ភ្នំពេញ៖ប៉ាច គីមមួយ និងពេជ្រ សោភា ជាតារាជ្រកនៅហង្សមាសតែមួយ និងបានអនាគតស្វាមីជាប្រុសក្មេងដូចគ្នាទៀតផង។ប៉ុន្ដែនៅឆ្នាំ២០២៤ ខាងមុខនេះគីមមួយ នឹងដឹកដៃកំពូលស្នេហ៍បុរសរូបសង្ហាររៀបការដែលពេលនោះនាងមានអាយុ៣០ឆ្នាំគត់ ខណៈដែលពេជ្រ សោភា ឯណ្ណេះវិញនៅឆ្នាំនេះនាងមានអាយុ៤០ឆ្នាំទៅហើយក្រោយពីលុបចោលមង្គលការនៅឆ្នាំ២០២៣ នេះទាំងសោភា និងលោកសក្កដា អត់ហ៊ានកំណត់ពេលរៀបការជាថ្មីឡើយ។
ប៉ាច គីមមួយ និងសយ រតនៈ ជាគូស្នេហ៍ដ៍សាកសមគ្នាខ្លាំង ព្រោះស្រីស្រស់ប៉ៈប្រុសរូបសង្ហារហើយអ្នកទាំងពីរបានស្វែងយល់ចិត្តគ្នាមិនតិចជាង៥ឆ្នាំនោះទេ ទើបសម្រេចចិត្តភ្ជាប់ពាក្យជាមួយគ្នាកាលពីថ្ងៃទី១ ខែកក្កដា ឆ្នាំ២០២២ និងបានទិញផ្ទះ និងរថយន្ដបង់រំលស់រួមគ្នាមុនពេលពួកគេរៀបការនៅឆ្នាំក្រោយនេះទៀតផង។ក្រោយគីមមួយ ក្លាយទៅជាគូដណ្ដឹងលោករតនៈ ជិត១ឆ្នាំនេះអ្នកទាំងពីរគិតតែពីប្រឹងរកលុយរៀងៗខ្លួនហើយគីមមួយ ហាក់ដូចជាតាមរតនៈ ស្អិតតែម្ដងព្រោះថាប្រុសក្មេងរូបនេះក៍មិនណយដែរមាននារីៗវ័យចំណាស់ជាច្រើនធ្លាប់ជាប់ចិត្តមុនលោកភ្ជាប់ស្នេហ៍គីមមួយ ហេតុនេះហើយបានជាអ្នកសិល្បៈរួមអាជីពលាន់មាត់ថាខាងស្រីហាក់ដូចជាប្រចណ្ឌនិងហួងហែងខាងប្រុសច្រើនជាង។សម្រាប់នាងគីមមួយ វិញមន្ដស្នេហ៍នាងក៍មិនធម្មតាដែរ ព្រោះនាងមានជម្រើស្នេហ៍ច្រើនដោយមានមន្រ្ដីធំៗមួយចំនួនចង់ស្ទួចបេះដូងនាងតាមរយៈការផ្ដល់តំណែងជំទាវលាក់មុខ តែស្រីស្រស់អត់ចាប់អារម្មណ៍ព្រោះនាងយល់ថាការធ្វើជាស្រីគេចិញ្ចឹមមិនមែនជារឿងមួយស្រួលឡើយ។
ប៉ាច គីមមួយ ជាស្រីស្អាតម្នាក់នៅហង្សមាសហើយទោះជាធ្លាប់ប្រេះឆាស្នេហ៍ចាស់ម្ដងរួចទៅហើយមែន តែនាងមិនដែលមានរឿងអាស្រូវស្នេហ៍នោះទេ។នាងជាអ្នកចម្រៀងដែលមានការស្លៀកពាក់គូរឲ្យទាក់ទាញគ្រប់ពេលនិងអាចច្រៀងតាមបណ្ដារកម្មវិធីផ្សេងៗជាបទភាសារអង់គ្លេស និងចិន បានទៀតផងទើបក្រៅពីបង្ហាញខ្លួនតាមឆាកតន្រ្ដីធំៗនោះជាញឹកញាប់គេឃើញតារាសាច់ដូចបណ្ដូលចេករូបនេះតែងតែលេចមុខនៅតាមកម្មវិធីរបស់ក្រុមហ៊ុនAgency ទាំងឡាយ។ប៉ុន្ដែចាប់តាំងពីចុងឆ្នាំ២០២២ មកគីមមួយ មិនសូវមានបទចម្រៀងលេចធ្លោដូចមុនទៀតនោះទេ ពិសេសគឺការចាកចេញពីហង្សមាសរបស់ព្រាប