ភ្នំពេញ៖តារាចម្រៀងណុប បាយ៉ារិទ្ធ ត្រូវបានមិត្តរួមអាជីពបានSurprise ធ្វើខួបកំណើតឲ្យលោកនៅឆាកតន្រ្ដីហង្សមាសកាលពីថ្ងៃទី១៨ មិថុនា ដែលឆ្នាំនេះលោកមានអាយុ៤២ឆ្នាំ ។អ្នកនាងសុគន្ធ និសា បានលើកនំខេក ជូនទៅលោកបាយ៉ារិទ្ធ ហើយហៅរៀមច្បងរូបនេះថាជា”ប្រុសកាយុង” ហើយនាងជូនពរលោកឲ្យកាន់តែមានរូបរាងសង្ហារ និងជោគជ័យក្នុងការងារ…។ប៉ុន្ដែសម្រាប់ថ្ងៃខួបលោកបាយ៉ារិទ្ធ ឆ្នាំនេះគេមិនទាន់ឃើញអ្នកនាងសុខ ស្រីនាង ដែលធ្លាប់ត្រូវបានគេសង្ស័យថាមានភាពស្និតស្នាលនិងទំនាក់ទំនងពិសេសជាមួយលោកបាយ៉ារិទ្ធ នោះយកនំខេក ឬកាដូមកជូនអ្នកចម្រៀងរហ័ស្សនាម”មុខក្មេងសម្លេងចាស់” រូបនេះដូចឆ្នាំមុនៗនោះទេពោលគឺស្ងប់ស្ងាត់តែម្ដងសូម្បីតែសារជូនពរ។យ៉ាងណាការដែលលោកបាយ៉ារិទ្ធ មិនទាន់បានកាដូពីស្រីនាង ដូចឆ្នាំមុនៗនោះដោយសារតែថ្មីៗនេះមានព័តមានថាអតីតតារាសាន់ដេរូបនេះបានចាកចេញពីហង្សមាសទៅហើយ ប៉ុន្ដែសាមីខ្លួននៅមិនទាន់ចេញមុខបកស្រាយនោះទេ ។តែប្រសិនបើស្រីនាង លែងជាតារាហង្សមាសមែន នោះមានន័យថាទំនាក់ទំនងរវាងលោកបាយ៉ារិទ្ធ និងនាង អាចនឹងរយាលៗពីគ្នាបន្ដិចម្ដងៗជាមិនខានឡើយ ហើយចុងក្រោយថ្ងៃខួបកំណើតទាំងសងខាង នឹងមានអ្នកណាម្នាក់បំភ្លេចគ្នាក៍ថាបាន។
ណុប បាយ៉ារិទ្ធ ធ្លាប់ត្រូវបានអ្នកលេងបណ្ដាញសង្គមសង្ស័យថាលោកមានស្នេហាជាមួយអ្នកនាងសុខ ស្រីនាង ព្រោះតែអ្នកទាំងពីរហាក់យល់ចិត្តគ្នាច្បាស់នៅក្រៅឆាក ជាងក្នុងឆាកទៅទៀត ពិសេសគឺធ្លាប់ជូនពរគ្នាទៅវិញទៅមករៀងរាល់ថ្ងៃខួបកំណើតរបស់ពួកគេនូវសារបែបគូស្នេហ៍។ប៉ុន្ដែកាលពីឆ្នាំ២០២២ សុខ ស្រីនាង បានហៅលោកបាយ៉ារិទ្ធ ថាបងប្រុសទើបអ្វីៗបែទៅជាក្រឡាប់ចាក់អស់ ខណៈដែលពេលនេះតារាជើងចាស់របស់ហង្សមាសរូបនេះនៅមិនទាន់បង្ហាញភាពស្និតស្នាលជាមួយដៃគូថ្មីណាដែលលោកស្និតដូចជាមួយស្រីនាង ឡើយ។
