ភ្នំពេញ៖សុគន្ធ និសា ក៍ដូចជាអ្នកនាងឱក សុគន្ធកញ្ញា និងពេជ្រ សោភា ដែរក្រោយលោកព្រាប សុវត្ថិ ដើរចេញពីហង្សមាសជិត៣ឆ្នាំ មកនេះនាងពិបាកស្វែងរកដៃគូមកច្រៀងឆ្លងឆ្លើយដូចមុន ហើយនាងធ្លាប់ប្រាប់អ្នកយកព័តមានយើងដែរថាប្រកាន់ជំហរនឹងមិនចេញបទចម្រៀងជាមួយតារាចម្រៀងប្រុសរូបណាដែលនៅទ្រនុំជាមួយគ្នាមានវ័យក្មេងជាងខ្លួននោះទេ។ការតាំងចិត្តបែបនេះរបស់អ្នកនាងសុគន្ធា ហៅនិសា ក្រោយមានការលើកឡើងពីFan របស់នាងថាពេលអត់ពីលោកឧកញ៉ាសុវត្ថិ ទៅនិសា អាចនឹងងាកទៅចាប់ដៃជាមួយលោកនី រតនា ឬថែល ថៃ ជាដើម ដែលពួកគេសុទ្ធតែមានសម្ថភាពរៀងៗខ្លួន។ប៉ុន្ដែនិសា បែជាមិនចង់ចាប់ដៃប្រុសក្មេងខាងលើទៅវិញ ហេតុនេះគេជឿរថានាងគ្មានជម្រើសណាផ្សេងក្រៅពីច្រៀងសម្ដែងជាមួយលោកណុប បាយ៉ារិទ្ធ ,ឆន សុវណ្ណារាជ និងហ្សូណូ ឡើយ។
គូររំលឹកថាសុគន្ធ និសា ធ្លាប់ច្រៀងសម្ដែងបទចម្រៀងជាច្រើនបទជាមួយលោកព្រាប សុវត្ថិ ពិសេសគឺការឆ្លងឆ្លើយគ្នាបទមរតកដើមដែលតារាទាំងពីរសាកសមគ្នាទាំងសម្លេង និងសកម្មភាពសម្ដែង។ប៉ុន្ដែពេលនេះលោកឧកញ៉ាស្នាយ ងាកទៅចាប់ដៃគូស្រីក្មេងនាងតន់ ច័ន្ទសីម៉ា ទើបធ្វើឲ្យតារារហ័ស្សនាមអ្នកចម្រៀងស្រគត់ស្រគុំសុគន្ធ និសា ពិបាកនឹងស្វែងរកដៃគូដែលសាកសមនាងបើទោះជាកន្លងមកអ្នកនាងសុគន្ធា មិនធ្លាប់បង្ហាញកាវិការណាមួយដែលនាងត្រូវបានគេចាត់ទុកថាជាអ្នកចម្រៀងដែលប្រកាន់ដៃគូក្ដី។សម្រាប់អ្នកជំនាញសិល្បៈបានលើកឡើងថាសុគន្ធ និសា មិនសូវមានបទចម្រៀងខ្លាំងៗដូចមុនទៀតទេ ក្រោយនាងមានស្វាមីនាងជាង៥ឆ្នាំ ហេតុនេះគេជឿរថានិសា បានត្រៀមខ្លួនរួចជាស្រេចទៅហើយថានាងនឹងធ្វើទៅតាមក្រុមហ៊ុនតម្រូវពោលគឺការចាប់ដៃគូថ្មីជាមួយម្ចាស់ពានទាំងឡាយណានៅហង្សមាសនៅតែអាចទៅរួចដើម្បីឲ្យទីផ្សារចម្រៀងមានការប្រែប្រួលឡើងវិញ បើទោះជាតារាវ័យ៤០ឆ្នាំ រូបនេះមិនចង់ក្លាយជាដៃគូជាមួយតារាណាដែលមានវ័យក្មេងជាងខ្លួនក៍ដោយ។
សុគន្ធ និសា បានផ្អាកថតសម្ដែងភាពយន្ដដោយគ្មានកំណត់ដើម្បីយកពេលវេលាមកពង្រឹងអាជីពចម្រៀងក្រោយនាងឆក់បានតួឯកភាពយន្ដដល់ទៅ៤រឿងគឺ”សិសិររដូវក្នុងបេះដូង”,”រាជនីយ៍ភូមិគ្រឹះ”,”ព្រះវេស្សន្ដជាតក” និងរឿង”ចំណតថ្មីនេះសុភមង្គល”។អតីតតារាថោន