ភ្នំពេញ៖អ្នកនាងយុគ ចិន្ដា នៅតែបន្ដកាន់ទុក្ខជូនម្ដាយនាងលោកស្រីខឹម ផល្លី ដែលបានទទួលមរណភាពកាលពីថ្ងៃទី១០ ខែកក្កដា ឆ្នាំ២០២២ ហើយនាងតែងតែទៅវត្តិស្ទើរៀងរាល់ថ្ងៃសីល នៅពេលដែលនាងទំនេរពីការងារសិល្បៈ។ដោយសារតែមានវិបត្តិដួងចិត្តព្រោះបាត់បង់ម្ដាយជាទីស្រលាញ់គ្មានថ្ងៃជួបបែបនេះហើយទើបមង្គលការរបស់នាងដែលគ្រោងធ្វើនៅដើមឆ្នាំ២០២៣ នេះត្រូវបានលុបចោលជាបន្ទាន់ ព្រោះតែនាងមិនចង់បង្កើតកម្មវិធីសប្បាយៗផ្ទាល់ខ្លួនពេលដែលម្ដាយទើបតែលាចាកលោកថ្មីៗពេក បើទោះជាអ្នកនាងបានកាន់ទុក្ខជូនម្ដាយជិត១ឆ្នាំទៅហើយក្ដី។ដោយឡែកជំនួយការរបស់អ្នកនាងចិន្ដា លោកជីមមី វិញបានប្រាប់ថាមង្គលការរបស់មេ(អ្នកនាងចិន្ដា)អាចនឹងរៀបចំឲ្យខាងតែបាននៅឆ្នាំ២០២៤ ខងមុខនេះ ព្រោះសម្អាងថាដល់ពេលនោះអ្នកនាងចិន្ដា អាចរំសាយអារម្មណ៍និងធ្វើចិត្តបានខ្លះពីការបាត់បង់ម្ដាយហើយច្បាស់ណាស់ថាលោកជាអ្នកចាត់ចែងទាំងអស់ក្នុងពិធីពិសេសរបស់អ្នកនាងចិន្ដា ក្នុងនោះគិតរួមទាំងការជ្រើសរើសទីតាំង ,រៀបចំតុបតែងលម្អររោងការ និងចុងភៅ ជាដើម។ការអះអាងរបស់លោកជីមមី បែបនេះគឺហាក់ស្របគ្នាទៅនិងការបង្ហើបរបស់អ្នកនាងចិន្ដា នាពេលកន្លងមកដែលថាពេលកូនស្រីសំណព្វចិត្តរបស់នាងកញ្ញាយុគ ដាពេជ្រ ហៅស្រីអម ឈានចូលពេញវ័យក្រមុំនោះអ្នកនាងនឹងរៀបការ ព្រោះពេលនោះកូននាងនឹងធ្វើជាអ្នកកំដនាងតែម្ដងកុំឲ្យពិបាកពឹងគេ ខណៈដែលនៅឆ្នាំ២០២៤ នេះស្រីអម ក៍ឈានដល់វ័យ១៨ឆ្នាំ ពេញក្រមុំស្ដូកទៅហើយ។
ទោះជាអ្នកនាងយុគ ចិន្ដា និងជំនួយការនាងលោកជីមមី ធ្លាប់និយាយស្របគ្នារឿងពិធីរៀបការរបស់របស់ពិធីការិនីដ៍មានឥទ្ធិពលរបស់CTN បែបនេះក្ដី ប៉ុន្ដែប្រភពពីពិធីករដែលស្និតអ្នកនាងចិន្ដា បានបង្ហើបថាពិធីការិនីចូលវ័យ៤៦ឆ្នាំ រូបនេះនៅតែអាលោះអាល័យម្ដាយនាងខ្លាំងដដែល ហេតុនេះមង្គលការនៅឆ្នាំ២០២៤ អាចនឹងរំសាយចោលម្ដងទៀតជាមិនខាន ប្រសិនបើស្ថានភាពតារាជើងចាស់រូបនេះគ្មានការប្រែប្រួលទេ។ព័តមានបានឲ្យដឹងថាអ្នកនាងចិន្ដា និងគូស្នេហ៍បានស្វែងយល់ចិត្តគ្នាច្បាស់លាស់អស់ទៅហើយរយៈពេលជិត៥ឆ្នាំមកនេះ ហេតុនេះទោះជាមិនបានរៀបការក៍អ្នកទាំងពីរអាចនឹងចុះអេតាស៊ីវិលរួចរាល់ហើយដែរព្រោះបច្ចុប្បន្នពួកគេរស់នៅយ៉ាងសុខសាន្ដជាមួយគ្នានៅផ្ទះវីឡារធំស្កឹមស្កៃ នៅបុរីអង្គរភ្នំពេញ (គម្រោងទី២) សង្កាត់ឃ្មួញ ខ័ណ្ឌសែនសុខ រាជធានីភ្នំពេញ ហើយចំណងស្នេហានេះគ្មានការប្រែប្រួលដូចមុនទេ បើទោះជាមានតារាមាត់ចាបមាត់ព្រាបខ្លះថាអ្នកនាងចិន្ដា និងសង្សារមិនសូវសមគ្នា ហើយមួយចំនួនមានទាំងហ៊ានជម្រុញឲ្យនាងយកគូស្នេហ៍សង្ហារនិងក្មេងជាងនេះក្ដី តែអ្នកនាងចិន្ដា អត់ក្វល់ ហើយបើបែកគឺបែកតាំងពីយូមកហើយ។
អ្នកនាងយុគ ចិន្ដា ធ្លាប់ប្រាប់អ្នកយកព័តមានយើងថានាងបានគិតគូរពីពេលវេលារៀបការនោះរួចរាល់អស់ហើយ គ្រាន់តែនាងមិនចង់និយាយអ្វីទុកមុនប៉ុណ្ណោះ។ដោយឡែកគូស្នេហ៍របស់នាងត្រូវបានជំនួយការនាងបង្ហើបថាលោកជាអ្នកជំនួញម្នាក់ មិនមែនជាមន្រ្ដីធំដូចគេនិយាយកន្លងមកទេ។
គូររំលឹកថាអ្នកនាងយុគ ចិន្ដា ធ្លាប់បរាជ័យស្នេហាជាច្រើនលើកច្រើនសារមកហើយ តែនាងមិនដែលធ្លាប់រៀបការម្ដងណាទេ ដែលនេះជាចម្ងល់របស់មហាជនថាហេតុអ្វីបានជាពេលនេះនាងមានកូនពេញក្រមុំទៅហើយ?តើបុរសណាទៅជាឪពុកកូនស្រីរបស់នាង?នេះជាសំណួរដែលគ្មានចម្លើយ ព្រោះអ្នកនាងចិន្ដា មិនដែលហ៊ានលាតត្រដាងរឿងដ៍គូរឲ្យរស់បមួយនេះទេ។តែការភ្ជាប់ស្នេហាថ្មីនាពេលនេះរក្សារបានភាពយូអង្វែងជាងការប៉ៈស្នេហ៍លើកមុនៗ ទើបអ្នកនាងចិន្ដា គ្រោងដឹកដៃគូស្នេហ៍រៀបការ២លើកមកហើយគឺលើកទី១ នៅខែមីនា ឆ្នាំ២០២២ និងលើកទី២ នៅខែមីនា ឆ្នាំ២០២៣ តែបានខកចិត្តទាំង២លើក ព្រោះលុបចោលយ៉ាងទាន់ហន់ ខណៈដែលមង្គលការលើកទី៣ ដែលគ្រោងធ្វើនៅដើមឆ្នាំ២០២៤ ខាងមុខនេះតាមជំនួយការនាងបង្ហើបនោះក៍អាចនឹងត្រូវឆាចោលជាលើកទី៣ ផងដែរ ប្រសិនបើអ្នកនាងចិន្ដា នៅតែមិនទាន់អាចធ្វើអារម្មណ៍ល្អឡើងវិញបាន។ ដោយឡែកអ្វីដែលមហាជនសរសើរអ្នកនាងយុគ ចិន្ដា នោះគឺទោះជានាងប៉ៈស្នេហាមិនសមប្រកបជាច្រើនសារក្ដី តែនាងនៅតែឈជើងយ៉ាងរឹងមាំក្នុងអាជីពសិល្បៈ និងមុខជំនួញ រហូតមកដល់ឆ្នាំ២០២៣ នេះអ្នកនាងចិន្ដា នៅតែត្រូវបានគេចាត់ទុកជាសេដ្ឋីនីម្នាក់ក្នុងសិល្បៈក្នុងចំណោមអ្នកនាងគង់ សុជាតិ ,ខាត់ សុឃីម និងកែវ ស្រីនាង ជាដើម៕
