ភ្នំពេញ៖សុខ ស្រីនាង បានប្រែប្រួលច្រើននៅដើមឆ្នាំ២០២៣ នេះដូចជានៅរដូវក្ដៅតារាល្បីៗជាច្រើនដួងសម្រុកចេញច្រៀងសម្ដែងតែនាងបែជាឆ្លៀតយកឱកាសនេះទៅលំហែកាយ៉ាជាបន្ដបន្ទាប់នៅក្រៅស្រុកដូចជាថ្មីៗនេះនាងបានទៅដើរលេងនៅប្រទេសជប៉ុនហើយអារម្មណ៍ជក់ចិត្តដិតដាមនិងផ្កាសាគូរ៉ា បន្ទាប់ពីនាងបានទៅប្រទេសបារាំង ,សាំងហ្គាពួរ និម៉ាឡេស៊ីជាដើម។សម្រាប់ការទៅដល់ប្រទេសជប៉ុនរបស់ស្រីនាង លើកនេះក៍ដូចជានៅប្រទេសផ្សេងៗទៀតដែរ ពោលគឺអ្នកមេម៉ាយស្រស់សោភា រូបនេះអត់បង្ហាញអ្នករួមដំណើរឡើយ បើទោះជាសកម្មភាពរបស់នាងហាក់ដូចជាកំពុងតែពិសោធន៍ស្នេហ៍ថ្មីមែន ប៉ុន្ដែបុរសពិសេសក្នុងបេះដូងនាងនោះអត់ដែលបង្ហាញខ្លួនជាសាធារណៈជាមួយតារាហង្សមាសរូបនេះម្ដងណាទេ តែរឿងស្រីនាង ព្យាយាមលាក់ស្នេហ៍ថ្មីនេះគឺមានរយៈពេល១៣ឆ្នាំទៅហើយ ពោលគឺតាំងពីនាងបានចែកផ្លូវជាមួយអតីតប្ដីលោកស៊ី សុវត្ថិ កាលពីឆ្នាំ២០១០ ម្លេះ ខណៈដែលអ្នកមេម៉ាយក្នុងសិល្បៈពេលនេះរកបានម្ចាស់ចិត្តថ្មីជាបន្ដបន្ទាប់ដូចជាពេជ្រ សោភា,ពេជ្រ សូលីកា ,សុខ សោម៉ាវត្តី និងប៉ាច គីមមួយ ជាដើម។ការមិនដាច់ចិត្តបញ្ចេញមុខអនាគតស្វាមីរបស់ស្រីនាង នាពេលនេះគេអាចសន្និដ្ឋានបានថាមកពីនាងមិនទាន់មានភាពច្បាស់លាស់ជាមួយគ្នា១០០% និងម្យាងទៀតខ្លាចប៉ៈពាល់ដល់អាជីពសិល្បៈទើបចេះតែបង្ហាញខ្លួនបែបឯកាជាង១ទសវត្សន៍មកនេះ បើទោះជាទាំងរូបសម្រស់ និងភាពល្បីឈ្មោះរបស់នាងគេជឿរជាក់ថាស្រីនាង ប្រាកដជាមានបុរសជាច្រើនចង់ចូលទៅស្អំរបួសបេះដូងនាងក្ដី។
គូរកត់សម្គាល់ថាសុខ ស្រីនាង មិនសូវមានសកម្មភាពសិល្បៈលេចធ្លោទេ នារយៈពេលចុងក្រោយនេះទេ បើទោះជាហង្សមាសធ្លាប់លើកស្ទួយនាងតាមរយៈការឲ្យចាប់ដៃជាមួយឱក សុគន្ធកញ្ញា លេងចម្រៀងខ្សែរឿង”ស្នេហាខ្ញុំផ្លូវ២”និងឲ្យតំណែងតួឯករឿង”រាជនីយភូមិគ្រិះ”ក្ដី។ប៉ុន្ដែស្រីនាង នៅមានសង្ឃឹម១ច្រកទៀតនោះគឺនៅពេលដែលភាពយន្ដខ្នាតធំរបស់ហង្សមាសរឿង”ខ្ញុំមានញ្ញាណលើស “ដែលមានរូបនាងជាតួឯកជំនួសឱក សុគន្ធកញ្ញា ត្រូវដាក់បញ្ចាំងនាពេលខាងមុខនេះ ស្របពេលដែលតំណែងធំនាងជាគណៈកម្មាការ Cambodian Idol Junior រដូវកាលទី២ ត្រូវបានបាត់បង់ ហើយថៅកែមិនទាន់ឲ្យតំណែងថ្មីលួងចិត្តនោះគេជឿរថាស្រីនាង ប្រាកដជាមិនរីករាយឡើយ ហេតុនេះហើយបានជាមួយរយៈនេះនាងជ្រើសផ្លូវទៅដើរលេងនៅបរទេសជាបន្ដបន្ទាប់ ខណៈដែលបទចម្រៀងរបស់នាងក៍មិនទាន់មានបទណាល្បីលេចធ្លោខ្លាំងដែររយៈពេលជាច្រើនខែមកហើយ។ប៉ុន្ដែតាមប្រភពពីអ្នកដឹកនាំភាពយន្ដនៅហង្សមាសបានឲ្យដឹងថាស្រីនាង នៅតែត្រូវបានថៅកែលើកឲ្យធ្វើជាតួឯកហង្សមាសក្នុងរឿងថ្មីៗទៀតឲ្យតែនាងចង់ ព្រោះDirector ពេញចិត្តសម្ថភាពនិងសម្រស់របស់នាងដែលមិនវះកាត់កែកុនដូចតារាផ្សេង ពោលគឺនៅរក្សារធម្មជាតិសឹងតែគ្រប់ផ្នែកទាំងអស់។
ក្រៅពីសុខ ស្រីនាង តារាដែលទុកជីវិតជាស្រ្ដីម៉ាយជាច្រើនឆ្នាំមិនព្រមរៀបការប្ដីថ្មីមានដូចជាអ្នកនាងអឿន ស្រីមុំ និងសឿន ផាផួង ជាដើម។សម្រាប់ស្រីនាង វិញតាំងពីក្រោយនាងធ្លាក់ខ្លួនមេម៉ាយភ្លាមៗម្លេះ ដែលអតីតស្វាមីនាងបានដៅថាបុរសណាអាចក្លាយទៅជាស្វាមីនាងបានគឺទាល់តែមានអំណាច និងលុយ ទៅព្រមជាមួយគ្នាទើបអាចរក្សារចំណងស្នេហាបាន។ដោយសារតែអតីតគូស្នហ៍ជូនដំណឹងឲ្យបុរសៗទាំងឡាយដឹងពីចំណុចសំខាន់បែបនេះហើយទើបស្រីនាងជ្រើសផ្លូវសាងស្នេហាដោយមិនបើកចំហ អស់ជាច្រើនឆ្នាំមកនេះ រហូតមានអ្នកខ្លះសង្ស័យថាម្ចាស់ចិត្តថ្មីរបស់តារាវ័យ៣៦ឆ្នាំ រូបនេះអាចនឹងគេចមុនផុតពីលោកសុវត្ថិ បានកំណត់នេះទៀតផង។ប៉ុន្ដែស្រីនាង បានរក្សារភាពស្ងៀមស្ងាត់និងមិនដែលមានដំណឹងចង់រៀបការប្ដីជាលើកទី២នោះទេ បើទោះជាអ្នករួមអាជីព និងអ្នកនៅជំវិញខ្លួននាងជម្រុញនាងយ៉ាងណាក្ដី។
មជ្ឈដ្ឋានមហាជនរងចាំមើលថាតើសុខ ស្រីនាង នឹងចង់គេចរឿងចូលរោងការជាលើកទី២ជារៀងរហូត ដូចសុខ សោម៉ាវត្តី ឬយ៉ាងណា?
