រៀងសម្ដែងជាមួយនាងជាថ្មីឡើយក្រោយនាងបាត់បង់តារាធ្លាប់ចាប់ដៃនាងដល់ទៅ២ដួងនោះគឺលោកដួង វីរៈសិទ្ធ និងសុវត្ថិ មុនីនាគ ខណៈដែលមុននេះនាងក៍បានសាកល្បងច្រៀងនិងសម្ដែងជាមួយលោកលីម តិចម៉េង ផងដែរ តែអត់សូវទទួលបានការចាប់អារម្មណ៍ច្រើនឡើយ។អ្នកជំនាញសិល្បៈបានលើកឡើងថាទោះជានាងហ្សាណា លេចធ្លោយ៉ាងណាក៍នាងមិនអាចឈានទៅជំនួសតារាស្រីលំដាប់ជូរមុខរបស់ហង្សមាសដូចជាឱក សុគន្ធកញ្ញា ,ពេជ្រ សោភា និងសុគន្ធ និសា បានដែរ ព្រោះថាទាមទារពេលវេលាច្រើនថែមទៀត។ដោយឡែកការដណ្ដើមភាពលេចធ្លោក្នុងទីផ្សារយុវវ័យក៍ហ្សាណា ប្រឈមគូប្រជែងធំនាងតន់ ច័ន្ទសីម៉ា ព្រោះសីម៉ា មានដៃគូល្អបំផុតនៅឆ្នាំ២០២៣ គឺលោកព្រាប សុវត្ថិ ,ខែម ប៊ុនថៃ និងខេម តែហ្សាណា រកដៃគូយល់ចិត្តដែលអាចផ្ដល់ជំនួយឲ្យនាងលេចធ្លោថែមទៀតអត់ទាន់បាន។ប៉ុន្ដែយ៉ាងណាតារាសាច់សខ្ចីរូបនេះស្ថិតក្នុងចំណោមតារាវ័យក្មេងដែលមានទ្រព្យច្រើននារយៈពេលចុងក្រោយនេះមានដូចជានាងថន លក្ខិណា ,នី មុនីនាថ និងមាន សូនីតា ជាដើមដែលពួកគេមានផ្ទះកម្មសិទ្ធិផ្ទាល់ខ្លួនតម្លៃរាប់សែនដុល្លារ។
ទស្សនិកជនរងចាំមើលថានាងស៊ូហ្សាណា នឹងជ្រើសយកបុរសរូបណាទៅធ្វើជាដៃគូជំនួសកូនលោកឧកញ៉ាស្នាយ?
