ភ្នំពេញ៖លោកប៉ុន សុណារិន ហៅខេម ដែលធ្លាប់តែជាតួឯកនៅថោន នោះពេលនេះលោកនៅតែជាតារាសំខាន់របស់Galaxy តែមិនអាចនាំមុខឬវ៉ាលោកព្រាប សុវត្ថិ និងខែម ប៊ុនថៃ បានឡើយ។ទោះជាយ៉ាងណាតាមព័តមានថាដើម្បីចងជើងតារាសំខាន់ៗរបស់ខ្លួនកុំឲ្យមានការចាកចេញព្រោះគ្រប់គ្នាមើលឃើញថាផលិតកម្មនេះមិនឲ្យតារាប្រុសណាល្បីជាងព្រាប សុវត្ថិ និងខែម ប៊ុនថៃ នោះនឹងមានតារា២ដួងទៀតឡើងជាឧកញ៉ានាពេលខាងមុខនេះគឺលោកខេម និងខាន់ ជេមស៍ ។ប្រភពបានឲ្យដឹងថាលោកខេម មិនប្រញ៉ាប់ពេកក្នុងការឡើងឧកញ៉ានោះទេ ព្រោះមិនចង់ឲ្យទស្សនិកជនមើលឃើញថាផលិតកម្មនេះតារាៗប្រជុំទៅដោយឧកញ៉ា ប៉ុន្ដែលោកខាន់ ជេសម៍ ពិតជាចង់បានតំណែងនេះទើបលោកសុខចិត្តមិនច្រៀងនៅផលិតកម្មផ្ទាល់ខ្លួន ហើយងាកមកចូលផលិតកម្មដែលប្រជុំទៅដោយតារាប្រុសជើងខ្លាំងៗនៅជាមួយគ្នា ហើយមិនដឹងថាលោកនៅចំណាត់ថ្នាក់ណានោះ។ដោយឡែកមជ្ឈដ្ឋានមហាជនរងចាំមើលថាតើរវាងតារាចម្រៀងទាំងពីរគឺលោកខេម និងខាន់ ជេមស៍ តើ១ណានឹងឡើងជាឧកញ៉ាមុនគេនាពេលខាងមុខនេះ ខណៈដែលមានតារា២ដួងផ្សេងទៀតគឺនាយពែកម៉ី និងនាយចឺម ក៍ត្រូវបានគេទម្លាយថាកំពុងដាក់គោលដៅយកងារជាឧកញ៉ានេះផងដែរ។
លោកគឹម សុខ ប្រធានវេទិការពលរដ្ឋ និងអ្នកវិភាគនយោបាយសង្គម បានលើកឡើងថាសម័យនេះរាស្រ្ដសាមញ្ញមានសំណាងណាស់ ព្រោះបានឧកញ៉ាៗច្រៀងឲ្យស្ដាប់រាល់ថ្ងៃ…។
ខេម ជាដៃគូរបស់តារាចម្រៀងតន់ ច័ន្ទសីម៉ា មុនស្រីស្រស់រូបនេះចាប់ដៃជាមួយលោកព្រាប សុវត្ថិ និងខែម ប៊ុនថៃ ហើយរយៈពេលចុងក្រោយនេះលោកសុណារិន មានបទចម្រៀងល្បីៗជាបន្ដបន្ទាប់ដែលធ្វើឲ្យលោកនៅតែស្ថិតក្នុងចំណោមអ្នកចម្រៀងប្រុសលំដាប់ជូរមុខនាពេលបច្ចុប្បន្ន។ដោយឡែកលោកខាន់ ជេមស៍ វិញតាំងពីចាកចេញពីសាន់ដេ មកបើកផលិតកម្មផ្ទាល់ខ្លួនមកលោកមិនសូវមានបទណាគូរឲ្យចាប់អារម្មណ៍នោះទេ ។យ៉ាងណាទាំងលោកខេម និងជេមស៍ ត្រូវបានគេចាត់ទុកថាជាអ្នកចម្រៀងមានសម្ថភាពម្យាងៗម្នាក់ ពោលគឺឲ្យតែធ្វើបទត្រូវនៅតែអាចល្បីបាន ខណៈដែលអ្នកជំនាញសិល្បៈធ្លាប់លើកឡើងថាទោះជាGalaxy ទិញតារាប្រុសចូលនាក់ទៀតក៍មិនប៉ៈពាល់ខ្លាំងដល់ទីផ្សារលោកខេម ដែរ ព្រោះអ្នកចម្រៀងរូបនេះច្រៀងស្ទីលស្អក តែពិរោះ ហេតុនេះមិនមានតារាណាអាចដណ្ដើមតំណែងលោកបានទេ។ប៉ុន្ដែអ្នកធ្វើភ្លេងម្នាក់នៅថោន បាននិយាយដោយសុំមិនឲ្យដាក់ឈ្មោះថាតាមលោកស្គាល់ខេម ច្បាស់លោកសុណារិន មិនចង់ធ្វើជាតួរង ឬលេខរៀងបន្ទាប់ពីអ្នកណាទេ តែចង់ធ្វើតួឯកនាំមុខគេ…។តែតាមការសង្កេតសកម្មភាពជាក់ស្ដែងគេឃើញខេម គោរពរៀមច្បងលោកព្រាប សុវត្ថិ និងខែម ប៊ុនថៃ ដូចគ្នា ហើយលោកធ្លាប់ប្រាប់អ្នកយកព័តមានយើងថាមិនដែលចាត់ទុកលោកឧកញ៉ាព្រាប សុវត្ថិ ជាឆ្អឹងទទឹងកម្ដងណាណាឡើយ។ចំពោះលោកខាន់ ជេមស៍ វិញធ្លាប់ជ្រកនៅសាន់ដេជាមួយលោកប៊ុនថៃ ហើយអតីតតារាRock រូបនេះក៍គោរពរៀមច្បងលោកសុវត្ថិ ខ្លាំងណាស់ដែរ ហេតុនេះគេជឿរថាមិនយូទេGalaxy នឹងរុញលោកឡើងជាឧកញ៉ាដែរជាមិនខាន ដែលពេលនោះពិធីករតាមឆាកតន្រ្ដីនឹងប្រកាសឈ្មោះលោកថា”ឧកញ៉ាខាន់ ជេមស៍”។
គូរកត់សម្គាល់ថាខេម បានសាងស្នេហាជាមួយនារីខ្មែរបារាំងអ្នកនាងស្រីកា រយៈពេលជាង៧ឆ្នាំមកហើយ តែលោកទើបតែហ៊ានបណ្ដើរគូស្នេហ៍ជាចំហនាឆ្នាំ២០២០ ប៉ុណ្ណុះនឹងអះអាងថាអាចនឹងចូលរោងការឆាប់ៗនាពេលខាងមុខនេះ តែមិនកំណត់ថ្ងៃខែឆ្នាំណាឲ្យពិតប្រាកដនោះឡើយ។អតីតតារាថោនរូបនេះក៍ធ្លាប់និយាយថាគូស្នេហ៍លោកមកនៅខ្មែរតាមលោកជាច្រើនឆ្នាំមកហើយ ហេតុនេះលោកគ្មានបំណងទៅរស់នៅបារាំងនោះទេ តែអាចចុះឡើងៗ។ដោយឡែកលោកខាន់ ជេមស៍ វិញបានវ៉ាព្រាប សុវត្ថិ និងខេម ប៊ុនថៃ ដោយសារតែលោកមានកូន៤នាក់(ស្រី២)ទៅហើយ តែលោកសុវត្ថិ និងប៊ុនថៃ មានកូន២ស្មើគ្នា។ការទៅដល់Galaxy របស់លោកជេមស៍ នាពេលនេះក៍លោកជួយសណ្ដោងកូនស្រីឲ្យធ្វើជាតារាចម្រៀងនៅផលិតកម្មនេះដែរ ហេតុនេះដើម្បីឲ្យកូនខ្លួនមានមុខមាត់លឿននោះអតីតតារាRock រូបនេះនឹងលេងស្ទីលតាមលោកឧកញ៉ាសុវត្ថិ គឺច្រៀងចាប់ដៃគូជាមួយកូនរបស់ខ្លួនដែរជាមិនខាន។
សូមបញ្ជាក់ថាគិតត្រឹមឆ្នាំ២០២៣ នេះមានតារា៤ដួងមកហើយដែលបានឡើងជាឧកញ៉ាក្នុងនោះគឺលោកទុំ សារុត ហៅឧកញ៉ាឃ្លោគ ,លាន អាហ្វ្រីលគីនីន ,ព្រាប សុវត្ថិ និងខែម ប៊ុនថៃ(ខេមរៈ សិរីមន្ដ)។ដោយឡែកសម្រាប់តារាដែលគេរំពឹងថានឹងឡើងជាឧកញ៉ានាពេលបន្ដបន្ទាប់នាពេលខាងមុខគឺលោកខេម ,ជេសម៍ ,នាយពែកម៉ី និងចឺម ។ទស្សនិកជនចាំអ៊ុតមើលថាម្នាក់ណានឹងបានសម្រេចក្ដីបំណងធំនេះមុនគេ?
