ភ្នំពេញ៖ពិធីការិនីធ្មេញចំពើសនាងហ៊ិន ច័ន្ទនីរ័ត្ន មិនដែលចេញមុខរួមគ្នាជាមួយគ្រូពេទ្យវ័យក្មេងលោកសុវណ្ណារិទ្ធ ទេនារយៈពេលចុងក្រោយនេះ បើទោះជាកាលពីពាក់កណ្ដាលឆ្នាំ២០២២ នាងនិងបុរសពិសេសក្នុងបេះដូងនាងម្នាក់នេះបានសាសងគ្នាទាំងក្នុងនិងក្រៅស្រុកយ៉ាងផ្អែមល្ហែមក្ដី ប៉ុន្ដែឥឡូវពួកគេបែជាលែងហ៊ានចេញមុខជាសាធារណៈរួមគ្នាដូចមុនទៀត។សកម្មភាពបែបនេះធ្វើឲ្យFan របស់នាងច័ន្ទនីរ័ត្ន បារម្ភខ្លាចតែស្រីស្រស់អាចធ្វើឲ្យចំណងស្នេហាមានភាពប្រេះស្រាំជាថ្មីម្ដងទៀតហើយឈានទៅរកការដើរជាន់ដានចាស់ បើទោះជាច័ន្ទនីរ័ត្ន មិនដែលបង្ហាញទុក្ខសោកក្រោយបែកបាក់ស្នេហ៍ ព្រោះនាងមានជម្រើសស្នេហ៍ច្រើនក្ដី តែគេជឿរថាការប្រេះឆាច្រើនដងពេក មិនថាឡើយនីរ័ត្ន ទោះជានាយចឺម ដែលស្រីៗខ្លះហៅថាជាព្រាននារីនោះក៍ធ្លាប់អះអាងថាគ្មានអ្នកណាម្នាក់ចង់បែកបាក់សង្សារទេ។
ប៉ុន្ដែតាមព័តមានថាមូលហេតុដែលស្រីស្រស់ច័ន្ទនីរ័ត្ន លែងសាសងស្នេហ៍ជាមួយលោកគ្រូពេទ្យដូចមុននោះព្រោះតែនាងជាប់ថតភាពយន្ដខ្នាតធំជាបន្ដបន្ទាប់នារយៈពេលចុងក្រោយនេះ តែទំនាក់ទំនងនាងជាមួយលោកដុកទ័រក្មេងនោះនៅតែស្អិតល្មូតគ្នាដូចមុនពោលគឺគ្មានសញ្ញាបែ្រប្រួលឡើយ ។ព័តមានបានឲ្យដឹងថានាងច័ន្ទនីរ័ត្ន ក្រៅពីមិនសូវមានពេលបណ្ដើរគ្នាជាមួយលោកគ្រូពេទ្យដូចមុននោះ នារយៈពេលចុងក្រោយនេះទំនាក់ទំនងរបស់នាងជាមួយលោកសេង មង្គល(ហូ ប៉ូសេង) ក៍រយាលៗគ្នាកាន់តែខ្លាំងផងដែរ ក្រោយពីបុរសលេងសាច់សុំរូបនោះងាកទៅស្និតស្នេហ៍អ្នកមេម៉ាយទ្រព្យស្ដុកម្នាក់ រហូតមានខ្លះលើកឡើងថា មុននេះនីរ័ត្ន បង្ខំចិត្តបញ្ចេញមុខគូស្នេហ៍ថ្មីលោកគ្រូពេទ្យនោះគឺដើម្បីទប់ទល់គេថានាងមិនសូវមានយ៊ីអ៊ុនស្នេហ៍ ព្រោះនាងត្រូវសង្សារខ្លះរត់ទៅការប្រពន្ធចោល និងខ្លះទៀតងាកទៅរកមេម៉ាយនេះឯង។
