ភ្នំពេញ៖ពេជ្រ សោភា បានបរាជ័យនាំកូនក្រុមរបស់ខ្លួនលើកពាន២រដូវកាលមកហើយសម្រាប់កម្មវិធីThe Voice Cambodia រដូវកាលទី១ និងទី២ ព្រោះនៅឆ្នាំដំបូងលោកឆន សុវណ្ណារាជ ដឹកដៃប៊ុត សីហា កាន់ពាន ខណៈឆ្នាំបន្ទាប់ឱក សុគន្ធកញ្ញា ជួយថែល ថៃ ឲ្យក្លាយទៅជាម្ចាស់ពាន។ដោយឡែកសម្រាប់Coach ពេជ្រ សោភា វិញឆ្នាំទី១នាំសយ រតនៈ ទៅផ្ដាច់ព្រ័ត្រ និងឆ្នាំទី២ ជួយសាន ស្រីឡៃ (ស្លាប់)ឲ្យដល់វគ្គចុងក្រោយដែរ តែអត់ឈ្នះពានទាំង២លើកដូចគ្នា។យ៉ាងណាការរក្សារតំណែងធ្វើជាគ្រូបង្វឹកនៅរដូវកាលទី៣នេះពេជ្រ សោភា បង្ហាញអារម្មណ៍រីករាយនិងជឿរជាក់ថានាងមានលំនឹងចំពោះតំណែងកៅអីធំ១នេះ ខណៈដែលមុននេះលោកថៅកែហង្សមាសក៍បានឲ្យតំណែងជាណៈកម្មាការដល់នាងកម្មវិធីBeat The Best រដូវកាលទី១ផងដែរ។សម្រាប់អ្នកគាំទ្រសោភា ចង់ឃើញនាងដឹកដៃកូនក្រុមរបស់ខ្លួនលើកពានដំបូងក្រោយពេលនាងចំណាយពេលដល់ទៅ៨ឆ្នាំ ក្នុងការងារមួយនេះដែលតារាល្បីៗរបស់ហង្សមាសផ្សេងៗទៀតក៍ចង់អង្គុយកៅអីពិសេសនោះដែរ តែសោភា ដែលមានបទពិសោធន៍ក្នុងអាជីពចម្រៀងនៅហង្សមាសដល់ទៅ១៨ឆ្នាំនោះនាងពិតជាសាកសមក្នុងការក្ដាប់ឱកាសនេះទោះជានៅមានគ្រូបង្វឹកម្នាក់ទៀតគឺលោកណុប បាយ៉ារិទ្ធ ក៍នៅតែមិនអាចជួយកូនក្រុមរបស់ខ្លួនឈ្នះពានបានដូចនាងដែរក្ដី។
សូមបញ្ជាក់ថាពេជ្រ សោភា ក៍មិនខុសពីសុគន្ធ និសា ដែរដែលត្រូវបានគេព្យាករណ៍ថានាងនឹងត្រូវថៅកែឲ្យតំណែងសំខាន់ៗជាCoach ឬJudge ថែមទៀតជាមិនខាន ដើម្បីចងជើងនាងកុំឲ្យចាកចេញពីហង្សមាសដូចលោកព្រាប សុវត្ថិ និងខែម ប៊ុនថៃ ។អ្វីដែលសោភា កាន់តែធ្វើឲ្យថៅកែជឿរជាក់នោះគឺកាលពីចុងឆ្នាំ២០២០ ក៍មានព័តមានថានាងត្រូវបានGalaxy ចង់ទិញឲ្យទៅចាប់ដៃជាមួយលោកព្រាប សុវត្ថិ ផងដែរ តែចុងក្រោយសោភា ជ្រើសផ្លូវ”ឆ្នាំងចាស់ បាយឆ្ងាញ់” ដោយច្រៀងនៅហង្សមាសបន្ដទៀតដោយគ្មានកុងត្រា។ប៉ុន្ដែអ្នកជំនាញសិល្បៈមើលឃើញថាបច្ចុប្បន្ននៅហង្សមាសសោភា ហាក់នៅទ្រឹង ព្រោះអត់ពីដៃគូដ៍សាកសមរបស់នាងគឺលោកព្រាប សុវត្ថិ និងងួន ចាន់ដេវីត ទៅសោភា ហាក់តែលតោលពិបាករកដៃគូមកជំនួស