រូបនេះត្រូវបានគេសរសើរថានាងរក្សារបានរាងស្វែលស្អាតមិនបែកសាច់ដូចតារាមួយចំនួនទៀតដែលមានប្ដីហើយនោះទេ ហេតុនេះបានជាធ្វើឲ្យនិសា នៅតែត្រូវប៉ាន់ស្ពតពាណិជ្ជកម្មធំដែលនាំឲ្យនាងរក្សារលំនឹងប្រាក់ចំណូលពីអាជីពសិល្បៈ។តែការបរាជ័យពពោះ២លើកស្ទួនៗកាលពីឆ្នាំ២០២១ និង២០២២ នាំឲ្យនិសា ដេកភ័យបុកពោះព្រោះខ្លាចដើរលើផ្លូវមាស សុខសោភា ដែលមានប្ដី១៦ឆ្នាំ តែអត់មានកូន១គ្រាប់ ព្រោះតែជ្រើសវិធីពន្យាកំណើតច្រើនឆ្នាំពេក ហេតុនេះហើយបានជានៅឆ្នាំ២០២៣ នេះអ្នកនាងសុគន្ធា កំពុងរៀបចំផែនការណ៍យកកូនប្រើឲ្យខាងតែបាននៅឆ្នាំទី៣នេះ បើទោះជានាងមិនបានបន្ធូដៃពីការងារសិល្បៈហើយថៅកែបានទម្លាក់តំណែងធំដល់ទៅ២ឲ្យនាងរ៉ាប់រងគឺធ្វើជាCoach កម្មវិធីThe Voice Kids Cambodia រដូវកាលទី៣ និងJudge កម្មវិធី Cambodian Idol Junior រដូវកាលទី២ ក្ដី តែនាងក៍មិនភ្លេចពីរឿងយកកូនដំបូងនៅឆ្នាំនេះដែរ។ អ្នកជំនាញសិល្បៈលើកឡើងនិសា នឹងត្រូវបានថៅកែផ្ដល់តំណែងធំថ្មីឲ្យនាងបន្ថែមទៀតជាមិនខាន ដើម្បីចងជើងនាងកុំឲ្យដើរចេញពីទ្រនុំធំនេះជាលើកទី២ ក្រោយមានព័តមានថាថោន នៅតែចង់ឲ្យនាងទៅហើយមកវិញ ខណៈដែលGalaxy កំពុងតែស្វែងរកដៃគូឲ្យព្រាប សុវត្ថិ និងខែម ប៊ុនថៃ បន្ថែមពីលើនាងតន់ ច័ន្ទសីម៉ា ។
សុគន្ធ និសា បានរៀបការជាមួយលោកចៅ សម្បត្តិ កាលពីថ្ងៃទី១ ខែធ្នូ ឆ្នាំ២០១៧ ហើយពេលនេះលែងមានដំណឹងនាងចង់ទៅរស់នៅជាអចិនត្រេយ៍ជាមួយប្ដីនៅអាមេរិក ខណៈដែលស្វាមីនាងបានមករស់នៅតាមនាងនៅខ្មែរតាំងពីមុនរៀបការម្លេះ។ការជ្រើសប្ដីជាបុរសអាណិកជនដោយចោលតំណែងជំទាវព្រោះមើលរំលងមន្រ្ដីធំៗមួយចំនួនដែលតាមចែចង់នោះនាំឲ្យនិសា អាចបន្ដអាជីពសិល្បៈទៅមុខដោយគ្មានឧបស័ក្ក ស្របពេលដែលលោកសម្បត្តិ បានផ្ដល់ទំនុកចិត្តខ្ពស់ដល់រូបនាងពោលគឺពេលនិសា ច្រៀងសម្ដែងតាមបណ្ដារឆាកតន្រ្ដីទាំងឡាយលោមិនដែលទៅតាមឃ្លាំមើលដូចតារាមួយចំនួនទៀតដែលមានប្ដីជាបុរសក្រៅស្រុកឡើយ។ប៉ុន្ដែតាមព័តមានថាបើសិនជានិសា នៅតែមិនអាចមានលទ្ធភាពផ្ដល់កំណើតឲ្យកូនដំបូងនៅឆ្នាំ២០២៣ ប្រាកដជាធ្វើឲ្យចំណងស្នេហានាងមិនសូវមានភាពកក់ក្ដៅក្នុងគ្រួសារនោះទេ ហើយចំណងស្នេហាក៍ប្រឈមហានិភ័យតិចតួចផងដែរ ព្រោះមានប្ដីប្រពន្ធតារាខ្លះក៍ចែកផ្លូវគ្នាជាបន្ដបន្ទាប់ ព្រោះតែរឿងរៀបការច្រើនឆ្នាំតែអត់កូនបន្ដពូជ៕