សុវត្ថិ ធ្វើឲ្យនាងខកខានច្រៀងនិងសម្ដែងជាមួយឧកញ៉ាស្នាយ តទៅទៀតដែលធ្វើឲ្យអាជីពចម្រៀងនាងហាក់នៅទ្រឹងផងដែរ ខណៈដែលហង្សមាសងាកមកធ្វើបទចម្រៀងឲ្យនាងច្រៀងជាមួយអនាគតស្វាមីតែម្ដង ។ចំពោះរឿងមង្គលការរបស់គីមមួយ និងលោករតនៈ នៅឆ្នាំ ២០២៤ ខាងមុខនេះពួកគេមិនទាន់បង្ហើបពីទីតាំងនិងថ្ងៃខែពិតនោះទេ ព្រោះគីមមួយ ថាចង់ ធ្វើឲ្យFan របស់នាងSurprise តែតារាទាំងពីរថានៅឆ្នាំនោះជាពេលវេលាដ៍សមស្របបំផុតមួយរបស់ពួកគេដែលមិនអាចពន្យាពេលវេលាតទៅទៀតបានឡើយ។
ក្រៅពីអាជីពចម្រៀងប៉ាច គីមមួយ និងគូស្នេហ៍បានរកស៊ីលក់អ៊ឺវ៉ាន់តាមOnline ដើម្បីសន្សំលុយទុករៀបការផង និងបង់រំលោះផ្ទះទ្រនុំស្នេហ៍ដែលពួកគេបានទិញរួមគ្នានៅម្ដុំស្ពានចំការដូង ខណ្ឌមានជ័យ។អំឡុងពេលដែលអាជីពចម្រៀងមិនសូវមមាញឹកព្រោះចូលដល់ខែធ្លាក់ភ្លៀងនេះនាងគីមមួយ និងគូដណ្ដឹងក៍តែងតែដើរកម្សាន្ដរួមគ្នាជាញឹកញាប់តាមតំបន់រម្យនីយដ្ឋានទាំងក្នុងនិងនៅប្រទេសជិតខាង ដើម្បីឲ្យចំណងស្នេហារបស់ពួកគេកាន់តែរឹងមាំថែមទៀត។ដោយឡែកថៅកែហង្សមាសវិញក្រៅពីបង្ហាញការគាំទ្រដល់គូស្នេហ៍តារា១គូនេះតាមរយៈការធ្វើបទចម្រៀងឲ្យស៊ីគ្នាទៅនិងសាច់រឿងពិតរបស់ពួកគេក្រៅឆាកនោះក៍ផ្ដល់ឱកាសឲ្យគីមមួយ និងរតនៈ បានសម្ដែងភាពយន្ដជាបន្ដបន្ទាប់ផងដែរ។
សូមបញ្ជាក់ថាប៉ាច គីមមួយ ស្ថិតក្នុងចំណោមតារាដែលបានស្វាមីក្មេងមានដូចជាអ្នកនាងគង់ សុជាតិ,ខាត់ សុឃីម និងពេជ្រ សោភា ជាដើម។គូស្នេហ៍គីមមួយ-រតនៈ នេះហាក់យល់ចិត្តគ្នាល្អមុនដឹកដៃគ្នារៀបការនៅឆ្នាំក្រោយនេះ ព្រោះពួកគេមិនដែលមានភាពរកាំរកូសជាមួយគ្នាម្ដងណាឡើយគឺមានតែសរសើរគ្នាទៅវិញទៅមក ហើយប្រាក់ចំណូលដែលរកបានពីអាជីពចម្រៀងរួមគ្នាក្នុង១រដូវក្ដៅនោះក៍រាប់ម៉ឺនដុល្លារដែរ ហេតុនេះហើយគេជឿរថាមង្គលការរបស់ស្រីស្រស់ ប្រុសសង្ហារ១គូនេះច្បាស់ជានឹងធ្វើធំដុំមិនចាញ់តារាល្បីៗដ៍ទៃទៀតឡើយ។ដោយឡែកសម្រាប់ពេជ្រ សោភា វិញអាចនឹងមិនឲ្យចាញ់គីមមួយ នោះទេ ព្រោះនាងចង់រៀបការនៅឆ្នាំ២០២៣ តែលោកសក្កដា មិនព្រម ហេតុនេះគេរំពឹងថាក្រោយឃើញគីមមួយ និងរតនៈ ក្រាបផ្ទឹមតាមប្រពៃណីខ្មែរនៅឆ្នាំ២០២៤ នឹងធ្វើឲ្យសោភា និងគូស្នេហ៍ប្ដូរចិត្តជាមិនខាន៕
