ភ្នំពេញ៖បច្ចេកវិទ្យាScreen X ត្រូវបានបំពាក់នៅរោងកុនMajor Cineplex By Smart (Aeon Mall Mean Chey)ដែលបានដាក់សម្ពោធជាផ្លូវការកាលពីល្ងាចថ្ងៃទី១១ កក្កដា ហើយក៍បើកបញ្ចាំងភាពយន្ដដ៍អស្ចារ្យរឿង” ”Mission Impossible” ដែលមានតួឯកប្រុសដ៍ល្បីល្បាញលោកTom Cruise ផងដែរទើបធ្វើឲ្យភ្ញៀវជាច្រើនដែលចូលទស្សនារឿងនេះរីករាយទាំងអស់គ្នាតែម្ដង។
លោកជី សិសា អគ្គនាយករោងភាពយន្ដ Major Cineplex បានឲ្យដឹងថាការនាំមកនូវ Screen X នៅនៅរោងភាពយន្ដMajor Cineplex By Smart នៅAeon 3 នេះជាបញ្ចេកវិទ្យាចុងក្រោយដែលអាចនិយាយបានថាទំនើបនិងអសា្ចរ្យជាងគេនៅតំបន់អាស៊ី ព្រោះអាចមើលពីមុខផង ចំហៀងផងដែលមានទំហ៊ុំ២៧០ ដឺក្រេ (ទទឹង៣០ម៉ែត្រ កម្ពស់២០ម៉ែត្រ)។លោកសិលា បន្ថែមថាបច្ចេកវិទ្យានេះក៍ចូលស្ដង់ដារបស់ពិភពលោកផងដែរ ដែលពេលនេះប្រជាជនកម្ពុជាទទួលបានបទពិសោធន៍ថ្មី ហើយកៅអីប្រៀបដូចជាគ្រែ និងអាចបញ្ជាបានតាមចំណូលចិត្ត ខណៈដែលផ្ទាំងសំពត់សនោះមានដល់ទៅ៣គឺពីមុខ និងចំហៀងទាំងសងខាង។លោកថាការវិនិយោគ Screen X ពេលនេះមានទំហ៊ុំទឹកប្រាក់ធំ ព្រោះបច្ចេកទេសទាំងនោះថ្លៃបន្ដិច ហេតុនេះសំបុត្រលក់ខ្ពស់ជាងធម្មតា តែមិនថ្លៃហួសហេតុពេកទេ ហើយភាគលាភក៍ត្រូវផ្ដល់ទៅឲ្យអ្នកបច្ចេកទេសខ្លះដែរ ជាមួយការផ្ដល់បទពិសោធន៍សម្រាប់អ្នកនិយមទស្សនាកុនឲ្យបានភ្លក្សរសជាតិថ្មី ដែលការមើលភាពយន្ដប្រកបទៅដោយផាសុខភាព សេវ៉ាកម្មល្អបំផុតគឺនៅAeon 3 ។លោកសិលា បន្ថែមទៀតថា Screen X នៅAeon 3 នោះមានដល់ទៅ៤៩៩ កៅអីដែលសាលនោះអាចធ្វើពិធីផ្សេងៗទៀតក៍បានដូចជាConference ឬMini Concerts ជាដើម។
នៅថ្ងៃបើកសម្ពោធ Screen X នោះគេក៍ឃើញមានតារាល្បីៗរបស់ខ្មែរ និងជនជាតិបរទេសពាក់ព័ន្ធវិស័យភាពយន្ដ រួមទាំងអ្នកតំណាងម្ចាស់ Sponsors ជាច្រើនក៍ចូលរួមសាទរ និងទស្សនាភាពយន្ដដោយជក់ចិត្តនៅផ្ទាំងបច្ចេកវិទ្យាដ៍ទំទើបចុងក្រោយនេះ។