គូរបញ្ជាក់ថាហ៊ិន ច័ន្ទនីរ័ត្ន បានបែកបាក់សង្សារជាច្រើនលើកច្រើនសារមកហើយ តែនាងមិនដែលបង្ហាញទុក្ខសោកស្នេហ៍ឲ្យគេឃើញដូចជាស្រក់ទឹកភ្នែកនៅលើបណ្ដាញសង្គមព្រោះរឿងស្នេហាម្ដងឡើយ។ប៉ុន្ដែនៅពេលដែលលោកសេង មង្គល ល្អូកល្អិនជាមួយអ្នកមេម៉ាយទ្រព្យដុល្លារក្រាស់នោះស្រាប់តែនាងធ្វើឲ្យគេភ្ញាក់ផ្អើលខ្លាំង ព្រោះថាចង់តែទៅលោតទឹកលើស្ពានជ្រោយចង្វាសម្លាប់ខ្លួនពេលឃើញរូបភាពវីដេពួកគេផ្អែមល្ហែមគ្នានោះទៀតផង។ភ្លាមៗនោះដែរនីរ័ត្ន បានឆ្លើយតបទៅលោកមង្គល វិញតាមរយៈការបញ្ចេញមុខគ្រូពេទ្យដែលមានរូបរាងសង្ហារមិនចាញ់លោកមង្គល ទើបធ្វើឲ្យអ្នកថានាងឆ្វាក់តែខាងប្រុសទៅមានអ្នកថ្មីចោលមុននោះចាប់ផ្ដើមស្ងប់ស្ងាត់ទៅវិញ។
អតីតFreshie លេខ១ កាលពីឆ្នាំ២០០៧ នាងហ៊ិន ច័ន្ទនីរ័ត្ន ជាតារាម្នាក់ដែលបានកំណត់តម្លៃខ្លួនថតភាពយន្ដតាំងពីជាង១០ឆ្នាំមុនម្លេះថានាងថតរឿង១ទាល់តែបានតម្លៃ៥ពាន់ដុល្លារទើបព្រមទទួលសម្ដែង។ការកំណត់តម្លៃខ្លួនបែបនេះធ្វើឲ្យផលិតករខ្លះសាញ និងថាថ្លៃជ្រុល ប៉ុន្ដែអ្នកនៅក្នុងសិល្បៈទើបយល់និងថាសាកសម ព្រោះថាតារាចម្រៀងស្រីខ្លះច្រៀងតែ២ឆ្នាំល្បីឡើងថ្លៃខ្លួនច្រៀង១កម្មវិធីតែ៦បទស៊ីថ្លៃដល់ទៅ៥ពាន់ដុល្លារ តែតារាសម្ដែងទម្រាំថតរឿង១ចប់ប្រើពេលរាប់ខែនិងមានប្លង់ខ្លះថតដល់ភ្លឺទៀតផង។សម្រាប់ច័ន្ទនីរ័ត្ន វិញនាងបានប្រឡូកក្នុងសិល្បៈរយៈពេល១៦ឆ្នាំមកហើយ និងមានតារាមួយចំនួនស្គាល់នាងច្បាស់ដែរថាបុរសដែលអាចយកបានបេះដូងនាងបានគឺទាល់តែនាងមានអារម្មណ៍បេតី ដែរទើបអាចទៅរួច។
តែយ៉ាងណាតាមប្រភពខ្លះថាច័ន្ទនីរ័ត្ន នៅតែមានក្រុមម៉ែនិងឪយ៉ែម តាមលួងលោមនាងឲ្យទៅញាំបាយជាមួយអ្នកមានលុយម្ដង៣ពាន់ដុល្លារ តែរឿងនោះត្រូវបាននីរ័ត្ន ធ្លាប់ច្រានចោល ខណៈដែលមានការបង្ហើបពីអ្នករួមអាជីពជាមួយនាងថាបើនីរ័ត្ន ចង់បានតំណែងជំទាវនោះគឺនៅមិនឆ្ងាយពីកណ្ដាប់ដៃនាងឡើយ ព្រោះបុរសភាគច្រើនតាមស្នេហានាងគឺជាមន្រ្ដីធំ។តែនីរ័ត្ន ហាក់មិនចាប់អារម្មណ៍ហើយនៅបន្ដអាជីពសិល្បៈធម្មតា ខណៈដែលចំណងស្នេហាថ្មីនាងជាមួយលោកគ្រូពេទ្យតាំងពីដើមឆ្នាំ២០២០ តែទើបបញ្ចេញឆ្នាំ២០២២ នោះធ្វើប្រុសមិនតិចទេដែលលង់ស្នេហ៍នាងត្រូវខកចិត្ត បើទោះជាមិនទាន់មានដំណឹងនីរ័ត្ន និងលោករិទ្ធ ដឹកដៃគ្នាចូលរោងការក្ដី៕