ក្រសួងការពារជាតិរុស្ស៊ីបានអះអាងថា ការវាយប្រហារដោយយន្តហោះគ្មានមនុស្សបើកកាលពីព្រឹក ថ្ងៃអង្គារមក លើអគារជាច្រើននៅក្នុងទីក្រុងម៉ូស្គូ ត្រូវបានរៀបចំឡើងដោយប្រទេសអ៊ុយក្រែន។សេចក្តីថ្លែងការណ៍របស់ក្រសួងការពារជាតិ(MoD)បាននិយាយថារបបទីក្រុងគៀវបានបើកការវាយ ប្រហារភេរ វកម្មជាមួយនឹងយន្តហោះគ្មានមនុស្សបើកមកលើគោលដៅនានាក្នុងទីក្រុងម៉ូស្គូ។ ការវាយឆ្មក់នេះមានពាក់ព័ន្ធនឹងយន្តហោះប្រភេទ UAV ចំនួន ៨ គ្រឿង ដែលទាំងអស់នោះត្រូវបានវាយប្រហារ។ សេចក្តីថ្លែងការណ៍បានបន្ថែមថាយន្តហោះគ្មានមនុស្សបើកចំនួន៣គ្រឿងដែលត្រូវបានបង្ក្រាបដោយវិធានការសង្គ្រាមអេឡិចត្រូនិកនិងបានបង្វែរចេញពីគោលដៅដែលបានគ្រោងទុក។
យន្តហោះគ្មានមនុស្សបើក៥គ្រឿងដែលនៅសល់ត្រូវបានបាញ់ទម្លាក់ដោយប្រព័ន្ធការពារដែនអាកាស Pantsir-S ដែលប្រតិបត្តិការនៅខាងក្រៅទីក្រុងម៉ូស្គូ ។នេះបើយោងតាម MOD ។
អភិបាលក្រុងម៉ូស្គូលោក Sergei Sobyanin បាននិយាយថា ការវាយប្រហារនេះបានបណ្តាលឱ្យខូចខាតតិចតួច ដល់អគារជាច្រើន ។ គាត់បាននិយាយនៅក្នុងសារបង្ហោះ Telegram ថាមនុស្សពីរនាក់បានរងរបួស។ លោកSobyanin បាននិយាយថាអ្នករស់នៅក្នុងអគារខ្ពស់ចំនួនពីរដែលរង ការខូចខាតក្នុងការវាយប្រហារត្រូវ បានជម្លៀសចេញ។
អ៊ុយក្រែនមិនបានធ្វើអត្ថាធិប្បាយភ្លាមៗអំពីការវាយប្រហារនេះទេ។វាបានក្លាយជាការវាយប្រហារដ៏ជ្រៅ និង ហ៊ានបំផុតរបស់ខ្លួនចូលទៅក្នុងប្រទេសរុស្ស៊ី ចាប់តាំងពីវិមានក្រឹមឡាំងបានបើកការលុកលុយពេញលេញលើ អ៊ុយក្រែនកាលពីជាង១៥ ខែមុន៕