គេថាភាពជោគជ័យរបស់មនុស្សប្រុស តែងតែមានសក់វែង(ភរិយា)នៅក្រោយខ្នងគាំទ្រ ទើបទៅរួច ដែលសំដៅ ទាំងបុរសទាំងឡាយមានគ្រួសារ ហើយស្របគ្នាទៅនិងសុភាសិតខ្មែរពោលថា”សំណាបយោងដី ស្រ្ដីយោង បុរស ”។ដោយឡែកងាកមកមើលតារាប្រុស៤ដួងឈនៅលំដាប់កំពូលតារាចម្រៀងនាពេលបច្ចុប្បន្ននេះក៍ដោយ សារតែមានភរិយាជាអ្នកជួយជ្រោមជែង ឬជាជំនួយការផ្ទាល់ខ្លួនតែម្ដង។
១៖ព្រាប សុវត្ថិៈលោកព្រាប សុវត្ថិ បានជោគជ័យក្នុងអាជីពចម្រៀងអស់រយៈពេល២៦ឆ្នាំ មកហើយ ដែលគិត ត្រឹមឆ្នាំ២០២៣ នេះក៍នៅតែមិនទាន់មានតារារូបណាផ្ដួលលោកបានដែរ ទោះជាអ្នកចម្រៀងវ័យ៤៨ឆ្នាំ រូបនេះ លែងសូវមានបទខ្លាំងៗដូចកាលនៅហង្សមាស តាំងពីលោកចូលGalaxy ជាង២ឆ្នាំមកក្ដី។ពិតណាស់អ្នកស្រីឡុង ស្រីមុំ បាននិយាយថាលោកជំទាវគឺជាអ្នករៀបចំសម្លៀកបំពាក់និងគ្រឿងអលង្ការព្រមទាំងMake Up ជូនស្វាមី ហើយសឹងតែគ្រប់MV និងការច្រៀងសម្ដែងរបស់ប្ដីគាត់តែងតែទៅតាមលោកសុវត្ថិ ជានិច្ច។ចំណុចនេះបញ្ជាក់ ថាឧកញ៉ាព្រាប សុវត្ថិ មានភរិយាជាជំនួយការ ហើយការរក្សារតំណែងក្នុងអាជីពចម្រៀងបានយូជាងគេជាង ២ទសវត្សន៍មកនេះក៍មានភរិយាលោកជាចំណែកដ៍សំខាន់មួយនៅក្រោយខ្នងដែរបើទោះជាលោកស្រីមិនមែន ជាអ្នកដឹកនាំសម្ដែង និងនិពន្ធបទឲ្យប្ដីច្រៀងក្ដី។
២៖ខេមរៈ សិរីមន្ដៈលោកខែម ប៊ុនថៃ មានភិរយាលោកឈ្មោះគុយ ផល្លី ជាអ្នកដឹកនាំសម្ដែងMV ឲ្យនៅហង្ស មាស តែពេលលោកប៊ុនថៃ មកដល់Galaxy កន្លះឆ្នាំមកនេះលោកស្រីផល្លី មិនទាន់បញ្ចេញស្នាដៃឡើយ។ក្រៅពីក្លាយទៅជាDirector បទចម្រៀងប្ដីនោះភរិយាសិរីមន្ដ ក៍ជាអ្នកផាត់មុខនិងរៀបចំ សម្លៀកបំពាក់ឲ្យប្ដីដែរ ដែលសកម្មភាពបែបនេះតាំងពីពួកគេចាប់ដៃគ្នានៅឆ្នាំ២០០៤ អំឡុងពេលសិរីមន្ដ ច្រៀងនៅU2 ម្លេះ។នៅពេល នេះលោកស្រីផល្លី ក៍បានក្លាយទៅជាជំទាវ ដូចលោកស្រីឡុង ស្រីមុំ ដែរ ក្រោយខែម ប៊ុនថៃ ឡើងឧកញ៉ាកាលពីដើមឆ្នាំ២០២២ ។
