ភ្នំពេញ៖ស្រីស្រស់ធ្មេញចំពើសនាងរ៉េត ស៊ូហ្សាណា នៅតែមិនទាន់រកបានដៃគូជំនួសកូនលោកឧកញ៉ាព្រាប សុវត្ថិ ឡើយ បើទោះជានាងសាកល្បងច្រៀងសម្ដែងជាមួយលោកលឹម តិចម៉េង ១ប្រាវក្ដី ប៉ុន្ដែនោះគ្រាន់តែជាការចាប់ដៃគ្នាដោយបណ្ដោះអាសន្នប៉ុណ្ណោះ ។ប៉ុន្ដែស៊ូហ្សាណា ហាក់ដូចជាមិនក្វល់ចំពោះការបាត់បង់កូនលោកឧកញ៉ាធ្វើឲ្យនាងលែងមានអ្នកយល់ចិត្តទាំងក្នុងនិងក្រៅឆាកនោះទេ ហើយនាងងាកទៅដើរកម្សាន្ដនៅប្រទេសជិតខាងជាបន្ដបន្ទាប់ តែមិនដែលបង្ហាញភាពស្និតស្នាលជាមួយបុរសណាបែបគូស្នេហ៍ម្ដងណាឡើយ។អ្នកខ្លះសង្ស័យថាស្រីស្អាតទៅលំហែកាយ៉ានៅបរទេសព្រោះនាងតុកស៊ិករឿងស្នេហា និងFan ខ្លះសង្ស័យថាតារាធ្មេញចំពើសកំពុងពិសោធន៍ស្នេហ៍ថ្មីដោយមិនបើកចំហជាដើម។
រ៉េត ស៊ូហ្សាណា វ័យទើបតែ២៣ឆ្នាំ តែនាងត្រូវបានគេចាត់ទុកថាជាតារាមានទ្រព្យច្រើនពីការចាប់អាជីពចម្រៀងរយៈពេលជាង៧ឆ្នាំ ព្រោះគេប៉ាន់ប្រម៉ាណថានាងមានលុយមិនក្រោមកន្លះលានដុល្លារឡើយគិតទៅលើតម្លៃផ្ទះ២ល្វែង,រថយន្ដទំនើបJeep Rubicon និងអាជីវកម្មហាងសម្លៀកបំពាក់របស់នាង។ប៉ុន្ដែអ្វីដែលហ្សាណា មានសំណាងជាងតារាស្រីស្អាតផ្សេងៗទៀតនោះគឺនាងមិនត្រូវបានគេសង្ស័យច្រើនទៅលើរឿងថាមានគូស្នេហ៍ឧបត្ថម្ភទេ ព្រោះសម្អាងថាជីវភាពស្រីស្អាតម្នាក់នេះធូធាតាំងពីមុននាងលេងសិល្បៈម្លេះ។យ៉ាងណានាងនៅតែមិនស្ថិតក្នុងជម្រើសដែលក្លាយទៅជាកូនប្រសារលោកឧកញ៉ាព្រាប សុវត្ថិ ដូចការសង្ស័យកន្លងមកនោះទេ ព្រោះលោកជំទាវឡុង ស្រីមុំ បានប្រកាសកាលពីដើមឆ្នាំ២០២៣ ថាកូនប្រុសលោកស្រីសុវត្ថិ មុនីនាគ មិនមានទំនាក់ទំនងស្នេហាពិសេសជាមួយហ្សាណា ឡើយ បើទោះជាស្រីស្រស់រូបនេះត្រូវបានគេមើលឃើញថានាងមានសម្រស់ លេចធ្លោម្នាក់ និងមិនធ្លាប់ជំពប់រឿងអាស្រូវស្នេហាម្ដងណាឡើយតាំងពីនាងលេងសិល្បៈក្ដី តែប្រពន្ធលោកឧកញ៉ាហាក់មើលរំលងនាងក្នុងផែនការណ៍ជ្រើសកូនប្រសារ។អ្វីដែលគូរឲ្យកត់សម្គាល់តាំងពីភរិយាឧកញ៉ាព្រាប សុវត្ថិ និយាយបែបនោះមកពេលនេះនាងហ្សាណា មិនធ្លាប់បានទៅជួប ឬបង្ហាញរូបភាពស្និតស្នាលជាមួយមុនីនាគ ដោយដើរកម្សាន្ដរួមគ្នា ឬថតរាំតាមTik Tok ដូចមុននោះទេ ។
រ៉េត ស៊ូហ្សាណា ជាតារាម្នាក់ដែលមានឪពុកម្ដាយដើរតាមការពារនាងតាំងពីនាងចូលច្រៀងឆ្នាំដំបូងម្លេះ ដែលធ្វើឲ្យបុរសតាមចែចង់នាងមិនអាចញ៉ែតារាធ្មេញចំពើស ឬចង់លេងតាមផ្លូវកាត់បានទេ ព្រោះសូម្បីតែទូរស័ព្ទក៍នាងមិននិយាយជាមួយបុរសណាដែលមិនស្គាល់រូបនាងដែរ។តារាមានត្រេមុខដូចកូនកាត់ជប៉ុនរូបនេះមិនទាន់លេចឭថានាងបានកែកុនសម្រស់សប្បនិម្មិតត្រង់ផ្នែកណា១ឡើយ តែនាងបានពត់ធ្មេញ។នាងជាអ្នកចម្រៀងម្នាក់ដែលប្រជែងទីផ្សារផ្នែកយុវវ័យមានដូចជានាងតន់ ច័ន្ទសីម៉ា ,យូរី និងអ៊ីវ៉ា ជាដើម តែហ្សាណា មានប្រៀបជាងគេព្រោះនាងឈនៅផលិតកម្មធំ និងក្ដាប់បានស្ពតពាណិជ្ជកម្មធំៗជាច្រើន បើទោះជាទីផ្សារចម្រៀងនាងពិបាកទប់ទល់របស់នាងច័ន្ទសីម៉ា ក្ដី។អ្នកជំនាញសិល្បៈបានលើកឡើងថាប្រសិនបើនាងហ្សាណា គ្មានអ្វីថ្មី ឬមិនអាចរកដៃគូបានសាកសមដូចជាលោកដួង វីរៈសិទ្ធ និងសុវត្ថិ មុនីនាគ វិញទេនោះនាងអាចនឹងនៅទ្រឹងពិបាកទៅមុខរួចជាមិនខាន ខណៈដែលកន្លងមកលោកមិញ សុធីវណ្ណ ធ្លាប់បានអះអាងថាហ្សាណា ច្រៀងបទបរទេសល្អជាងបទខ្មែរ ហើយបើនាងចង់ឈានដល់ចំណុចកំពូល ឬអាចឈានទៅជំនួសតារាស្រីលំដាប់ជូរមុខរបស់ហង្សមាសបាននាពេលអនាគត គឺត្រូវការពេលវេលាបន្ថែមទៀត។
រ៉េត ស៊ូហ្សាណា ត្រូវបានគេមើលឃើញថានាងលេចធ្លោជាងតារាចម្រៀងម្ចាស់ពានមួយចំនួននៅហង្សមាស ហើយតាមព័តមានពីអ្នករៀបចំកម្មវិធីប្រគុំតន្រ្ដីបានបង្ហើបថាតម្លៃខ្លួននាង១កម្មវិធីស៊ីថ្លៃក្បែ២ពាន់ដុល្លារ ហេតុនេះការចេញច្រៀងសម្ដែងក្នុង១ឆ្នាំៗនារដូវក្ដៅនោះស្រីស្រស់រកប្រាក់ចំណូលបានរាប់ម៉ឺនដុល្លារឯណ្ណោះ។ក្រុមអ្នកតាមដានសិល្បៈបានលើកឡើងថាប្រសិនបើហ្សាណា បន្ដលាក់បាំងដៃគូជីវិតស្នេហ៍តទៅទៀតនោះច្បាស់ជានាងត្រូវបុរសកាន់តែច្រើនតាមប្រជែងគ្នាដណ្ដើមបេះដូងនាងជាមិនខាន ពិសេសគឺក្រោយពេលដែលនាងត្រូវបានគេលាងជម្រះថាមិនមែនជាគូស្នេហ៍របស់សុវត្ថិ មុនីនាគ នោះដែលនេះជាឱកាសធ្វើឲ្យប្រុសដែលមានទ្រព្យស្ដុកស្ដមចាប់ផ្ដើមដាក់គោលដៅតាមស្នេហ៍នាងជាថ្មីជាមិនខាន ហើយគេជឿរថាស្រីស្អាតដូចរូបនាងប្រាកដជាមិនជម្រើសស្នេហ៍ច្រើនមិនចាញ់កូនលោកឧកញ៉ានោះទេ៕