គូរបញ្ជាក់ថាលោកណុប បាយ៉ារិទ្ធ ត្រូវបានគេចាត់ទុកថាលោកជាអ្នកចម្រៀងដុះស្លែម្នាក់របស់ហង្សមាសព្រោះជ្រកនៅទ្រនុំធំនេះអស់រយៈពេល២៦ឆ្នាំមកហើយ និងគ្មានដំណឹងថាលោកចង់ប្ដូរទ្រនុំច្រៀងនោះទេ បើទោះជាដៃគូរបស់លោកគឺព្រាប សុវត្ថិ បានបាយបាយហង្សមាស តាំងពីឆ្នាំ២០២០ ក្ដី។សម្រាប់អ្នកជំនាញសិល្បៈបានលើកឡើងថាលោកបាយ៉ារិទ្ធ នៅតែជាតារាផ្នែកមួយសំខាន់របស់ហង្សមាសពិសេសគឺក្នុងតួនាទីជាគណៈកម្មាការ និងគ្រូបង្វឹកការប្រលងចម្រៀងធំៗ ព្រោះលោកនិយាយភាសារបច្ចេកទេសទៅកាន់បេក្ខភាពទាំងឡាយបានយ៉ាងល្អ។តែលោកបាយ៉ារិទ្ធ ក៍មិនសុខពីពេជ្រ សោភា ដែរពោលគឺមិនទាន់ស្គាល់ជាតិនាំកូនក្រុមរបស់ខ្លួនកាន់ពានម្ដងណាឡើយ ខណៈដែលអតីតតារាហង្សមាសលោកព្រាប សុវត្ថិ ,ឆន សុវណ្ណារាជ ,ហ្សូណូ ,ឱក សុគន្ធកញ្ញា សុទ្ធតែបានដឹកដៃកូនក្រុមរបស់ខ្លួនលើកពានកម្មវិធីប្រលងចម្រៀងផ្សេងៗគ្នាអស់ទៅហើយ។
ទស្សនិកជនចាប់អារម្មណ៍ថានៅថ្ងៃខួបកំណើតរបស់លោកណុប បាយ៉ារិទ្ធ ឆ្នាំនេះទោះជាលោកមានវ័យជ្រេបន្ដិចក្ដី ប៉ុន្ដែលោកនៅតែរក្សារសម្រស់បានក្មេងជាងវ័យ ហើយទឹកដមសម្លេងនៅតែក្រអួនក្រអៅដដែល។តែអ្វីដែលFan របស់លោកបាយ៉ារិទ្ធ ចង់ឃើញលោករៀបការប្រពន្ធឆាប់ៗ ដើម្បីលុបពាក្យចរចាមអារ៉ាមទាំងឡាយនោះ រហូតមកដល់ពេលនេះនៅតែគ្មានដំណឹងដដែល ទើបធ្វើឲ្យអ្នកគាំទ្រលោកមិនអស់ចិត្តថាតើអ្នកចម្រៀងសាច់សដូចស្រីរូបនេះនឹងមិនយកប្រពន្ធជារៀងរហូតឬយ៉ាងណា?
ក្រៅពីលោកណុប បាយ៉ារិទ្ធ តារាប្រុសដែលពូកែថែសម្រស់ឲ្យនៅតែក្មេងជាងវ័យនោះមានដូចជាលោកព្រាប សុវត្ថិ ,ចា រិទ្ធី និងទេព រិនដារ៉ូ ជាដើម។អ្នកតាមដានសកម្មភាពសិល្បៈរបស់លោកបាយ៉ារិទ្ធ បាននិយាយថាក្រោយពីអ្នកចម្រៀងរូបនេះបានផ្ដល់បទពិសោធន៍ក្នុងអាជីពចម្រៀងរបស់ខ្លួនទៅឲ្យអ្នកបន្ដវេនជំនាន់ក្រោយជិត១០ឆ្នាំមកហើយនេះ លោកកំពុងព្យាយាមចង់នាំកូនក្រុមរបស់ខ្លួនលើកពានជាលើកដំបូងនៅឆ្នាំ២០២៣ នេះតាមរយៈការធ្វើជាគ្រូបង្វឹកកម្មវិធីThe Voice Cambodia រដូវកាលទី៣ នេះតែម្ដង។ប៉ុន្ដែគេមិនដឹងថាតើពេជ្រ សោភា ដែលចង់ឲ្យកូនក្រុមនាងស្គាល់រសជាតិពានដូចឆន សុវណ្ណារាជ និងឱក សុគន្ធកញ្ញា ដែរនោះ ព្រមបន្ទូដៃឲ្យគូប្រជែងឬយ៉ាងណា?ទស្សនិកជនរងចាំមើលដែរថាតើសុខ ស្រីនាង នឹងភ្លេចថ្ងៃខួបកំណើតឆ្នាំនេះរបស់លោកបាយ៉ារិទ្ធ ឬមួយក៍នាងចង់Surprise ដល់ដៃគូនូវកាដូពិសេសក្រោយគេ?