បើទោះជានាងធ្លាប់បានសាកល្បងចាប់ដៃគូជាមួយលោកហ្សូណូ និងសុខ វិបុល ហៅStep ក្ដី។យ៉ាងណាគិតត្រឹមឆ្នាំ២០២៣ នេះសោភា នៅតែស្ថិតក្នុងចំណោមតារាដែលមានតម្លៃខ្លួនខ្ពស់នៅឡើយហើយនាងក៍ត្រូវបានគេចាត់ទុកជាអ្នកចម្រៀងដែលមានទ្រព្យស្ដុកម្នាក់ផងដែរព្រោះនាងរស់នៅផ្ទះប្រណិត និងជះរថយន្ដថ្លៃៗដូចជាMercedes, Porsche ,Audi ,Range Rover និងBmw ជាដើម ខណៈនាឡិការដៃនាង១គ្រឿងតម្លៃស្មើផ្ទះ១ល្វែងឯណ្ណោះគឺRichard Mille និងRolex ។
គូររំលឹកថាពេជ្រ សោភា បានប្រើជីវិតជាស្រី្ដមេម៉ាយអស់រយៈពេលជាង៦ឆ្នាំ ទើបនៅថ្ងៃទី១១ ខែ១១ ឆ្នាំ២០២២ នាងបានភ្ជាប់ពាក្យជាមួយលោកឆឹម សក្កដា ហើយគ្រោងរៀបការនៅឆ្នាំ២០២៣ នេះតែត្រូវបានរំសាយចោលវិញដោយសារតែនាងនិងលោកសក្កដា មានគំនិតខ្វែងគ្នាព្រោះនាងចង់តែអនាគតស្វាមីថារៀបចំមិនទាន់ទៅវិញ។អ្វីដែលគូរឲ្យបារម្ភខ្លាំងនៅពេលដែលសោភា ក្លាយទៅជាគូណ្ដឹងរបស់លោកសក្កដា អស់រយៈពេលជាង៦ខែនេះ នាងនៅតែតឹងរឹងដាក់គូដណ្ដឹងខុសពីតារាផ្សេងៗទៀតនោះគឺមិនអនុញ្ញាត្តិឲ្យតារាថោនរូបនេះចេញចូលផ្ទះនាងតាមចិត្ត ឬគេងនៅផ្ទះនាងដូចក្រុមគ្រួសារតែមួយឡើយ។សកម្មភាពបែបនេះធ្វើឲ្យលោកសក្កដា មិនសប្បាយចិត្តទើបធ្វើឲ្យFan របស់សោភា បារម្ភជំនួសនាងថាខ្លាចតែតារាវ័យ៤០ឆ្នាំ រូបនេះមិនអាចរក្សារចំណងស្នេហាយូអង្វែង។តែសោភា តែងតែបង្ហាញអារម្មណ៍កក់ក្ដៅចំពោះគូដណ្ដឹងព្រោះមានពេលខ្លះនៅពេលដែលនាងវិលពីការច្រៀងសម្ដែងនៅតាមខេត្តវេលារំលងអាទ្រាធទៅហើយ តែលោកសក្កដា នៅតែឆ្លៀតចំហុយសំបុកត្រចៀកកាំប៉ូវកំលាំងនាង។
អ្នកជំនាញសិល្បៈបានលើកឡើងថាប្រសិនបើពេជ្រ សោភា ចាកចេញពីហង្សមាស ទៅចាប់ដៃលោកព្រាប សុវត្ថិ ជាលើកទី២នៅGalaxy នោះទីផ្សារចម្រៀងរបស់នាងនឹងមានការប្រែប្រួលជាងនៅហង្សមាសជាមិនខាន បើទោះជានាងកាន់តំណែងធំដល់ទៅ២ផ្សេងគ្នាក៍ដោយ។ប៉ុន្ដែចំពោះមូលហេតុដែលសោភា មិនទៅទ្រនុំថ្មី ព្រោះតែនាងដឹងច្បាស់ថាផលិតកម្មនោះលើកតែតារាប៉ុន្មាននាក់ដែលជាគោលដៅរបស់គេប៉ុណ្ណោះ ហេតុនេះហើយបានជានាងមិនប្រថុយ ព្រោះមិនចង់ទៅហើយមកវិញ៕