លោកជី សិលា អះអាងដែរថាការនាំយករឿង”Mission Impossible “នាពេលនេះពិតជាសាកសមសម្រាប់ថ្ងៃបើកតំណើរការ Screen X ជាផ្លូវការ ហើយពួកគាត់ទស្សនាភាពយន្ដដោយមានអារម្មណ៍ល្អទាំងអស់គ្នា។
តារាសម្ដែងនៅ ដាណា ដែលបានចូលទស្សនារឿង”Mission Impossible “ជាមួយScreen X ទំនើបបំផុតបច្ចេកវិទ្យាថ្មីបង្អស់នោះបានឲ្យដឹងថាScreen X នេះធំមែនទែន ហើយHall ក៍ធំជាងHall ធម្មតាដែរ ពិសេសដល់ពេលScreen X មានទាំងសងខាងចឹងមានអារម្មណ៍ថាដូចយើងមានចលនាក្នុងហ្នឹងចឹង។ដាណា បន្ថែមថាពេលបានមើលរឿង”Mission Impossible “មានគុណភាពបែបនេះនាងចេះតែស្រម៉ៃថាថ្ងៃណាមួយរឿង កុននៅខ្មែរយើងនឹង បានដាក់នៅScreen X និងVIP Hall ព្រោះបច្ចុបប្បន្នខ្មែរត្រឹមតែបញ្ចាំងរឿងនៅកុនធម្មតា ឬ Premium តែមិនទាន់បានបញ្ចាំងនៅ3D ឬScreen X និងVIP Hall នោះទេ តែថ្ងៃក្រោយនាងជឿរថាខ្មែរយើងក៍អាចចូលទៅក្នុងប្រទេសហ្នឹងបានដែរ។
ទាក់ទងរឿង”Mission Impossible” វិញនាងថាActions ថាតួមួយៗលះៗណាស់ទាំងការហាត់វ៉ៃ និងទឹកមុខលះមែនទែន ចឹងគ្រាន់តែមើលរឿងហ្នឹងហើយនាងមានអារម្មណ៍ថាទៅរៀនហ្វឹកហាត់វ៉ៃទៀត ព្រោះចៃដន្យបើត្រូវថតរឿងណាមានឈុតវ៉ៃទាត់ធាក់ គឺអាចដឹងពីទិកនិកចេះវ៉ៃតែម្ដង ដើម្បីកុំឲ្យស្គង។ពាក់ព័ន្ធតួអង្គសំខាន់Tom Cruise វិញដាណា ថានាងសរសើរមែនព្រោះគាត់សម្ដែងនៅតែខ្លាំងបើទោះជាអាយុគាត់ច្រើនមែន តែគាត់នៅមានកំលាំងកំហែងវ៉ៃទាត់ហក់លោត ហើយលះបង់ច្រើនពិសេសគឺត្រង់ឈុតជិះម៉ូតូធ្លាក់ពីលើភ្នំនោះគឺលេងមែនទែន គេបង្ហាញាឈុតទាំងនោះនៅBehind The Scene គឺអស្ចារ្យណាស់ ព្រោះទោះជាឈុតនោះគ្រោះថ្នាក់យ៉ាងណាក៍គាត់នៅតែធ្វើដែរ។
ក្រៅពីនៅ ដាណា ក៍មានតារាសម្ដែងផ្សេងៗទៀតនិយាយថាពួកគេចង់ឃើញភាពយន្ដខ្មែរលេចមុខនៅផ្ទាំងសំពត់ស Screen X នេះនាពេលខាងមុខដែរ ប៉ុន្ដែគេចាំមើលថាផលិតកររបស់ខ្មែរនឹងមានការតាំងចិត្តយ៉ាងម៉េចចំពោះបំណងនេះព្រោះរឿងនេះអាចទៅរួចនៅលើកត្ដាជាច្រើនដូចជាបច្ចេកវិទ្យា ,សម្ថភាពតួអង្គ,សាច់រឿង និងDirector ហើយពិសេសការវិនិយោគទុនតែម្ដង៕