៣៖ឆាយ វីរៈយុទ្ធៈលោកឆាយ ចាន់ឆោម ហៅឆាយ វីរៈយុទ្ធ មានភរិយាថ្មីអ្នកស្រីសែ ចាន់ឌី ជាអ្នកនិពន្ធបទ ចម្រៀងឲ្យច្រៀងតាំងពីពួកគេបានចាប់ដៃកាលពីឆ្នាំ២០១៧ ។មិនត្រឹមតែសរសេរប៉ារូលឲ្យប្ដីច្រៀងនោះទេប៉ុន្ដែ លោកឆោម ក៍ត្រូវបានប្រពន្ធជាអ្នករៀបចំខោអាវឲ្យឡើងឆាក រួមទាំងការផាត់មុខនៅតាមបណ្ដារ កម្មវិធីទាំង ឡាយផងដែរ ។អ្នកជំនាញសិល្បៈបានលើកឡើងថាលោកចាន់ឆោម ល្បីឬមិនល្បីតទៅទៀត មួយផ្នែកក៍ស្ថិត នៅលើភរិយាលោកបញ្ចេញសម្ថភាពថ្វីដៃផងដែរ ខណៈដែលតាមព័តមានថាលោកវីរៈយុទ្ធ ក៍មានភាគរយខ្ពស់ ក្នុងការឈានទៅជំនួសលោកព្រាប សុវត្ថិ និងខេមរៈ សិរីមន្ដ ដែលដឹកដៃគ្នាចេញពីហង្សមាសចូលGalaxy នោះដែរ។
៤៖ខេមៈលោកប៉ុន សុណារិន ហៅខេម ទើបតែហ៊ានបញ្ចេញនិងបណ្ដើរភរិយារបស់លោកជានារីអាណិកជន ខ្មែរមកពីបារាំងអ្នកនាងស្រីកា កាលពីឆ្នាំ២០២០ ក្រោយពីលាក់បាំងអស់ជាង៥ឆ្នាំ តែចំណងស្នេហាជិត៨ឆ្នាំមក នេះពួកគេកាន់តែហ៊ានបង្ហាញភាពផ្អែមល្ហែមស្នេហ៍ដូចគូស្នេហ៍ដ៍ទៃទៀតដែរហើយ។ ពិតណាស់ទាំង ការច្រៀង សម្ដែងក្នុងនិងក្រៅស្រុកលោកខេម ត្រូវបានភរិយាតាមជាប់និងជាអ្នករៀបចំសម្លៀកបំពាក់ និងផាត់មុខឲ្យ លោកឡើងឆាក គ្រាន់តែពេលខ្លះនាងមិនចង់បញ្ចេញមុខប៉ុណ្ណោះ។លោកខេម ធ្លាប់ប្រាប់អ្នកយកព័តមានយើងថាមង្គលការរបស់លោកនិងអ្នកនាងស្រីកា មិនពន្យាពេលច្រើនឆ្នាំទៀតនោះទេ ហើយលោកនឹងធ្វើជាចំ ហដោយសា្វគមន៍អ្នកសារព័តមានទាំងឡាយ ព្រោះគ្មានអ្វីអាថ័កំបាំងទេ។តែលោកថាមិនអាចកំណត់ ថ្ងៃខែឆ្នាំ បានទេ ប៉ុន្ដែអ្វីៗលោកនិងគូស្នេហ៍បានគិតរួមគ្នាហើយ។អ្នកជំនាញសិល្បៈបានលើកឡើងថាតាំងពីលោកព្រាប សុវត្ថិ និងខេមរៈ សិរីមន្ដ ទៅដល់Galaxy នោះមកធ្វើឲ្យលោកខេម ពិបាកប្រជែងយកតំណែងជាតារាប្រុស ឈានមុខគេនៅផលិតកម្មជើងថ្មីតែហ៊ានចាយលុយធំនេះ ប៉ុន្ដែខេម ច្រៀងស្ទីលសម្លេងស្អកតែពិរោះ ហេតុនេះគ្មានតារាណា អាចដណ្ដើមតំណែងលោកសុណារិន បានឡើយ៕
